أنتِ الشموخ الزين وأنتِ مهابهـ..

Part 9

عند الحريم
البنات بجهه والحريم بجهه
العنود: وينها سلمى ماشفتها
جواهر ضحكت : ياروحي هي تستحي تنزل لكم
غزيل: سلامات والله لو احنا عايض عشان تستحي
حنان ضحكت : ماتعرفين سلومه
بعد خمس دقايق نزلت لهم بشويش ،
ابتسمت ريم من شافتها: هلا ب عروستنا  ارحبي
تبتسم لها تجلس عند البنات بحيا
طقتها غيرل من كتفها : وش ذى الحيا ما خبرناك تذا
سلمى قرصتها بصوت قصير: اسكتي
غزيل: الله تستحين
ريم نادتها : تالي عندي ماعليش منها
سلمى خزت غزيل وراحت تجلس عند ريم : جيتش يانظر عيني وش تبي ؟!
ريم ابتسمت : مابي شي بس ابي مرت اخوي تجلس جنبي
سلمى بهمس : ومن قال اني مرت اخوش يمكن ما اوافق
ريم ضحكت بخفه : وانتِ قلتِ يمكن يعني 20%
الجده نوره فتحت يدينها : تعالي يا سلومه عندي
وقفت جواهر وهي تتجه لجددتها قبل سلمى
سلمى ضربتها بخفيف : ترى نادتني انا مو انتِ
جواهر : اصه روحي بس بعدين ليش بس سلمى  يعني لازم
نتزوج عشان تحضنينا!!
الجده نوره ضحكت وهي تمسح على شعر وجواهر: عندك طول الوقت يوم ناديت سلمى حلى لش
جواهر: مانشوفك ي يمه دايم عند عيالش مايمدي اعاينش
الجده نوره، قرصت خدها : يعني غيث هو الي مانعش اعاينش تتهاوشن معه كل يوم وصايره تستحين الحين،
جواهر: خلاص كل يوم بنام بحضنش  اعجبش؟!
ريم بضحك: عشان يبه محمد يذبحك !
ضحكو كل الموجودين ، رمت الجده نوره علبة الماء على ريم: اصه يابنت،
سلمى: اما عاد يمه نوره تستحي اخسسس
الجده نوره: سلموه وريموه تبون  العب العصى عليكم
وقفت اريج تلبس عبايتها: يلا مع السلامه
ساره: وين يابنتي تو الناس واهلش باقين
اريج : والله ياعمتي مقدر بكرا رحلتي الصبح لازم انام
شيخه: وين رايحه ممدا جيتي ما شبعنا منش
اريج : يقول ماجد تعبان وحالته حاله لازم اشوفه مايطمن قلبي ان شاءالله الجايات  احلى اجيبهم كلهم معي
سلمى : حسافه راح تروحين وما تحضرين ملكتي
اريج ابتسمت وهي تتوجه تحضنها: مقدر لكن بحضر زواجش ان شاءالله ،وطلعت
ريم لفت عليها تضحك: ياكذابه قولي  انش موافقه ولا تستحين
ام محمد  (اسماء): اجل اخذنا العلم موافقه اقول لهم؟!!
سلمى احمر وجهها بخجل وقالت بتوتر : لا مو قصدي قصدي اذا وافقت وكذا عوايد الديره سريع سريع الامور ويمكن ما اوافق ويمكن اوافقه مدري انا للحين اشوف
الهنوف مسكت راسها: صدعتي براسي من كثر هرجك
ضحكت ام سلطان (نجلا): وافقه ماعليش منها اعرفها بنتي دامها هرجت كذا يعني موافقه
ام محمد (اسماء ) ابتسمت: لا نبي نسمع منها وش تقول يابنيتي ؟!
سلمى نزلت راسها بحرج ودها انها ماتكلمت: اءءءمدري
شيخه بضحك: اجل موافقه !!
سلمى وهي لحد تناظر تحت : يعني مدري لحد الحين
جواهر: بسرعه خلصينا يا سندريلا
سلمى: قلت لكم افكر شوي
الجده نوره: خلاص لا تضغطون سلومه تفكر وبكرا تقول
شموخ: صح صح لا تضغطون اختي
نيال بهمس: الله اكبر اكثر وحده كنتي تبينها موافقه
شموخ   : اهجدي
-
عند العيال
عزام : اوه يا عويض كبرت صرت عجوز
غيث: عجيز من بكرا ماتجلس معنى تروح تجلس عند الشياب
حسام هز  راسه لتأكيد : صح صح حنا شلت عزاب
عايض: والله!! من متى؟!
عزام: ماعليك منهم يا عويضي عويضي  حبيبي
عايض عاينه باستغراب : عويضي!!! ودي اهبدك لكن عمي عمي الشكوى لله
عزام: غصب من ذا خشمك تحترمني
-
عند الحريم
ام محمد : يلا مع السلامه
ام سلطان: وين بدري اجلسو شوي
ام محمد : نشوفكم بكرا ن شاءالله ،يلا بنات قومن
غزيل: يلا عقبال ماتطلع ومعنا سلوم
سلمى كشرت : اقول بس روحي لا ينسونك
ساره: يلا حتى حنا راح نمشي نجيكم الصبح
لبسو عبيهم وطلعو متوجهين لبيوتهم
-
ببيت ساره
اول مادخلو توجه لهم ابو عبدالله معصب : وين الكلب عبدالله ليه ماجاء معكم وين راح؟!!!
ساره خافت على عبدالله : عندي عيال خاله يبي يسهر معهم
حنين طالعت بأمها بستغراب مو من عوايدها الكذب لكن سايرت امها : ايه عند عيال خالي قال يبي يقعد للفجر اتوقع
ابو عبدالله لف بغضب : زين اذا جاء علموني
توجهت تصعد لغرفتها تبدل دخلت عليه امها : اسمعي دقي على اخوش بسرعه خليه يجي بشوف وش مسوي
حنين ميلت راسها بملل: يمه كيفه وش عليش منه
ساره بنفاعل: ماتشوفين ابوش معصب اكيد مسوي شي
حنين: زين بتصل عليه ، جلست على السرير بعد ماطلعت امها تاخذ الكمبيوتر تتابع تأففت وهي تدور سماعتها: اكيد عند بعرفة  عبدالله ، توجهت لغرف عبدالله اول مادخلت
جتها رعشت برد من المكيف المشتغل بدت تفتش عن السماع عقدت حواجبها وهي تفتح الدرج تلقى فيه حبوب واجد فزت بخوف تلف تشوف الشخص الي دفعها
عبدالله بغضب : نعم وش تبين بغرفتي خير داخله بدون
استأذن وتفتشين بعد ب اغراضي
قالت بتوتر من شكله الغاضب : كككنت ادور سماعتي 
عبدالله: وش جاب سماعتش عندي اطلعي برا دفعها وهو يطلعها برا غرفته ويسكر الباب ، استغرب من تصرف اخوها حست ان فيه شي لكن ما اهتمت و توجهت لغرفتها
اما عبدالله اول ماطلعا تنهد براحه وتوجه للدرج يطلع كل شي فيه ويحطه بشنطه صغيره تحت السرير
اخذ جواله يدخل يرسل لها : صاحيه ، ماحصل رد منها و ترك الجوال ياخذ شور وينام
-
الصبح صحت على صوت ابوها الغاضب وقفت تطلع بسرعه تنزل تشوف ابوها يضرب عبدالله :كيف تاخذ فلوس وانا ماعرف قول ليش تسرق مني ، كمل بعتب : انا وش مقصر معك قل يبه ابي فلوس واعطيك ليش تسرق !!!تسرق من ابوك قل انا مقصر معك
عبدالله كان ساكت وجامد ما اعطى اي ردت فعل لابوه
تنهد و قال بغضب : اطلع برا مابي اشوف وجهك
وقف وهو ياخذ جواله وطلع من البيت ،
جلست ساره : ليه سويت فيه كذا !!
طالع فيها وبقل حيله : ليه مايطلب نفس الناس يسرق مني اذا سرق مني يسرق من غيري ياساره لازم نحط له حد خلاص كفيا الدلع الي عاشه رجال وش كبره يسوي ذي الحركات
ساره: طيب ليه تضربه
تنهد : وش اسوي خلاص سويت كل شي لكن مانفع لازم اادبه  شوي كله من دلعش له خرب
غمضت عيونها وهي حزينه على حال اخوها الي قلب عن اول صارت تصرفاته خايسه مو مهتم لاحد توجهت لغرفتها
-
بيت حسين
غرفت ريم وسلطان
لبست عبايتها وهي فرحانه اخيرا راح تعرف جنس الجنين
لفت لفايز : اسمع تتأدب وما تطلع للشارع بس تجلس بالصاله شوي وجاين مو تزعج عماك
هز راسه بفرح: ايههه ما بزعج "قرب لها" بصير اخو صح
ضحكت عليه: ان شاءالله يابيبي
دخلت سلطان ببتسامه: يلا نروح ، وقفت تاخذ شنطتها وتطلعو متوجهين للمستشفى
-
بغرفة سلمى مجتمعين البنات
شموخ: هاه وش قلتي سلومه
سلمى: ايه صح ان شاءالله موافقه
نيال ضحكت بفرح: اخيراً راح يصير عرس
جواهر بملل: الله يعينه عليش وجدي م ن الاولين الي كل شي بسرعه تصدقون
شيخه :سلوه من الحين خليش مره سنعه
جواهر ضحكت: وكيوت ودلوعه مو تتصارعين معه تحسبنه حسام ولا حمد
سلمى قلبت عيونها : يععع مابي
شيخه: وش الي ماتبينه. صاحيه انتِ ترى انثى انتِ انثى
سلمى كشرت : ماقلت شي
شيخه : اسمعي يالخبله ترى لازم ولا يحط على راسك وحده
سلمى ب نفعال : يعقب وانا بنت حسين ويخسي وانا حفيدة محمد
شموخ: اييه ترى اتوقع هو دكتور و يعاين نسوان واجد
سلمى بستغراب : قليل ادب مايستحي
شيخه مسكت اعصابها من غباء اختها: يا فاغره انتِ هو دكتور اكيد فيه ممرضات احسن منش مدري وش حده عليش
جواهر: ايه والله عادي فيه ممرضات يهبلون
سلمى ضحكت بسخريه: تبون اغار يخسي اغار عليه
شيخه طفشت من غبائها وضربتها مع راسها: ماله شغل
بس ترى هو يبي انثى مو ذكر ويعاين الي بالمستشفى ويندم
سلمى: طيب بصير خيوت خلاص اسكتو لجيتو راسي
شموخي : طيب روحي لابوي قولي له انش موافقه
سلمى : استحي اقول له
نيال: تستحين!!!! اخر وحده توقعتها تستحي
شموخ: اقول قومي بس قالت ايش قالت استحي
_
جالسه تسمع للدكتوره تبين الهدوء عكس الفوضى الي داخلتها  انها مكتومه مو قادره تتنفس تغمض عيونها لفتره طويله ماتحس بنفسها ، تفتح عيونها تشوف نفسها بغرفه ثانيه والمغذي بيدها تعدل جلستها
فتح عيونه من حس بحركتها وقف بسرعه يقرب منها وبخوف : يعورش شي  ؟!
هزت راسها بالنفي: لا،تكمل كلامها بتعب وارهاق ، وش صار ليش انا هنا ؟!!
قرب الكرسي يجلس جنبها ويمسك كفوفها : الاقدار بيد الله
وكل شي مقدر ومكتوب "نزل راسه بحزن" و ان شاءالله الله يعوضنا
غمضت عيونها بحزن تنزل دموعها من فهمت قصده : مات!!
قرب يمسح دموعها بصبعه: يعوضنا ربي
ناظرت فيه الحزن واضح عليه مايبي يضعف لكنه يكابر عشانها مايبيها تحزين اكثر ويأثر على نفسيتها
اخذت نفس عميق تحاول تمسك دموعها : سلطان
سلطان : عيون سلطان امري وش تبغين
ريم: ماراح تتركنا صح مب معصب ؟!!
عقد حواجبه من تفكيرها شد على يدها : كيف اتركم ماراح اتركم ولا افكر فيه واذا قصدك ب سالفت  العيال لو بس نجيب  فايز مايهم اهم شي انتِ معي اهم شي ريمي عندي
ابتسمت وسط حزنها تبعد شوي تترك له مكان بالسرير
: تعال ،
-
ببيت حسين
حسين : هاه يا سلومه موافقه او لا ؟!
سلمى نزلت رايها بخجل: الي تشوفه انت
حسين: انا ما شوف شي انتِ الي راح تتزوجينه
سلمى: يابيي الي تشوفه انت ادرى بمصلحتي
حسين ابتسم : يعني نقول مبروك
سلمى ماكلها  الحياه وماردت
الجد (محمد) : اجل اسمعي يابنيتي بكرا شرايك الملكه
سلمى رفعت راسها بصده : وش بكرته مره بدري
الجد (محمد): ضحك : ايه كذا يطلع لسانش بعدين ليش مو بكرا خير البر عاجله
سلمى: ايه بس ياجديدي بدري خلها بعد شهر
الجد (محمد): لا وش شهره بعد انتِ بكرا بكرا
جواهر ضحكت : وده  يفتك منك
الجد (محمد): جواهروه اسكتي وانتِ بكرا احسن
سلمى: بكرا بكرا على الله بس بروح للسوق بشتري فستان
حسين ناظر حسام: قم ودهم ياحسام لا شغل ولا مشغله ماصرت نفس اخوك
وقف حسام: يلا قومي مابي اتأخر
شموخ: كلنا نبي نروح وندق على حنان والبنات يجون معنى
حسام: يلا خمس دقايق بسرعه مابي الطع باشموس
-
بالسوق
عند البنات منتشرين بالمول يشترون
جواهر جلست على الكراسي بتعب : افف تعبت ياخي متى نرجع
نيال جلست تنبها: يووه اذا هذا عشان الملكه كيف الزواج وجدي كل شي عنده سريع
جواهر مسكت ظهرها : ظهري انكسر بروح عند حسام بالسياره
نيال وقفت تنزل الاكياس الي بيدها: اجل خوذي ذي معش للسياره
جواهر قلبت عيونها: افف منش
نيال توجهت تدخل للمحل تشوف البنات لحد الحين يختارون
غزيل: الاحمر حلو يابنت اخذيه
هزت راسها بالنفي: لا اللون الكحلي احلى
غزيل كشرت:ياخي الحمر احلى
ابتسمت شموخ: لا تحاولين فيها عندها الكحلي وبس
غزيل: واضح نص ملابسها كحلي
سلمى تنهدت: وش اسوي احب اللون الكحلي
حنان: يلا نحاسب تأخرنا
-
بالبيت
كانت تدور البنات لكن مالقتهم شافت عمتها توجهت لها
: عمه وين البناه
العمه الهنوف: سرو للسوق..بعدين تعالي يابنيتي وش فيه وجهش كذا
تنهدت بعمق : مافيني شي بس مصدعه
العمه الهنوف : تعالي تعالي جنبي وقولي وش فيش
توجعت تجلس جنبها : قلت لش مصدعه شوي
العمه الهنوف : ريموه ترى اعرفش اذا كنتِ مصدعه او متضايق قولي لي سلطان ضايقش او فايز ؟!!
هزت راسها بانفي تغمض عيونها ماتبي تنزل دموعها: لا بس عمتي انتِ تعرفين ان سلطان يحب الاطفال مره ويفرح فيهم ويبيهم وتعرفين اني انا من بعد فايز ماكتب لي الله وقبل اربع شهور حملت وكنا فرحانين وبغينا نعلمكم اليوم لكن سكتت شوي تدمعت عيونها وتكمل: مات قبل اسبوع
سكتت شوي الهنوف ماعرف كيف تواسيها حضنتها وهي تمسح راسها وقالت بكل حنان: يادي يابنتي الله ماكتب ولاتزعلين نفسش على شي مو بيدش هذا قضاءالله وقدره يمكن خيره
رفعت عينها تناظر فيها : بس ياعمه سلطان مره حزين حتى لو ماقال اعرفه انا
مسحت دموعها : لاتبكين وذا قصدك ان يمكن ماتحملين ثاني مره ويتزوج عليش ترى غلط انا اعرف سلطان اهم شي بحياته انتِ وفايز ولاتتعبين نفسش واشكري نعمت الله عليش غيرش يتمنا الولد الواحد
ريم بدموع: والله ماقصدي ياعمه مو قصدي ،واشدد بكاها
الهنوف حزنت عليها مره : معليه يابنيتي مب قصدي لكن احمدي ربش على النعمه ويقول سبحانه (لَئِن شَكَرْتُمْ لَأَزِيدَنَّكُمْ) (عَسَى رَبُّنَا أَنْ يُبْدِلَنَا خَيْرًا مِنْهَا)
—————————————-
رايكم ياحلوين يهمني🩵🩵