أنتِ الشموخ الزين وأنتِ مهابه

Part 37

-
عقدت حاجبها من رأت سيف واقف عند سيارته ، رفع راسه من شافها ينطق بستغراب : سلمى؟؟ وش طلعك ذا الوقت؟؟
نطقت سلمى تمثل البرود: مالك دخل
ضحك سيف بصدمه ينطق : عايض يدري؟
رفعت حاجبها من سؤاله تنطق بسخريه : ليه تروح تعلمه يعين ، استريح يعرف
كشر من طريقة كلامها معاه ينطق : تمشين لبيت عمي ؟ تبين اوصلك ب السياره ؟
صدت عنه تكمل طريقها تنطق : مالك دخل امشي ولا ابي منك شي
استوقفت بخوف من سمعت صوت الكلاب وكانها قريبه التفتت عليه نطق : شرايك تمشي قدام تشوف اذا فيه شي ؟؟
ابتسم يضحك بسخريه ينطق : مو انا مالي دخل امشي لحالك
كشرت بزعل تنطق : يععع مثل اخوك مالتتت ، مشت تكمل طريقها تتمم ب ايات من القران وذكر الله من خوفها
مشى سيف خلفها بمسافه كي لا تعرف ، و ينتبه لها
...........
صحت ب انزعاج من صوت جوالها تفرك عينها ب تعب نامت دون ما تحس
مدت كفوفها تلخبط شعرها ب عشوائيه ، راسها يألمها من كثرت بكاها اخذت جوالها تستغرب اتصال سلمى ب هذا الوقت
تنهدت ب تعب ترد : هلاااا
سلمى ب استعجال : بنتت افتحي الباب انا تحت
ضحكت شموخ تضن انها تستهبل : سلمى حبيبتي روحي نامي افضل
تاففت سلمى تنطق : يابنت بسرعه المكان هادي يخوفف
شموخ : طيب ، اغلقت منها تضع جوالها على سريرها تتجه تخرج من عرفتها مسرعه للاسفل ،، تفتح لها الباب تدخل سلمى تسكر الباب خلفها تنطق : وجع وجع ساعه تفتحين الباب برد
ابتسمت شموخ تنطق : و انتِ وش جابش ذا الوقت
مشت تدخل للداخلي تفك عبايتها و تجلس على الكنب ، تنطق : مشاكل عائليه
تثاوبت شموخ ب نعاس تنطق : ابي انام الصباح تهرجين لي
هزت راسها ب النفي تاشر لها انها تجلس جانبها : تعالي تعالي قلبي يوجعني عليشش
اقتربت تجلس ب القرب منها ترجع خصلات شعرها ورا اذنها تنتظر ها تتكلم
مدت كفوفها تمسك كفوف اختها تشد عليها تضن انها مخطئه ب حقها هل هي اخطت ؟ و كسرت قلب اختها دون ما تعرف الموضوع كامل. ،
نطقت بعد تردد : انا اسفه والله اسفه ماكنت ابي ينكسر قلبش مادريت اني بحركتي كسره اسفه
بلعت ريقها ترجف كفوفها مافهمت على اختها ليش تتأسف؟!! تنطق بهدوء : سلمى انتِ ماسويتي شي ليش تعتذري ؟؟
عضت شفتها بعدم معرفه هل تتكلم وتقول لها؟! هي ماتشوف نفسها غلط ابد
ردت فعل طبيعيه انها بتقول ل اختها ، قررت انها تسكت عن الموضوع ولا تفتح مره اخرى ندمت الان على تسرعها ب التأسف سحبت كفوفها تنطق بضحكه
ممازحه : تخيلي اعتذر لش
رمشت بكثره لثواني ما تفهم اختها ولا الي تتكلم فيه تنطق : هيهه قولي وش فيش لا تحسبيني غبيه
ابتسمت تنطق : تضاربت مع عايض هو عرف اني قلت لش و زعل ليش اعلمش
والله ا...
سكتت من قاطعتها شموخ بهدوء : سلمى خلاص سكري الموضوع  ماودي نفتحه ثاني مره انا خذيت قراري و انتهينا ، ابتسمت تكمل ب مزح : انا تخطيت وانتِ لا !؟
تنهدت براحه توقعت تتصرف العكس تنطق ل تغلق الموضوع :  نصعد فوق ترى فيني نومممم بنام عندش جوجوه نايمه اكيد
هزت راسها ب الاجابه تنطق : اصعدي انتِ انا بروح للمطبخ  ابي ماء
وقفت سلمى معاها تنطق : لاوالله ترا جيعانه بدور لي شي اكله
ضحكت ب استغراب : يمه منش جايه تاكلي عندنا ترا طلعت لش كروشه
كشرت بزعل تصد عنها : وجع وجع  لا تضحكين ربي ياخذ حقي
سحبتها من ذراعها وهي لا تزال تضحك :  امشي بسس
-
شموخ اتجهت للمطبخ تشغل بالها ب افكار اخرى ما تفكر لوجود اختها لا تريد ان تأذيها ، تاخذ علبة الماء تبل ريقها بها بعدها ناظرت ل اختها بستغراب من طلعت ليمون من الثلاجه وشطه
تنطق بصدمه : هيه صاحيه انت؟!!
هزت راسها ب الاجابه : انتِ ما جربتيها ياحبيبتي شطه ليمون و شوي ملح افف
وقفت شموخ تناظر سلمى  ، وهي تاخذ الصحن تقطع الليمون شرايح بدون ما تقطع القشر  من ثم تضع عليه الملح و الشطه  ، التفتت لشموخ تنطق : لا تعالي نصعد
مشت خلفها وهي مستغربه من خلطتها
-
دخلو غرفتها تجلس سلمى على الارض تاكل الليمون
و شموخ جلست على سريرها تناظر اختها ، ترفع راسها سلمى تنطق : هيه لا تناظرين لي تبين تعالي كلي
هزت راسها ب النفي تنطق : عليك ب العافيه
-
بيت عبدالله
تقدمت تجلس بجانب سارا تضع صينية الشاي على الطاوله
تبتسم سارا تنطق : مشكوره يابنتي تعبتش معي
هتِيَفْ اقتربت تاخذ الكاس و ابريق الشاي تصب ل سارا : ابد يا خاله مافي تعب
، مدت الكاس لها تاخذه سارا تنطق ب تسأل : يابنتي في اي شهر؟
نطقت هتِيَفْ بتفكير : اعتقد السابع الثامن مني عارفه
شهقت سارا تنطق بحده : كيف ما تعرفين مفروض  تراجعي اسبوعياً وتحسبي الايام
الجيل هذا مو فاهم
هتِيَفْ : ياخاله عادي انشغلت الفتره ذي وماقدرت
نطقت سارا بحده  :  بكرا اروح معش اجل ... فكرة بعد ولادتش نسوي لش زواج او حفله
ناظرت لها بصدمه مقوله بعد كل ذا تسوي حفله ؟!! هزت راسها ب النفي وهي معارضه الفكره كلياً : لا ياخاله يعطيك العافيه ماودي اسوي
سارا ب اصرار : ليش يابنتي انا ابي افرح فيش و ب عبدالله
هتِيَفْ نطقت وهي مستحيل تغير رايها ابداً اولا ل وجود ابوها واكيد ب يعارض او يسبب لها مشكله وهي الاخره معارضه لا تريد ولا تبي تقابل الناس واكيد بيطلع كلام عليها : ياخاله تكفين ما اقدر انا اعتذر منك
تنهدت سارا بحزن تنطق : لو  لكن بتكون عائليه ؟
هتِيَفْ: معرف معرف ياخاله مابي اضايقك اذا عائليه ان شاءالله لكن خليني افكر
هزت راسها ب الاجابه سارا تنطق : فكري يابنتي  ...
-
الرياض
وقفت نيال بعد ما انتهى الفلم وهي ب الاصل لم تشاهده كله لكثرة الاكشن فيه و الرعب  ،ناظر لها عقاب ينطق قبل تروح : نيالو ماقلتي رايك ب الفلم
التفت له تنطق : فلم حلوو لكن الرعب اوفر لو اني اعرف ما جيت
ضحك فيصل ينطق : اسفين ما اعتدنا مشاعر رقيقه ب البيت
عقاب : لا لا لازم نتعود
ابتسمت نيال تنطق : خالين من الشاعر
فيصل اخذ جواله يمد رجوله على الطاوله ينطق : الا نيالو وش بدك تاكلي ؟
نطقت نيال ب استغراب : الحين؟!! الساعه 3 وتبي اكل مستحيل
عقاب : وليش ما تاكلي ؟؟؟
سبقها فيصل من نطق : ياولد ذولي بنات يهتمو ب نفسهم نسيتت
ضحكت نيال بهدوء تنطق : لازم تتعودون
-
في بيت حسين
بعد مضاربه خفيفه بين سلمى وشموخ من تنام على السرير ، نامت سلمى على الكنبه  وشموخ على سريها  ، لم قدرت شموخ النوم من كثر كلام سلمى و اسألتها وكانها تعاقبها لانها على الكنب ، تتقلب في سريرها تحاول النومم تنطق
بعصبيه : سلمى خلاصص اسكتي  كانك ورع
نطقت سلمى بتضجر : وش اسوي بطني يوجعي يألمني
تنهدت ب نفاذ صبر تنطق: اكيدد من خلطاتش الي تاكلينها بيوجعع ،
سلمى نطقت ب ألم : طيب جيبي لي ماء مقدر اتحرك
تأففت شموخ ب ملل تنطق : طيبب، وقفت ب ارهاق وخمول تطلع من غرفتها تنزل للاسف تتجه للمطبخ تجيب علبة ماء ل ترجع تصعد مره اخرى ، شهقت بخوف من سمعت صرخات سلمى  تصعد مسرعه بخوف عليها  دخلت غرفتها تسرع ناحيتها
تنطق بخوف : سلمى سلمى انتِ بخير؟؟؟
تقوست على نفسها تنطق ب الم : بطنيي بطنييي
رجفت بتوتر وخوف ماتعرف كيف تتصرف تنطق : اصحي حمد ، ركضت خارج الغرفه تتجه لغرفة حمد تفتح الباب بقوه تصحيه
،
-
الصباح
قصر ال فهد
صحى بتعب وخمول من طرق السفر التفت للجهه الاخرى من السرير  يستغرب عدم وجودها وقف يتجه لدورة المياه يغسل وجهه من ثم يفرش اسنانه و يبدل ملابسه
يخرج من غرفه يتجه ل الصاله يبتسم بخفه من شافها جالسه مع اديم 
تلاحظه اديم تنطق بصوت شبه عالي : سلمان تعال
اقترب لهم  يقف ب القرب  يسرق النظر ل جوزاء لثواني ثم يناظر ادم ينطق : هلا
ضحكت اديم  بخفه  وهي ملاحظه نظراته تنطق : شفيك واقف اجلس ، ابعدت له مكان بجانبها و جانب جوزاء ، اشرت له تنطق : تعال هناا
حاول يخفي ابتسامته من فهمته يتجه يجلس  يتجاهل وجود جوزاء ، يناظر ل اديم : اسلمي وش بغيتي
نطقت اديم : ابوي قبل يروح قال خبري سلمان ان عنده اجازه اليوم ، انهت كلامها بضحكه تغمز له
هز راسه ينطق بكذب : اشوى صحيت متاخر ،محد فكر يصحني للاسف
جوزاء مجمعه كفوفها تضغط عليهم بتوتر من قربه و خوف ، رفعت نظرها ل اديم من نطقت لها بضحك : جوزاء ليش ما صحيتيه  ؟ ؟
جوزاء عقدت حاجبها تبعد التوتر عنها تنطق وكانها لم تهتم : انا ؟!! وش عرفني ما قال ليي
اديم نطقت: اجل غلط عليك يا سلمانوه
ابتسم  سلمان يهز راسه ينطق : صحيح صحيح نسيتت
وقفت اديم تاخذ جوالها من وصلتها رساله من عزام  تنطق : صحبتي تتصل
ركضت تترك سلمان وجوزاء  ، تتجه بسرعه  لغرفتها تغلق الباب خلفها وقبل ان ترد على رسالته شهقت من طلعت بتول من غرفة ملابسها تنطق  بغضب  : بسم الله ، وش تسوين بغرفتي ؟؟
ضحكت بتول على شكل اختها تنطق : ادور فستان بكرا طلع لبيت خويتي  ،
مشت اديم تجلس على سريرها تنطق: يلا يلا بس اطلعي
-
عند سلمان
التفت يناظر جوزاء الي واضح عليها التوتر ابتسم يمد ذراعه على اعلى الكنب  من جهتها  ، ينطق : افطرتي ؟
بلعت ريقها ب ارتباك من حركته مسكت خصله من شعرها تلعب بهال تخفف من خوفها و ارتباكها ، تنطق : لا
ابتسم ينطق : حلو نفطر برا اجل
-
بيت عبدالعزيز
واقف امام المغسله يغسل وجهه  ب الماء البارد ل اكثر من مره يريد تطفئت النار التي بداخله تنهد بقهوه وهو للان يحس بقهر وخذلانن ، ينزل راسه يضحك بسخريه من يتذكر كلامها امس تينطق بهمس : رفضت هي رفضت! ، ركل الجدار بغضب يتنهد
بقهر طلع ياخذ اغراضه يضعهم بجيبه من ثم يخرج من غرفته يتمنى انه ما يقابل
امه امامه نزل للاسفل لا يوجد احد غير ابوه في الصاله  ، ناظر ل ابوه من ناداه
عبدالعزيز : هزاع تعالل
اقترب ناحيته يجلس ب القرب منه ينطق : سم
اخذ عبدالعزيز علبة حاط فيها اغراضه و ادويته يخرج منها ابره ينطق : ياولد يدي ثقيل عطني انت عايض برا
هز راسه ب الاجابه ياخذها من والده ، يرفع عبدالعزيز كم ثوبه
يقترب له اكثر ياخذ يمسح  ذراع والده من ثم يضعها ويحقن والده
ويضعها على الارض ينطق : خلصت
ابتسم عبدالعزيز ينزل كمه ينطق : ماحسيت فيها ... يعطيك العافيه
ابتسم هزاع ينطق : ابد يابوي اي وقت تبيني موجود ، تختفي ابتسامته
يسمع صوت امه اغمض عيونه يشد على كفه ، من نطقت امه بسخريه : اوه هزاع برا غرفته
نطق عبدالعزيز يرد عليها بسرعه : ام محمد خلاص
نطقت بقهر : وش خلاص خايفه عليه ويقول كله منك؟!! وش سويت انا صدق اني ماربيته
وقف مايرد عليها يصد عنها ينطق ل ابوه : انا بطلع تبي شي ؟
نطقت بقهر : ايه روح وامك مو راضيه عليك 
التفت هزاع يناظر لها ينطق بغضب : يمه خلاص يكفي
رفعت هواجبها بذهول تنطق بسخريه : وانا وش سويت لك؟! كل هذا عشانها ؟!!
عض شفته بقهر يتنفس بقوه يعلو وينخفض ينطق بغضب  يرتفع صوتهه: يمه خلاص كل شي صار فيني بسببك اتركيني ، صد عنها يخرج من البيت كله يريد الهروب
شهقت ام هزاع تناظر ل عبدالعزيز تنطق : شفتت شفتت ولدك؟!!! ابد
عبد العزيز  هز راسه بيأس ينطق : اتركينه انتِ يستريح هو من امس متضايق
نطقت تسكر الموضوع : تروح معنا للمستشفى؟؟
عبدالعزيز : تعبان الحين روحي انتِ وعايض
-
المستشفى
فتحت عيونها ببطئ ضوء قوي مدت يدها تمسك راسها ب الم وصداع
تلتف تناظر للمكان تشوف شموخ وحمد  تنطق بخفوت : شموخ
اقتربت لها شموخ تبتسم تنطق : صحيتيي
نطقت سلمى بخمول : وش صار ليش هنا ؟؟
ضحك حمد تنطق : ياشيخه مسويه ما تدرين ؟؟ كذا ذي الازعاج ويغمى عليك؟!
عقد حاجبها ب استغراب وعدم فهم وش يقول ما يمديها تفكر ، يدخلون ابوها وامها الي كانو برا يكلمو الدكتوره
تقترب لها نجلاء بفرح تحضنها تنطق : مبروك يابنتيي الحمدالله على السلامهه
ثم اقترب حسين لها ينطق هو الاخير : الحمدالله على سلامش مبروك لش
يكمل بضحك : الاغماء لازم دراما ؟
ابتسمت ب استغراب تنطق : ليش التباريك؟؟ ليكون صاير فيني شي؟؟
ابتسمت شموخ تنطق : ياغبيه انتِ حاملل
شقهت سلمى تنطق بصدمه : انا؟!!!!
ضحكت شموخ تضرب راس اختها بخفه : ايوهه اجل مينن
ابتسمت سلمى تمد يدها لمكان ضربت شموخ لها ، تحاول الاستيعاب معقوله هي الان بتصبح ام ؟!! تضن انها ليست مستعده لكنه شعور جميل ناظرت ل امها التي مسحت على راسها بحنيه تنطق : ياحبيبتي انتِ ... ابوش من الفرحه حتى قبل ما تصحين اتصل على عايض وقاله
كشرت من تذكرته تهز راسها بهدوء ،
نطقت نجلاء : حسين ابي اسأل عن دكتوره هنا مره ممتازه تعال معي
هز راسه حسين ب الاجابه يخرج معاها  ، تتقدم شموخ ل اختها تنطق بضحك : اجل ليمون وشطه منه
ابتسمت سلمى بهدوء مشاعرها المتلخبطه فرح وسعاده مع صدمه وخوف
مدت يدها تسمح بطنها بلطف تنطق ب ابتسامه : يالله ، مدت كفها بسرعه تمسح دموعها من نزلت ، ضحكت شموخ ب استغراب تنطق : تبكي؟!!!
هزت راسها ب النفي ، تغمض عينها من ضربها حمد بخفه ينطق : لا تبكيننن
دلععع
مسحت راسها تنطق ب الم : يوجعع
عقدت حاجبها شموخ تتقدم تحضن اختها ترفع راسها تناظر ل حمد
تنطق : خير حموده الا سلو تستاهل الدلع هيا
ابتسم حمد يهز راسه بهدوء ينطق : صادقه صادقه
سلمى همست ل شموخ تنطق : بيجي
التفتو من دخلت ام هزاع خلفها العنود التي تراجعت للخف من لاحظة وجود حمد
لكن مسكت يدها امها قبل ان تخرج ل تدخلها غصب عنها
تنطق ام هزاع : السلام عليكم
ردو سلمى وشموخ عليها ، اما حمد تراجع للخلف يخرج من الغرفه ،
يقابل عايض واقف ب القرب من الباب اتجه يسلم عليه ويبارك له
-
اقتربت ام هزاع ل سلمى تحضنها دون ان تضغط عليها تنطق : مبروك مبروك
يابنتي
سلمى رسمت على مبسمها ابتسامه خفيفه تنطق : يبارك فيش ياخاله
تقدمت العنود لها تنطق : مبروك سلومه
ابتسمت سلمى تنطق : يبارك فيش
التفتت ام هزاع تناظر ل شموخ سكت ثواني هي مابينه وبين شموخ حاجه ولا تكرهها ابداً العكس لكنها كانت تبي جوزاء لهزاع الان تغير كل شي
تنطق بهدوء : شلونك شموخ
نطقت شموخ : بخير الحمدالله
رجعت نظرها ام هزاع ل سلمى تنطق : عايض بيجي
هزت راسها ب الاجابه ، يخرجو من عندها
-
يقف عايض من شافهم خارجين تاشر له والدته ب الدخول
تنفس بعمق من ثم دخل يقدم لها بهدوء ينطق : مبروك لنا ياقلبي ؟؟
صدت عنه تسكت ما ترد عليه ،
تنهد بقل حيله هي للان زعلنه؟ ، بنظره زعلها بدون سبب و الغلط راكبها من انها قالت ل اختها ، لكن هي الان حامل واكيد نفسيتها بتتعب ، مد كفه يمسح على شعرها ينطق : للحين زعلانه؟؟! ... انا اسف
ناظرت له بهدوء تنطق : اسف حافف؟ مافي ورده شي ؟؟
ابتسم بفرح يتوقع انها ما بترضى
-
في مرر المستشفى
حمد واقف مسند ظهره على الجدار امام الكرسي الي جالسين فيه يفكر بشرود
لم يكون حاس بنفسه انه يناظر لها من كان باله مشعول
ناظرت شموخ ل العنود الجالسه بجانبها واضح عليها الارتباك وعدم الراحه وانها تضغط على كفوفها ، عقدت حاجبها ب استغراب ترفع نظرها ل اخوها تغمض عيونها من داهمتها الضحكه عليه تعرف انه شارد الذهن من كانت عينوه مثبته على العنود اخذت جوالها تدخل ترسل له اكثر من رساله
ليصحى على صوت الاشعارات سحب جواله من جيبه يناظر ل رسأل شموخ
" نزل عيوينكك"
" قلنا هوجس بس مو كذاا "
عض شفته ب احراجج ، يصد عنهم يتجه يمشي رفع جواله من اتاه اتصال يرد عليه
حمد : السلام عليكم ... ايه ايه فاضي
-:............
حمد : اليوم ؟! ارسل الموقع بشوفه ، يجون دوريات ؟؟
:..........
حمد : يلا يلا مع السلامه ، اغلق جوال يتجه مسرعه ينطق لشموخ : انا طالع عندي شغل قولي ل ابوي باخذ الشاص
-
بيت حسين
نزلت جواهر بخوف صحت من نومها وماكان فيه احد توجه مسرعه ل غرفة عزام
تفتح باب غرفته بقوه يفز عزام ينزل جواله ينطق بغضب : وجعع  الباب طقيي
ما اهتمت لكلامه تنطق بخوف : وينهم فين راحو؟؟ ابوي وحمد وشموخ
تأفف عزام بملل وهو كان يكلم اديم ينطق: ما اعرف لكن شوفي امي ب الحوش مع ابوي ... الباب سكريه
رفعت حاجبها ب استغراب تنطق : ليش ايش فيه؟!!
صد عنها عزام ينطق : يلا يلا حبيبتي مشغول انا اكلم سكري الباب
ابتسمت تضحك من فهمته تخرج وتغلق الباب خلفها تتجه للحوش عن جدها وجدتها
رجع يستلقي على سريره يسحب جواله من تحت اللحاف ينطق : اديمم ، سكت ينتظر منها رد ضن انها اغلقت الخط ناظر للمكالمه لاتزال فيه رجع الجوال ل اذنه
ينطق : الوو ادوميي حبيبتيي وينششش
بعد ثواني ردت اديم بضحكه : هلا هلا موجوده ... ليش تهاوشها ماسوت شيي؟!!
تنهد براحه يبتسم بخفه ينطق : قطعت السالفه ياقلبي
اديم : ولو جايه خايفه
-
جواهر
جلست ب القرب من الجده نوره تنطق : يمه فينهم البيت فاضي؟؟
مدت يدينها الجده نوره تضغط على اقدامها تنطق : ماعرف يابنتي راحو المستشفى من اذان الفجر ،
عقدت حاجبها ب استغراب تنطق : ليشش شفيهم بسم الله
رفعت اكتافها ب عدم معرفه تنطق : اقربي اقربي اضغطي على رجولي وبعدها اطلعي صحي حسام وحنان ، اقتربت تضغط اقدام جدتها
-
قصر ال فهد
وقفت بتول امام المرايا تضع اخر لمساتها ب المكياج تبتسم بفرح على شكلها اتجة
تلبس عبايتها ، خرجت من غرفتها تنزل مسرعه تقابل سلمان ب الاسفل ينتظر جوزاء
ناظر لها ب استغراب ينطق : وين وين رايحه ؟؟
تاففت من سؤاله تنطق : لبيت صاحبتي ابوي عنده خبر لا تخافف
-
اتجهت بسرعه تخرج من البيت تركب مع السواق تنطق : روح لنفس اللوكيشن
ناظر السواق للموقع ينطق ب استغراب : هذا مكان بعيد بابا يعرف؟
بتول : ايه ايه يعرف روح بسس
-
بيت عبدالعزيز
رجع للبيت بعد ما اخذ قراره ينسى مشاعره وكل شي يخصها يلهي نفسه
بالتركيز و بحثه عن وظيفه ، تقدم يقبل راس والده ويجلس بجانبه
ينطق بهدوء : يبه انا ودي اسافر ادور وظيفه
نزل عبدالعزيز الكاسه من يده ينطق ب استغراب : وليش ؟؟ هنيا دور وظيفه وش تبي ب البعد
هزاع : ماهو بعد يا بوي مالقيت هنا وانا ودي ب الوظيفه
هز راسه عبدالعزيز ينطق : متى ناوي ؟
ابتسم براحه وافق بسرعه ينطق : ابد اليوم اروح للرياض ومن بعدها الشرقيه واذا مره نرجع لحبيبتنا حايل
ابتسم عبدالعزيز ينطق : لا تطول رتب اغراضك وروح لمن حايل
اقترب يقبل راسه مره اخرى
-
الرياض
بيت عبدالرحمن
صحى على صوت طرق الباب تأفف ب انزعاج وقف يتجه يفتح الباب
ينطق : خيرر
ابتسمت نيال ب تمثيل تنطق : اهلين غيوث الحلوو
مد ذراعه يستند على الباب ينطق ب خمول : هاهه
نيال : تعال الفطور اب... ابوي عبدالرحمن يقول اخر يوم نفطر كلنا
هز راسه ب الاجابه يتثاوب من ثم يتطق : طيب طيب ، اغلق الباب يمد يديه للاعلى
ب ارهاق اخيرا بيرجعون للديره ماقدر يتعود هنا ولا يبي من الاساس كاره المكان
~
نزلت نيال تتجه تجلس معهم تنطق : الحين يجي
نطق عبدالرحمن : اليوم بتمشون؟
هزت راسها نيال ب الاجابه تنطق : ايوه ،
ابتسم عبدالرحمن بضيق ينطق : عاد لا تقطعون متى ما فضيتو تعالو
ابتسمت نيال تنطق : ابشري كل فتره بنجي
سكتو من جاءهم غيث يجلس ب القرب من نيال
-
في المطعم
يناظر لها ب استغراب ما اكلت الا القليل ينطق بهدوء : تعور الاكل ... ليش ما اكلتي؟؟ الاكل مو حلو؟؟!
نزلت شوكة الطعام تنطق : الا حلو ...  الحمدالله ، اخذت عصير البرتقال تشرب منه
تنهد بضيق ضنه اغلب الطلعه ساكته ولا تتكلم كثير ، رفع جواله يطقطق فيه على ما تخلص عصيرها ، تافف بملل يترك جواله على الطاوله يقف يروح لدورة المياه يغسل كفوفه من ثم يرجع لها ينطق : مشينا؟؟
وقفت تمشي خلفه للسياره ، استوقف عند محل ورد تنطق بخفوت : ابي ورد
التفت يناظر لها لثواني ثم ينطق : تعالي ، دخلو محل الورد
ابتسمت تتأمل الورد ، ناظرت له من نطق : تبين تختاري او اختار لك؟
نطقت وهي تريد ان ترى ذوقه ب الورود : انت اختار ،
ابتسم يهز راسه ب الاجابه يلتفت ل صاحب المحل يقول له نوع الورود
اقتربت تقف ب القرب منه وهو يختار لها ، الوان كثيره اصفر برتقال وردي وغيرها
بعد دقائق ، اخذ باقة الورد من صاحب المحل  يناظر لها يأشر لها ان تمشي بجانبه
ركبت السياره يمد لها باقت الورد ينطق : وردك يا حلوه
ابتسمت تاخذها منه تنطق بفرح : تجنن الوانهم ماتوقعت تعرف
ابتسم ب ضحك ينطق : وش عرفك سلمان يعرف يختار
-
بيت عبدالعزيز
دخلت ام هزاع تفك طرحتها و نقهابها تنطق بصوت عالي : السلام عليكم
رد عليها عبدالعزيز الي كان للان جالس ب الصاله يتابع التلفاز : وعليكم السلام اخبار سلمى
ام هزاع تفك عبايتها تعطيها العنود ل ترجعها وتوجهت تجلس بجانب
عبدالعزيز تنطق : الحمدالله بخير سلمنا عليها و قالت انها بتجلس عند اهلها اليوم
رجعت شعرها لوراء تهوي نفسها تنطق : حر حر الجو غريبب ، عقدت حاجبها من شافت شطت سفر عند الدرج تنطق ب استغراب : حقت مين؟
عبدالعزيز : هزاع
التفتت له بصدمه تتجمع براسها الافكار تنطق : ايشش ؟ وين رايح
وقفت بسرعه وقبل ان تصعد الدرج نزل هزاع حامل شنطته الاخره اغمض عيونه
بتعب وهو عارف انها بترفضض
وقفت امام لتمنع طريقه تنطق بحده : على وين؟؟
صد عنها يمشي ينزل شنطه ينطق ببرود دون النظر لها : بسافر ادور لي وظيفه
تنهدت براحه من ضنت غير الامر لكنها تظاهرت ب الغير ، تنطق : هزاعع يسافر عشان وظيفه من متى؟؟
ابتسم بسخريه ينطق : ابد والله يمكن تخطبي لي وحده بعد انتِ تبينها عشان
ما ترفض شرايك؟
سكتت تناظر فيه تحس بتأنيب الضمير لها فترح تلاحظه وكانه مو ولدها الي تعرفه متغير كثير ، تنطق بهدوء : تطول ، متى ترجع ؟
رفع اكتافه بعدم معرف ينطق : مدري يمكن اربع شهور كذا
شهقت بصدمه تنطق : ايشش اربع شهور؟!! لا مستحيل
ابتسمت ببرود عكس مشاعره الداخليه داخلياً يلعن نفسه الف مره على اسلوبه مع امه لكن خارجياً يبين لها البرود وعدم المبلاه : ليش عشان اجيب لك وظيفه حلوه
هزت راسها ب النفي تنطق : لا تسافر لا خلك هنا دور قريب منا لا تبعد
... سكتت بوجع لثواني ثم اكملت : هزاع انا اسفه ياولدي اعرف انك زعلانه وذي ردت فعلك علي انا اسفه ماخليتك تختار حياتك وربطت غضب. مع جوزاء لكن انا الحين مستعده لو تبي اخطبها لك هي مافيها شي و النعم
،
سكتت مصدومه من ضحك بقوه ضحك قهر و الشجن ينطق : الحين؟!! الحين؟!!
توك ترضين وتعرفين ان مافيها شي؟!! بعد ماراحت لغيري !!! معقوله تو يحن قلبك علي؟!!! توك ترضين فيها هي راحت لغيري غيري اخذها ، سكت يبتسم بحزن يقترب يقبل راسها بهدوء : اعذرني ان ضايقتك و سامحيني ب انفعالي ... انتبهي لنفسك يا يمه ، نزلت نظرها للارض بهدوء تضل ساكته ، ابتعد عنها ياخذ نفس عميقق يشعر وكان الهواء يجرحح يهزه من الداخل
صد عنها يخرج يسلم على والده قبل سفره
-
-
-
اعتذر عن التاخير🩷 ،