في حايل
وقف السياره اما البيت يلتفت ل جده ينطق : هذا بيتهم ... قد قابلتهم؟
هز راسه الجد بالاجابه : ايهه ايههه في عرس سلطان ولد حسين شفته
تنهد بعمق يفتح باب السياره بنزل مع جده يتقدم يطرق الباب
يفتح لهم الباب بعد دقايق ، يعقد حاجبه ينطق : فهد ؟
هز راسه الجد فهد ينطق : الله الله
ابتسم ابو جوزاء بفرح ينطق : ارحب ارحب ، تقدم يسلم عليهم ومن بعدها يدخلهم المجلس
ويضيفهم والابتسامه في وجه : الله حيهم الله حيهم
الجد فهد : الله يحيك يالغالي
ابو جوزاء : عساكم بخير ايش علومكم
الجد فهد : بخير الحمدالله اخبارك انت
ابو جوزاء : ابد والله بخير الحمدالله ... من زمان عنكم ما عاد تسيرو لا انت ولا محمد وحتى عبدالعزيز من راح ماجاء اهقى ماتحبون حايل
ابتسم الجد فهد : الا نحب حايل واهلها
ناظر ابو جوزاء ل سلمان ينطق : شلونك ياولدي
ابتسم سلمان ينطق : بخير الحمدالله
تبدا سوالفهم واخذ اخبار بعض ومابين ضحك الماضي و القصص
~
وبعد ساعات طويله منها
نطق الجد فهد : والله حنا جاين وطالبينك
ابتسم ابو جوزا بنطق : سم امرني
الجد فهد : جاين نطلب القرب منكم ونطلب يد بنتك ل حفيدي سلمان
سكتت ابو جوزا بصدمه يبحلق عيونه ما توقع ولا حط في باله ، ماقد خطبها احد معروف انها ل ولد خالتها ، بلع ريقه بتوتر ماعنده رد مناسب له غير انه يبتسم لهم ينطق : الساعه المبارك والله وسلمان و النعم فيه ... اعطونا وقت ناخذ راي الاهل ونرد لكم
تنهد سلمان براحه مايخفي داخله من توتر وخوف وقلق تقدم ومايعرف هل يوافق او لا
وممكن هذا الامر يدهور حياته وتخرب وما يستقر ولكن في باله انها وقت لين ياخذ هزاع شموخ ويطلقها وينتهي كل شي بينهم ...
-
دخل غرفته رفع نظره لها يشوفها جالسه على السرير حاضنه رجولها عقد حاجبه بستغراب مايعرف الي حصل لها تقدم لها يجلس بجانبها نطق همس : حنيني
صدت ماترد عليه يستغرب حركتها مو فاهم ليش من اليوم تتحاشاه ولا تكلمه ،
ينطق : فيش شي؟؟ ، اقترب يرفع راسها ينصدم عيونها المليئه بالدموع انفها الاحمر
ينطق بخوف : بسم الله عليش ليش الدموع ... احد قالش شي؟؟
ابعدت يده عنها تصد تمسح دموعها بكفها تبعد يده عنها بقوه تنطق بغضب : مافيني شي ابعد
عقد حاجبه من نبرتها ومعاملتها له ينطق بنبره حاده : حنان!!
انهارت تبكي بشكل فضيع ، اقترب يحضنها بقوه يمسح على ظهرها يحاول يهديها
بكت اكثر من حضنه تنطق مابين شهقاتها : ماتبينيي ماتبيني خالي غصبك
رفع حاجبه بصدمه من كلامها مقوله وش خلها تفكر بهذا وليش ، شد على حضنه لها ينطق : حنينيي وش ذا الكلامم
رفعت راسها تناظر له تنطق ببحة صوتها : قول قولل خاليي غصبكك انت ماتبيني
يمد يده يمسح خدها بهدوء ينطق : لا تقولين كذا مره ثانيه انا ابيش واحبش والله يشهد علي صحيح ابوي قاله بس ما غصبني انا و افقتت من نفسي
هزت راسها بالنفي تنطق : كذاب لا تكذبب علييي ترى اعرففف اعرفففف
مسك وجهها يناظر لعيونها الغارقه بالدموعع : لا ماتعرفين... انا احبش من زمان وجت الفرصه واخذتش ... وعقلش الصغير يقول مابيش؟!!!صاحيه؟
-
تحت ب الصاله
من بين سوالف البنات وضحكهم نطقت نيال : تدرون وش مشتهيه مشتهيه كيك ليمون
جواهر : ايههه عاد سلمو عندنا وتسوي لنا احلى كيكه صح ؟
رفعت سلمى حاجبها بذهول وضحك تنطق : جايبيني اطبخ لكم
ضحكت شموخ تنطق : افا عليش اجل ل ايش
سلمى : اجل اسوي لكم كيك واخذه معي
جواهر : حلوه تطبخ ببيتنا وتاخذه
عدلت جلستها سلمى تنطق : اقول نيال وجواهر اطبخو انتم مالي نفس
ابتسمت جواهر تضحك بمكر تغمز ل سلمى تنطق : مالش نفس ولا شي ثانيييي
سلمى فهمت عليها وانها تبي تحرجها لكنها بينت العكس لها ، مدت كفها تلعب ب خصل شعرها تنطق : تصدقين يمكن حامل ما اعرف
شهقت نيال بصدمه، تلتفت شموخ تناظر لها وفرح : صدقق؟!!!
ضحكت سلمى ترفع كتوفها بعد معرفه : لا معرف
وقفت جواهر تضحك بخفه تنطق : ماعندها سالفه تعالي نيال نسوي كيكه و سلموه ما تذوقق منهاا
كشرت سلمى تنطق : من زينه يلا يلا روحو
جواهر سحبت نيال معاها المطبخ تترك شموخ و سلمى لحالهم
-
التفتت سلمى ل شموخ تناظر لها ثواني تتذكر الي سمعته وتتخيل شعور اختها وقتها ، نطقت : شموخ بسألش
رفعت نظرها ل اختها تنتظرها تبدا ب سؤالها ،
ركزت بعيون اختها ليتضح شعورها الداخل : للان تحبي هزاع؟!!
بلعت ريقها مصدومه ما توقعت هذا السؤال بذات من اختها ، ليش تسأل هل صار شي
مو من عاداتها ذي الاشياء و ما تعطي وجه ، يا ضح عليها التوتر تبتسم بهدوء : وليش السؤال؟
تشوف التوتر بعيونها تضحك بخفه ل تهديها تنطق : بس كذا ابي اعرف
نزلت نظرها للاسفل بمشاعر غريبه عليها تنطق بهمس : ايوه
ابتسمت تضحك بخفه مو عارفه ضحكت قهر على اختها او خجلها
-
"في حايل "
بعد ما راح فهد وسلمان ، دخل مسرع للصاله يشوف زوجته وبنته فيه
يناظر لبتنه ينطق : جوزاء حبيبتي ممكن تتركيني مع امك شوي بكلمها بموضوع
هزت راسها بالاجابه تقف تتجه لغرفتها جاله عن الموضوع
تقدم يجلس على الاريكه ، ترفع نظرها له تنطق : من الضيوف ... وايش الموضوع؟
ابو جوزا : فهد خوي محمد ... جاي و خطب جوزاء ل حفيده سلمان
اتسعت عيونها بصدمه تنطق : معقوله؟!!؟؟ ... جوزاء ل هزاع
ابو جوزاء : عارفف عارفف لكن فكريي زين ... سلمان جده وابوه تجار الولد مايرفض
ام جوزاء : انا واختي مقررين من زمان وخلاص منهينه ... مستحيل جوزا تاخذ غيره
رفع حاجبه ينطق : صدق؟!! جديه فكري هزاع ولد اختي عنده وضيفه ؟؟
هزت راسها بالنفي تنطق : ما يعيقه قبل الزواج يتوظف... وولد اختي مايرفض
ابو جوزاء : مايرفض صح ... واذا توضف وضيفه راتب قليل كيف يصرف على بنتي؟!
مابي يقصرها شيي
عقد حاجبها من طريقته بالكلام معاها تنطق : شفيك مستحيل اكسر ب كلمتي مع اختيي
من كانو اطفال واحنا نقول وكنت موافق وش غيرك ؟!!
نطق بهدوء : ما تغير لكن جوها خطاب غير برفض اسمعيني زين انا موافق عليه
وبقول للبنت وولد اختك البنات كثار يقدر يخطب غيرها
وسعت عيونها بذهول تنطق : ابو جوزاء لا تجنني كيف تبيني اوافقق وكيف اقول ل اختييي اختييي ترى مو احد غريبببب!!!
ابو جوزاء : قلتيها اختك و تمونين عليها عادي
ضحكت بصدمه تنطق : منجدك!!! لا تستهبل صحح؟!!
تنهد بملل ينطق : ايهه وحتى لو نسأل البنت بتوافق
-
في بيت حسين
فتحت الادرج تطلع المقادير كامله تلتفت على جواهر الجالسه على رخام : مافي ليمون
عقد حاجبها جواهر تنطق : الا الا فيه شوفي تحتت
نيال هزت راسها بالنفي تنطق : مافيييييييي
جواهر تأففت بملل تنطق : اذا قمت ولقيته
ناظرتها نيال تنطق : يعني تهددين ... اقول اطلعي قولي ل اي احد بكرا بسرعه
كشرت جواهر تتأفف تنطق : ايه ايه بس جواهر افف ، طلعت من المطبخ تناظر ل سلمى وشموخ من فوق ل تحت ثم تصد عنهم تسحب طرحت سلمى وتطلع
ضحكت سلمى على نظرتها تنطق : غبيه
-
وقفت عند الباب تصغر عيونها تشوف غيث وحمد واقفين عند باب الشارع
توجهت تمشي لهم ببطى ل ترعبهم تقف خل حمد تهمس : بووو
التفتو الاثنين عليها و محد منهم نز ينطق حمد : شفيش جنيه؟!!
اقتربت لهم تطلع جزء منها للشارع تشوف يمين و يسار تنطق : تطالعو لمن ؟؟
صد غيث ينطق : ولا شيي
ضحك حمد بخفه ينطق : كذاببب
عقد حاجبها تنطق : اجل ليش واقفين ؟
حمد ناظر ل غيث بضحكات ينطق بخبث : اوهه واقف يراقببب بنت مفلح جارنااا
ضحكت جواهر بصدمه تنطق : صدقققق؟!!!
التفت غيث بسرعه لحمد يضرب كتفه ينطق بقهر : ماتعرف تسكتت
يضحك حمد بقوه ،نطقت نيال : هي هي الا اخوي ، سحب حمد لوراء تنطق : ترى عادي ادق عليها تجي
بات على وجهه ملامح الغضب ينطق بحده : ابعدي ، دفعها يدخل مسرع للداخل
تناظر بستغراب من ردت فعله تلتفت على حمد تنطق : شفيه ؟ ... بعدين من متى بنت مفلح متى اعترف ؟
حمد :تو ممدا خمس دقايق
ابتسمت تنطق : والله ماطلع هين ذا الغيث لازم ندعم حبهم ...
حمد : وانا ادعمونيي ب مواهبي
جواهر ضربت كتفه بخفه : يلا يلا يا ابو مواهب جيب ليمون لنا
توجهت جواهر بعدها للداخل و بفرح تحس براحه كانت شاكه بشعوره تجاهها تحمد ربها ان احساسها غلط وانه يعتبرها مثل اخته
-
في بيت عبدالعزيز
مجتمعين بالصاله بين القهوه و سوالف عبدالعزيز وام هزاع
اخذت ام هزاع جوالها بعد اتصال اختها تنطق بفرحه : هذي هي شكلها بتحدد الملكه
رفع راسه بصدمه يشرق بشربه للقهوه يقح بقوه يناظر ل امه الي ردت على خالته
ام هزاع : هلا
ام جوزا بفشله من اختها : اهلين
ام هزاع تنطق مسرعه : شفيه صوتك كذا ؟
نطقت ان جوزاء تبلع ريقعا بفشله اكبر : اسفه يختي
عقدت حاجبها بستغراب تنطق بتوتر : على وش اسفه؟
نطقت مسرعه : جوزاء انخطبت وابوها وافقت وانا ماقدرت اسوي شي ، وهزاع ربي يوفقه
فتحت عيونها بصدمه مو مصدقه كلامها : ايششششش تستهبلينن؟؟؟
ام جوزا : والله هذا الي صار وابوها مره مُصر و...
وسكتت من قاطعتها ان هزاع بعصبيه : ايه ايه وصلت وصلت مع السلامه ...
-
سكرت الخط ترمي جوالها بعصبيه تتنهد بقهر
ينطق هزاع مستغرب ردت فعلها وخائف بنفس الوقت : يمه وش فيك؟؟
رفعت نظره له لثواني بعدها تصد عنه تقف تطلع لغرفتها
_
ضحك سيف يناظر ل هزاع ينطق : سحبت عليك ههههههههههههههههههه
ابتسم هزاع بتسليك ينطق : اسكت اسكتت
-
في بيت حسين
طلع من غرفته يتجه للصاله يتبسم ينطق : اوهه سلومم غريبهه
سلمى رفعت نظرها تنطق : اوهه عزوميي
وقفت تتجه له تحضنه : ورع اشتقت لك
ابتسم يبادلها الحضن ينطق : قاطعتنا وتقول اشتقت
ضحكت تبعد عنه تنطق : عاد لازم القطعه عشان تشتاقو ... تعال تقهوى
عزام : مره ثاني بطلع ل سعود و بهاج
شموخ : به كيكت ليمون الي تحبها
ضحك عزام بخفه ينطق : اغراء عشان اجلس خبي لي قطعه
ابتسمت شموخ تنطق : مانفعت الكيكه
سلمى ضربت كتفه بخفه تنطق : تعقب يبقى لك باكله كله
ناظر لها عزام بضحك ينطق : ايهه وانا اقول الكرشه كبرانه احسب حامل طلع من الاكل
ضحكت شموخ بخفه ، تصد سلمى بوزت بقهر تنطق : ني ني ني ني
عزام : اراضيش اذا رجعت ... مع السلامه
-
في حائل
بيت ابو جوزاء
بعد ما اقنع زوجته واتصلت على اختها وبلغتها ، توجه لغرفة بنته يطرق الباب من ثم يدخل ينطق : جوجو
رفعت نظرها ل ابوها تغلق الكتاب الي بيدها وتنزله على الطاوله تنطق : هلا
تقدم يدخل يغلق الباب خلفه يجلس على الكرسي ينطق : بكلمك بموضوع مهم اسمعيني زين ... الصباح خطبك واحد اسمه سلمان انا اعرف جده وابوه ناس اخلاق وكرم وطيبه
و سمعتهم طيبه وانا معاشرهم قبل وعارف و الولد ما يرفض يابنتي يمكن تستحين مني لكن انا جيتك بنفسي لان عارف ان امك تبيك ل ولد اختها و بتخرب الولد بعينك
وعرف انك ما تبين هزاع ... قولي لي قرارك والي تبينه بصير
وكانه هم انزاح من صدرها مابتاخذ هزاع غصب عنها وهذا لوحده يشعرها بالفرح
ولكن سلمان وخطبته لها ؟! ودااخلها اسأله من هذا اول مره تسمع فيه وكيف ابوها يعرفهم من سنين وماكان يسولف عنهم معقوله مايعرفهم ويكذب عليها عشان توافق !
نطقت ب استفسار : اول مره اسمع فيه كيف تعرفه هو وجده ؟
ابتسم ل سؤالها يعرف بنته مستحيل توافق الا اذا حققت بالامر ينطق : جده فهد خوي محمد
ابو عبدالعزيز وكذا مره تقابلنا وعرفتهم
سكتت تناظر ابوها لوهله تفكر بالامر تنطق بعدها : كيف هم عيشتهم كذا
ضحك على سؤالها ، تعقد حاجبها بستغراب تنطق : ليشش تصحك
مارد على سؤالها الثاني ينطق : ناس مقتدره ومثل ماقلت سمعه طيبه نجي ل سلمان
عنده اختين على حسب ذكري. وامه متوفيه
حست بحزن قليل تنطق : الله يرحمها
وقف يتجه للباب وقبل يطلع ينطق : استخيري واعطيني رايك قبل نهاية اليوم يبونه مستعجل
-
دخل خيمة سعود
يبتسم يشوف بهاج وسعود جالسين بنطق السلام عليكم. ،
رد سعود : عليكم السلام
يتقدم عندهم يجلس بجانب بهاج يضرب كتفه ينطق : رد السلام ياورع
صد بهاج عنه ينطق لسعود : رد عليه ياسعود
رفع حاجبه عزام بستغراب ينطق لسعود : شفيه هذا
سعود رفع اكتافه بعد معرفه
ناظر عزام ل بهاج ينطق : زعلان ياورع ؟؟
نطق بهاج وهو للان صاد : قول له يا سعود اني ارن عليه من الصباح يعطي مشغول
ضحك عزام يخفه ينطق : سعود اسأله ليش زعلان
رفع نظره سعود عليه ينطق : شرايكم سعود يقطع نفسه منكم ؟
بهاج : قبل تقطع قول ليش اتصل عليه مايرد
ابتسم عزام ينطق : سعود قول له انب كنت اكلم ويجيه مشغول
ناظره بهاج يصغر عيونه ينطق : تكلمها ؟
هز راسه بالاجابه ، يكشر بهاج بقهر ينطق : يعع كرتها طلقها
وسع عيونه بضحك ينطق : ورععع الا محارمي لا تتكلم عنهمم
صد بهاج عنه ينطق : ايه ايهه ، سعودي هب لي شاي
اخذ سعود كاست الشاي يمده ل بهاج ياخذه منه ، اخذ عزام جواله من اتصل عليه ابوه
يرد : هلا والله ياغالي
نطق الجد محمد بغضب : وينك فيه ؟
استغرب نبرته ينطق : بخيمة سعود ليش ؟
الجد محمد : تعال فيه رجال ببجون
عزام : تمام بجي ، وقف بهاج يسحب الجوال من عزام يقربه ل اذنيه ينطق : عمم حمودي نجي مع عزامم
ابتسمت الجد محمد ينطق : هلااا هلا بهاج حياكك انت وسعود
ابتسم بهاج ينطق : ب قلبي عم حمودي ... مع السلامه ، اغلق الاتصال يرمي الجوال على عزام ينطق : يلا سعودي نروح لهم
وقف عزام ياخذ جواله وبعدها يضرب كتف بهاج بقوه تتسع عيون من قوي ضربته : اوتتت
نطق عزام : يلا نطلع
-
بغرفة غيث
بعد ما جهز اغراضه ورتب شنطة يرمي نفسه على سريره بملل وقهر تاخذه الافكار من كل جهه من الي حصل ماتوقع حمد بقول لها كان كله ضحك ومزح لا اكثر معه تافف بضيقه يصحى من افكاره بصوت طق الباب العالي وقف مسرع يفتح الباب
تدخل نيال ضاحكه تغلق الباب خلفتها تنهار على الارض من كثر الضحك
عقد حاجبه بستغراب من ضحكها العالي ينطق : ايش فيشش؟؟
رفعت نظرها له تحاول تتكلم من بين ضحكها : الماء جا...جاء على جواهرر
مافهم عليها ينطق : ويشش مافهمت
وقفت تمسح دموعها من فرط الضحك تهوي نفسها بكفوفها وبعدها تنطق : بالغلط جاء الماء على جواهر شكلها كان يضحكك واهيا تدورنيي
ابتسم بخفه يتجه يجلس على سريره ينطق : وليش جاها الماء ؟
نيال : انها ضحكت علي ضربتها ب كاس و فيه ماء
ضحك بخفه ينطق : كفو كفو عليش تستاهل جوهر ذي
ابتسمت ينال ترجع خصلات شعرها للخلف تنطق : صح جدي يقول تجهز بوه رجال
هز راسه بالاجابه وقبل تخرج نطق : جهزي اغراضش بكرا بنطلع
-
في بيت عبدالعزيز
خرج للحوش بعد ما اتصل عليه سلمان اكثر من مره ، يرد : ارحبب
سلمانن : البقىى ... ورا ادق عليك ماترد ولا ماتبي تسمع الاخبار
اتجه يجلس على عتبت الباب ينطق : ايوهه ويش الاخبار جعلها حلوه
ابتسم سلمان ينطق : حلوه حلوه معليكك
هزاع بحماس : قوللل اجل
سلمان. : ابشرك وافقتت وبكرا الملكهه
وقف بصدمه بتنطق : صادققق!! تقوله صادققق
ضحكك سلمان بنطق : ايهه ايه
ابتسم يمسح وجهه بتشتتت مشاعر انتهى اصرار امه انتهى العائق الوحيد الي واقف بطريقه يقدر يكلم ابوه ويخطبهاا دام راحت الي في بال امه يقدر يفرح تتسع ابتسامتتت بمن وشكر ل سلمان ينطقق : يا اعظم سلماننن مقدر اوفييي حقككك وقفت معي شكيت لك همي و وعتني وما اخلفت و ساعدت وش اقول وش اخلي سلمان شكراً ... يخوني التعبير وانا اخوك
ضحك سلمان على كلامه واضح مو مرتب له وينطق كل كلمه تخطر في بالهه و مايلومه ابداً ينطق : ولو ماسويتت شي يا اخوي والي اقدر عليه اسويهه واهم شي سعادتك
بتسم هزاع ينطق بمتنان : سلمانن...
يقاطعه سلمان : ورععع خلاص بسكر
ضحك هزاع بخفه ينطق : ياخي فرحان فرحانن
سلمان. : جعلك دايم فرحان بس بالله لا تكثر الشكر ماحب وابدا بشي ثاني
ابتسم هزاع ينطق : ولا يهمك اسولف لك كل شي لو تبيي
-
في بيت حسين
دخل عزام خلفه بهاج وسعود ، يسرع بهاج يسابقهم يسلم على الجد محمد الضاحك من اول ما دخل "يحب خباله وفهاوته لو انها من احفاده يغضب" ينطق : هلا هلا بهاج
بهاجج : عمييي محمد اخباركك كيف حالكم عساك بخير اشوفك بخير
ابتسم الجد محمد ينطق : شوي شوي ياولدي الكلام مو طاير
بهاج : ابد والله من كثر حبي لك ودي اهبد كل شيي
رفع الجد محمد عصاته يضرب بها كتف بهاج ينطق : فارق فارق
بهاج ضحك يبعد عنه يسلم على الباقي ويحمد ربه ان الضيوف للان ماوصلو ولا تفشل قدامهم ، ماياخذون كثير من جلسو يسمعون صوت سيارات ينطق الجد محمد : وصلو
وقف حسين يمسح جبهته يضيق يتنهد ينطق : يالله
وقفو يستقبلون الضيوف ماكانو كثير وبعد السلام و الترحيب توجهو يجلسون وحمد باخذ الدله ويقدم القهوه يمد الفنجال ل ابو عقبل ينطق : سم
ابو عقيل اخذ منه الفنجال ينطق : سلمت ، يشرب بعدها ينزله
وينطق : حضرنا وانت خابر بالي نبي وجينا نخليها رسميه يابو سلطان طالبينك يد بنتك شموخ ل ولدي عقيل على سنة الله ورسوله
سكت الكل بصدمه محد كان يعرف سبب قدومهم الا الجد محمد وحسين
الاغلب عارف بحب شموخ وهزاع وصدمهتهم كبيره وينتظرو كلعاده رفض حسين
ناظر بهاج لسعود يتبادلو النظر يقترب سعود ل بهاج يهمس له : ليتك ما عزمت نفسك مواضيع خاصه
ابتسم بهاج ينطق بنفس الهمس : عادي عادي من العايله حنا
حسين يناظر ابوه بعد ما اقنعه بعدم الرفض ويسأل بنته وكانت نظراته حاده
رجع حسين نظره ل ابو عقيل و عقيل يقنع نفسه بعدم الرفض ومستقبل بنته اهم
مثل الابتسامه ينطق:الساعه المباركه يشرفنا نسيكم وعقيل رجال و النعم الاخلاق لكن الراي الاول و الاخير للبنت
رفع نظره عزام ل اخوه ما كان منصدم كثير على رده ولكن مقهور ل اجل هزاع وهو عارف للان الحب بينهم ومستحيل تنهد بضيق وتشتت تفكيره هل يقول ل هزاع ويلحق على نفس او يسكت ويترك الموضوع وشموخ ماتوافق
-
ب الصاله عند البنات
نزلت لهم حنان بعد ما طلع حسام للرجال
توجهت تسلم على سلمى وبعدها تجلس ، تنطق : من سوا كيكة الليمون ؟
نيال رفعت اكتافها ترجع شعرها للخلف تنطق بثقه : انا ذوقيها تعجبك
كشرت جواهر تنطق ل تنرفز نيال : انتبهي بس لا تتسميي
ناظرتها نيال تنطق : غيورر
تنهدت شموخ بملل تنطق : خلاص كفايه هواش صدع راسي
سلمى : ايه والله جواهر و نيال مايسكتون
وقبل تنطق وترد جواهر التفتفت من دخل جدها وابوها للبيت بعد ما طلع ابو عقيل
وقفت سلمى تتجه تسلم على ابوها وجدها تحضن ابوها بقوه تنطق : هاييي يبه كيف حالك
ابتسم حسين ينطق : بخير يابنتي اخبارك انتِ
سلمى : بخير الحمدالله ، تعال تقهو جايبين كيكة ليمون
ابتسم يهز راسه بالنفي ينطق : مشغول يابنتي
رفعت حواجبها تنطق بضحك: اوه تبي تروح للنجلاء يلا معليه عذرك معك
وسع عيونه يضرب كتفها بخفه يتطق : روحي روحي عن وجهيي، من ثم توجه لغرفته
ضحكت تسحب يد جدها تنطق : اجل جدي تعال انتتت
هز راسه الجد بالاجابه ، تبتسم تساعده بالمشي و الجلوس عندهم
اخذت شموخ القهوه تصب لجدها و نيال تقطع له من الكيكه : سم
اخذها منها يتنطق : سلمتي
دخلو بعدها حسام وغيث وحمد
تنطق سلمى : خيرر كذا دخلو بدون كلام فيه حريم
عقد حاجبه غيث يلتفت بنظره يتنطق : وين الحريم
رفعت حاجبها تنطق : تستعبط اجلس ولا روح
ابتسم يتجه يلجلس بعيد عنهم شوي يحسب حسام معه اما حمد توجه لغرفته يتركهم
نطقت جواهر :اقول جدي من الي كانو بالمجلس
الجد محمد رفع نظره لشموخ ينطق : عقيل و ابوه
جواهر : ليشش
الجد محمد تنطق : اشياء اكبر منش
ضحكو حسام وغيثث على رد الجد ، تكشر جواهر تصد عنهم
يتطق غيث : تسمعين يا طفله
ناظرت جواهر للجد تنطق : يبهههه!!!
ناظر الجد ل غيث ينطق : غيوثث الا جوجو
ابتسم بسخريه ينطق : امحق جوجو ذي جعفر
-
في حايل
بعد ما اعطى ابو جوزاء الموافقه للجد
اخذ سلمان جواله يتصل على اخته يوصله صوتها ينطق : ارحبي
اديم: ياهلاا
سلمان : اخبارك و اخبار بتول
اديم : بخير الحمدالله بخير كلنا ، وليش نازلل حايلل
ابتسم سلمان ينطق : انا بخير ، وليش حايل رايح اخطب
ضحكت اديم تنطق : لا صدقق ليشش انت وجدي
نطق : صدقق خطبتتت
وسعت عيونها بذهول تنطقق : سلماننن!!!! كيففف؟؟؟؟؟؟
ضحك على صوتها المفجوع يتطق :معلينا اقول لك بعدين المهم
نطقت بحده : لاا وش بعدين سلماننن تستهبل عليناا ابوي يدريي؟!!! ولا بس جدي!
تنهد بملل ينطق : بعدين اقول لك انا بحجز لك انتِ و بتول بطياره ل حايل
عضت شفتها بقهر من برود اخوها تنطق : ما بروح الا اذا قلتتت هذا زواج ياسلماننن مو لعبه شهر شهرين اعرف زواج مصلحه صح؟!!! سلمانن بناتت الناس مو لعبه عندك تسمعع
اخذ نفس يهدي نفسه ينطق بحده وصوت عالي ل تسكت بخوف : اديممممم خلاص قلت لك الي عندي واذا تبين تعرفين تعاليي وبسس ، اغلق الخط يتنهد بغضب و ل اول مره يعلي صوته عليها لكن كلمتها (بنات الناسمو لعبه ) وكنها تتهمه
-
نرجع لبيت حسين
طلعت نجلاء من غرفتها تتجه للصاله تنادي شموخ : شموخ يابنتي تعالي ابيش
وقفت شموخ تتجه ل عند امها تنطق : هلا
نطقت نجلاء : ابيش بالغرفه
هزت راسها بالاجابه تمشي مع امها لغرفتها تدخل تسكر الباب خلفها
تتجه تجلس على السرير بجانب امها تبتسم : شكل الموضع سر
ابتسمت نجلاء بعدها تنطق بجديه : قبل دقايق كان بالمجلس عقيل و ابوه
هزت راسها بالاجابه بستغراب تنطق : تمام
نجلاء مدت كفوفها تمسك كفوف شموخ تنطق : عقيل خطبش من ابوش
رفعت حاجبها بصدمه تتسع اعيونها تنطق : هاهه؟!!
نجلاء : عيقلل خطبش وانا بشوف رايش يابنتي ... عقيل كلنا نعرفه خلق واخلاق
محافظ على صلاته ودينه ومقتدر مادياً وهذا اهم شي يابنتي
سكتت تناظر ل امها مو اول مره تقول لها عن الخطاب لان ابوها دايماً يرفضهم من قبل لكن ذي المره ابوها مارفض ولا اعطى رايه بالموضوع معقوله موافق؟؟
الامر هذي المره بيدها مو بيد ابوها اعطاها القرار ، واي قرار يطلع منها دامها للان متعلق قلبها بحب طفولتها الاكيد انها بترفض و الاغلب عارف امها ابوها جدها كلهم يعرفون انها للان تحبه؟
نطقت نجلاء من شافت سكوتها وملامح الصدمه على وجهها الواضح
بالرفض : شموخ استخيري ما تعرفين فين الخير بالدنيا لا تعطين رد بسرعه فكري واستخيري وقولي لي واذا تبين نصيحه او محتاره انا عندش،، وقفت طلع من الغرفه
-
تدخل سلمى مسرعه لها تجلس بجانبها تنطق بفضول : ايش الموضوعع
تنهد شموخ بضيقه تنطق : خطبونيي
ابتسمت سلمى تضهر عكس مشاعرها مشاعر الحزن على اختها : صادقههه !!!
هزت شموخ راسها بالاجابه تنطق بهدوء : محتاره
سلمى نطقت ب اقناع : وليشش محتاره وافقييي عيقلو مافي مثله بالديره وافقي وعيشي حياتش
رفعت شموخ نظرها بقهر ل سلمى كيفف تقول لها وافقي وهي تعرف بحبها قبل كم دقيقه
علمتها تعجز تسيطر على دموعها تنهال بقهر تنطق ب انيهار : انااا احبه احبب هزاع
مستحيل اخذ غيرهه ان...
صرخت سلمى بعصبيه وحده مقهوره على اختها : هو مايحبشش
أنت تقرأ
أنتِ الشموخ الزين وأنتِ مهابهـ..
Randomمن الشمال الى الجنوب بعد غياب سنين ارجع الى ديارنا الاولى الديار الي جمعتنا وانا كلي لهفه لحب طفولتي ........ - حساب الانستا : 8rewei44
