أنتِ الشموخ الزين وأنتِ مهابه

Part 35

في حائل
بعد ما غادرهم الشيخ هلت التباريك على سلمان وتقريباً سلم على الكل
تنهد بتعب يجلس ياخذ نفس من ثم يأخذ علبة الماء يشربها مره وحده
يهمس بينه وبين نفسه : ذي كلها عائليه لو عرس وبس بسوي
التفت من نادا ابو جوزاء ب اسمه وقف يتجه له ينطق : سم ياعم
-
بقسم الحريم
بتول جالسه بجانب جوزاء تسولف معاها بفرح
تنطق : معرف ايش بسوي سلمانو اذا شافك تاخذين العقل ماشاءالله
ابتسمت جوزاء بخجل تكتفي فيها وماترد
ضحكت اديم بخفه تنطق : بتوله شوي على البنت من الصباح وانتِ مستلمتها
بتول : عادي اسولف لها عن زوجهاا عشان تعرفه ، التتفت ترجع نظرها ل جوزاء
تنطق بضحك : الا بسأل هل هل بينك وبين سلمانو شيي يعني قبل
اتسعت عيونها بصدمه تبين على ملامحها وتلقائيا تهز راسها ب النفي تنطق : لاااا
انهالت دموع بتول من كثرة الضحك تنطق : اخخخخخ
اديم ضربت كتف بتول بخفه تنطق : بتولل خلاصص الذنت بتموت منك
وقفت تبعدها لتجلس مكانها ثم تنطق : جوجو معليك منها تحب تضحك
ابتسمت جوزاء تنطق : عادي عادي
بتول : شوفيي تقول عاديي
وقبل تنطق وترد عليها اديم اقتربت ام جوزاء لهم تنطق ببتسامه : جوزاء يا امي زوجك بشوفش
بلعت ريقها بخوف تهز راسها ب الاجابه تقف برجفه تبرد اطراف اصابعها
تقلف بتول تتجه لها مسرعه تقف امامها تنطق : دقيقهه حطي روج احمرررر
جوزاء : لا لا بتول كافي توتر
ضحكت بتول بخفه تنطق :افف وربي بطلع نار مدري من فستانك ولا شعرك ولا ولا ويششش تاخذين العقللل ماشاءالله ، اكملت بغمزه : انتبهي لنفسك منه
-
وعند سلمان
بعد محاولات ل اقناع والده  وتكون مثل اي دخله او زفه ابوه و ابوها معهم والاكيد ابوه رفض ، وقف ينتظر مجيئهم اغمض عيونه بألم من ضربه ابوه بكتفه ينطق : ازعجتنا ياولدي
ابتسمت سلمان بخفه ينطق : التوتر يابوي التوتر
سياف : عادي كلنا نتوتر بذي الليله ونعديها انتبه والله يوفقك ، يتجه سياف يرجع للرجال تارك سلمان لوحده
بعد عدة دقائق التفت يمد يده يحك حاجبه بوهقه وتوتر يتقدم يضع كفه على مقبض الباب يفتحه ما كان له نيه يرفع نظره وهذا تفكيره من الاول ياخذ بخطواته وكانها ساعات يرجع يفكر الف مره ومره هي مالها ذنب ب الحاصل ولا تعرف ب الامور كلها لو تعرف ما يعتقد انها بتقبل عليه تحز بخاطره ان يضلمها معه يتمنى ب هذا الوقت انه ما تقدم ولا سأل هزاع ذاك اليوم يتشتت افكاره تنتهي ب ملمحه منها يرفع نظره تدريجياً لها فستانها الناعم ب الون الابيض المطرز ب الؤلؤ وشعرها البني مرفوع الخصل الاماميه يكتفي ب الوقف من التوتر كلام متطاير من امامه لا يعرف كيف يرتبه اما هي كانت منزله نظرها للاسفل برهبه ولا تستطيع النظر الى وجهه من فرط خجلها يقطع عليهم دخول والدها ووالده ، ترفع نظرها لهم وهو يصد عنها وايضاً يناظر لهم ، ابو جوزاء ينطق : جوزاء عمك سياف بيسلم عليك
وقفت جوزاء بهدوء يتقدم سياف لها يسلم عليها ينطق ب ابتسامه : ماشاءالله تبارك الرحمن مبروك يابنتي ، التفت يناظر ل سلمان يومئ له ب القدوم ، اقترب سلمان لهم يقف ب الرقب منها ، ينطق سياف : ليقين على بعض ماشاءالله
من ثم ينطق ابو جوزاء : انتبه لها ياولدي وحيدتي لا تزعلها ولا ابي بيوم تشتكي منك او تنزل دموعها بسببك
ابتسم سلمان ينطق : ابشر ياعمي و ماتنزل دموعها وانا حي وامني جنبها بسعدها بكل عمرها
بلعت ريقها بتوتر لاول مره تسمع صوته وينطق بذا الكلام ليست خفيفه لكنه زوجها تشعر بسعاده  ولا اراديا ارتفعت عيونها تناظر له من كان واقف ب القرب منها تصد عنه من التقت اعينهم ترجع لرجفتها وبشده ما تسمع كلام
والده تنطق بداخلها " ياربي انا ليش ناظرت "
حس برجفتها ينزل نظره لكفها وبتردد مد كفه يمسك بكفها ويشد عليها لكي يخفي رجفها و ب الفعل تقف بدون حركه ، يسلم عليهم سياف من ثم يطلع
يبقى ابو جوزاء يطلع جواله يتصل على امها لتاتي ومن ثم يخرج وماهي الا ثواني
لتدخل ام جوزاء وخلها اديم و بتول يسلمو عليهم ويباركو لهم
تضرب بتول كتف سلمان بخفه تنطق بهمس : العب ماخذ صاروخ ماشاءالله
يبتسم بخفه ينطق بنفس الهمس : اذكري ربك الا حرمي
تحت مسامعها مايخليها تفرط من الخجل الشديد .
-
بيت عبدالعزيز 
جالس في الصاله في يده كاس شاي يتابع مع ابوه التفلفاز امه جبابه تتابع مقاطع اخواتها الي ارسلوها لها عن ملكة جوزاء و سلمان وملامح وججها العبوس ، تغلق جوالها بقهر ترميه بجانبها ، ناظر لها بستغراب ينطق : فيك شي ؟
صدت عنه امه بقهر داخلها تنطق بين رصه ب اسنانها : انت اخر واحد يكلمنيي
عقد حاجبه ينطق : ليش
رجعت نظرها له واضح ب عيونها الغضب : وتسأل؟!! بنت خالتك انخطبت وانا ابيها لك كله منك كنت تماطل
ببرود رفع اكتافه بعنى مالنا دخل ينطق ببرود : طيب وش اسوي افك الخطب ولا نصيبها
غاضها اكثرر رده وبروده تنطق :  ولا كلمه مابي اسمع منك انا وش شويت يوم ربي يبتليني فيك
تنهد بقل حيله وهذا حال امه من ايام كل ما تجلس معاها تفتح الموضوع
نطقت بصوت حاد : اذلف عن وجهيي
ناظر لوالده الذي اشار له ب الصعود ليتدبر الامر ، وقف مايقدر يجادلها ولا يرد عليها ب النهايه امه مايرفع صوته عليها او انه يتجادل معاها توجه يصعد للاعلى يسمع صوت امه وهي لليان تتكلم
يتجاهله تماما يتنهد بهدوء موقن يوم بتغير رايها و تلين معه وستسلم
، وقبل يدخل غرفته سمع صوت يناديه يلتفت ينطق  : غزيل ما نمتي ؟
هزت راسها ب النفي تنطق بخفوت : تعال بسولف لك
رجع بخطواته لها يدخل خلفها غرفتها تغلق الباب خلفه وقبل ان يجلس ناظر بتمعن ل مكتبها الي يمليه الرسمات و الاوان ينطق : اوهه رسمك تحسن صاير حلوو
ابتسمت بخفه تنطق : ان شاءالله يتحسن اكثرر ، ماودها تدخل بمواضيع كثيره
جلس على الارض ، وهي جلست امامه ، تنطق : هزاع اسمع زين وركزز
صغر عيونه يناظر لها يضع كفوفه تحت فكه ينطق : طيب ركزتت
اغمضت عيونها بملل : هزااع بلا سماجه ركززز
نطق : طيبب؟!
بلعت ريقها ما رتبت كلام ولا تعرف من وين تبدا اخذت تضغط ب كفوفها بتوتر
تنطق : انا اليوم كنت في بيت عمي حسين و عرفت شي مفروض م اعرفه
ناظر لها بضحكه وهو للان مافهم ايش تلمح له الا ان بيت عمه يعني اكيد قابلة شموخ او ان الموضوع يخصها ينطق مخفي الفرح : عن شموخ صح
ابتسمت بحزن وكيف تصارحه وهو متأمل ب بشرى تسعده نزلت نظرها للاسف تنطق : مو نفس الي تفكر فيه ، سكتت لثواني ثم نطقت بسرعه تغمض عيونها خوف
من ردت فعله ترمي ب كل اوراقها : ترى شموخ مخطوبهه وهي موافقه و قبل كم يوم و هو اسمه عقيل
احتل الصمت ، يبحلق فيها يحاول يستوعب كلامهاا لعدت ثواني يفز من كانه ينطق ب اعلى صوته : ايشششش كيف؟!!!!
فزت من صرخته تنطق بتوتر : مدري مدري انا سمعتهم يتكلمون
وقف من مكانه تنهال عليه مرى اخرى هموم اكثرر يكفي افتك من بنت خالتك يأتي الان عقيل و موافقت شموخ له : متى صارت وكيف هي توافقق كيف!!، صد يعض شفته بقهر يمسح على وجهه بتشتت ، يرجع بسرعه يناظر لها يمشي اتجاها يينطق بعجله : اروح ل عمي او
هزت راسها بعدم معرفه تنطق : هزاع اجلسس واهدى الحين الناس نايمه ويش تطبح عليهم
رفع حاجبه يهز راسه : اطبح عليهم ماعندي مشكله ، رجع ياخذ نفس بنعمق يهدي نفسه الان الليل والاغلب نائمين رجع يجلس يسند ظهره على طرف السرير
ينزل راسه الخطا منه او منها ؟ و هل هي للان تحبه او نسته و ما عادها مثل اول
عض شفته بقهر من فكره لو انها ما تبيه مستحيل يخليها ل احد غيره
نطق : غزيل تتوقعين هي تبينه ؟ ماتبيني؟
تنهدت بيأس و بحزن على اخوها تمد يدها تمسح على رأسه بهدوء : الواضحه تبيك  لانه من قالت جواهر زعلت وتضايقت وبكت يمكن وافقت عناد او ما عطت الاكيد وضحك جواهر فقط مانعرف
اغمض عينه بقهر وكان نيران بداخله تشتعل هي بتروح لغيره ،ينطق :غزيل ابيك تجي...
-
الصباح
في الرياض
صحت مبكراً قبل الكل وقبل شروق الشمس طلعت من غرفتها تمشي ب المكان تكتشف البيت ل ثاني مره ، تنزل للاسفل تخرج لل حديقه تحب النباتات
وخاصة ان الحديقه يوجد فيها نباتات و ورود
تقدمت تتجله للكراسي الموجوده تجلس ترفع ارجلها على الطاوله براحه
تناظر للسماء تنتظر شروق الشمس الهواء البارد صوت اوراق الشجر يجعلها
سعيده قطع روقانها صوت العامله تتجه لها تفز من كانها تنزل ارجلها تلتفت لها
العامله : سوري ... في رجال عند باب دخل او لا ؟
استغربت سؤال العامله ،تضن انه احد اخوانها تنطق : ايه ايه عادي
هزت العامله راسها من ثم تدخل للداخل
تتنهد براحه تنطق : خوفتي ، رجعت ترفع ارجلها بنفس وضعيتها
يداهمها شعور النوم مع الاجواء تغمض اعيونها لثواني لترجع تفتحها لتسمع مره اخره صوت غليض صوت رجل ، وقفت تلتفت للخلف عقدت حاجبها ب استغراب ملامحه ليست غريبه من هو اي اخوانها ؟ شافتهم مره وحده ولا تتذكر
-
دخل بعد ما فتحت العامله وسألها "فيه احد صاحي " وهي ردت عليه "ب الحديقه "
متوقع انه احد من فيصل او عقاب ، يتجه للحديقه مباشره ينطق : ياهووهه
سكت رفع حاجبه بصدمه وقفت امامه بدون ردت فعل منها يقف بمكانه مذهول يحاول ما يرمش على مثال (النظره الاولى حلال )
بلعت ريقها بوهقه تبتسم بربكه ترجع خصله من شعرها خلف اذنها تنطق : معليشش من انت نسيت فيصل او عقاب ؟
يزداد نبضات قلبه وهو من اول مره شافها دخلت عقله والان يشوفها مره اخرى سكت مايعرف كيف يتصرف لو شافه عمه ايش ب سوي يتوعد ب العامله الي دخلتهه
صد وجهه عنها بخوف ينطق : اااا... ولا واحد
عقدت حاجبها ب استغرابب تحاول التذكرر من ذااا معقوله مو احد اخوانهاا
شهقت بخوف من تذكرت الشخص الي دخل عليها المطبخ تنطق بقهر : ماعندك حياا لا تناظرر
تناظر للمكان تطيح عينها على دله مرميه قريب لها وبسرعه تاخذها وترميها بقهر وقوه
لتضرب رأسه من الخلف ، يصرخ ب الم تخرج منه تأوهات ينطق : وجععع وجعع ماناظرت لك ... اجي بيت عمي و انضرب
مسكت راسها بصدمه من جرائته  تنطق : لا لا لا و يرد بعد يا راسي يا راسي
ابتسم بهدوء بداخله ضحكه على كلامها ولو ما شاف ملامح وجهها لكن مضحكه مد يده يحك مكان الضربه وينطق ينطق : المره الاولى جبهتي المره الثانيه راسي وقلبي ، يطلع مسريع بعد ما القى كلامه يتركها تنهار اكثر تضرب برجلها الطاوله تنطق  بقهر : وجع وجع عليهه بكل بجاحه لو يدري جدييي لو يدري غيثث يهبدوني اناا ، اصلا كيف يشوفني اخخخ  حسبي الله ، جلست على الارض تضغط يدينها بتوتر وقهر تحقد عليه 
-
في حائل
صحى بعد نومه عميق ياخذ جواله يشوف الساعه رفع حاجبه بذهول من كانت 11الصباح  ينطق بهمس : لا آله الا الله كل ذا الوقت نايم ، وهو امس اول وصلو الفندق نام بعمق ، تنهد بعمق يلتفت يناظرها نايمه ب طرف السرير يرجع يتنهد مره اخر ماكان يبي يتركها لحالها بليلة زواجهم ، وقف يتجه لدورة المياه بغسل وجه لمرات عديده ب ماء بارد من ثم يطلع للصاله يتجه للاريكه يطلع جواله
يتصل على هزاع ينتظر لثواني يرد عليه
سلمان : ارحب
هزاع : البقى ... سم وراك متصل ذا الوقت مفروض ما تفضى
ابتسم سلمان ينطق : ابد نايمين وقلت اشتاق لك
ضحك هزاع ينطق : ايه ايه اشتاقق
سلمان : اخبارك وكيف الوضع الحين ؟
تنهد هزاع من تذكر كلام اخته ينطق : ابد الا تعقدت اكثر
سلمان طويله لكنه ا : افاا وش صار
نطق هزاع بقهر وغيض : وش اقول لك واحد عقوله خطبها ياجعله... استغفر الله ماودي ادعي عليه القاها منهه ولا منن!!
سلمان بصدمه : افففف هذا من وين طلعع ومتى خطبها وليه ب السرعه ذي؟؟
هزاع اغمض عيونه بقوه ينطق : ترا مني عارف شي مثلك انا بس اعرف خطوبتها 
الي يقهر انها موافقههه موافقه يا سلمانن وافقت عليهه تبيه ما تبينيي ماتبيني انا ما ابيها
سلمان : ولد ولد ولد وش ذا الكلامم انت مادري ويش فيها يمكن مجبوره
هزاع فتح عيونه يمد يده يمسح على شاربه بتشتت ينطق : عاد تصدق قالت من عرفت نزلت دموعها مدري هي ماتبي ... احد يعرف او مجبوره ما اتقد عمي يجبر بناته
سلمان : اسمعنيي انت  يا تكلم عمك بدون لف ودوران ل حالك انت
هزاع : واذا البنت ما تبيني؟؟
تنهد سلمان بقل حيل منه بكل مره يعيد السالفه : انت قول وش ب راسك؟
هزاع ابتسم : نسأل البنت قبل الابو
سلمان : وكيفف هزاع لا تستهبلل؟؟ كيف تسألهاا؟
يسكت هزاع لثواني لتتعالى صوت ضحكاته على تفكير سلمان من ثم ينطق : ياحبيبي ياسلماني
عقد حاجبه ب استغراب من ضحكاته ينطق : ياحبيبي شكل فهمت الموضوع غل
سكت من سمع صوت من الغرفه ينطق : يلا يلا اكلمك بعدين
اغلق مينه من حس انها بتخرج ،
-
في الداخل  استيقظت من مده وجيزه ولكنها فضلت الجلوس قليلاً تسمع كلامه وعقلها مشتت من الي يقصدها و من الي متصل عليه  اقتربت للباب
تحاول الاستماع بشكل اوضح  تسمع اخر كلامه وكانه حس فيها  مشت بسرعه تريد الرجو قبل يدخل ويشوفها ولعدم انتباها يلتف كاحلها بقوه تسقط على الارض ل  تطلع صوت شهقتها العاليه تمد يدها تتحسس المها ، ترفع راسها من دخل سلمان مسرع
مصدوم من سقوطها ينطق بخوف :  بسم الله عليكك صار لك شيي؟؟ ،
اقترب لها يجلس ب القرب منه يناظر ل قدمها يمد يده يلمسها بخفه ينطق : يوجعك؟
عضت شفتها ب الم تهز راسها ب الاجابه : يألم  ، ابعد كفه يبلع ريقه يرجف قلبه ينطق : بسم الله عليك ، مد كفه يمسك كفها ينطق : تعالي اساعدك
ساعدها ب الوقوف تتمسك فيه بكل يدينها ، يمد يده لخصرها يمسكها يخاف سقوطها مره اخرى ، تأتيه ريحة عطرها من قربها له يحاول يتزن ، ، اما جوزاء
كان التوتر ماكلها توتر وخوف ودقات قلبها تزيد ، بمجرد ما حاولت الابتعاد
نطق بهدوء : لا تطيحين ، لتجمد من جديد وتكيف عن الحركه
ساعدها ب الجلوس على السرير ليرتاح كل واحد من القرب
اخذ ب الكرسي يضعه بجانب السرير ويجلس ينطق بدوء عكس داخله : كيف طحتي؟
جوزاء : التفت الكاحل ما انتبهت وانا امشي
هز راسه ينطق : سليمه سليمه بس تحتاج مرهم وتخف ، اكيد عندهم هنا
وقف يتجه لتلفون الفندق ويتصل عليهم يطلب مرهم و وجبة فطور
-
في الديره
بيت حسين
كل عاده بعد الفطور يطلع الجد محمد وحسين ل بيت احد الجيران
والجده نوره وام سلطان (نجلاء ) في الصاله ينهو بعض اشغالهم
نزلت جواهر تجلس بجانب امها تنطق : شوشو ما تبي تزل
تنهد ام سطان نجلا تنطق موجهه الكلام لنوره : يالله يالبنت بس تبكي معرف هو من الخطبه او شي ثاني
ابتسمت الجده نوره تنطق : هم كذا دلوعات اول ما تنخطب بعدين ترجع طبيعيه خليها
نجلا : ايه بس يا عمتي هي هرجت معي بموضوع الخطبه وكذا احساسي انها ما تبي
الجده نوره : تجي تتكلم مو صامته و توافق القرار لها مايمدي نحط راي
قطعت حديثهم جواهر تنطق : صادقه يمه نوره دلوعه هيا حتى الرجال مابه شي عشان ترفضه
ضربتها نجلاء بخفه تنطق : ما عندش شغل قومي شوفي اخوش صحى او لا
ابتسمت جواهر تنطق : ابشر ياقلب جواهر انتِ
-
وقفت جواهر تمشي وهي تدندن ب اغانيها ب روقان تفتح باب الغرفه دون ما تطرق الباب تشوفه واقف. عند الكومدينو يتعطر تنطق : هاه حموديي صحيتت
ناظر لها حمد بستغراب : غريبه مروقهه
ابتسمت تدخل للغرفه تنطق : وكيف ما اروق وانا اشوفك قبالي
ضحك بخفه وهو يعرف حركاتها وحافظها : وش اجيب لش اخلصي
جواهر : ياعيني الي فاهمني ابي من البقاله يا خوي يا قوي عادي ؟
هز راسه ب الاجابه ينطق : ابشري ابشري ارسلي الي تبينهم
ضحكت بفرح تتجه له تقبل راسه تنطق : حيي عنيك سنديييي
ابتسم لها ياخذ اغراضه يضعهم ب جيب ثوبه ينطق : امي وينن ؟
جواهر : ب الصاله تتكلم مع يمه نوره ب موضوع مهم عشان كذا طردوني لك
حمد : ليه وش الموضوع ؟
جواهر : خطبت شموخ امي تقول شوشو ماتبي و يمه نوره تقول تبي ف مانعرف
عقد حاجبه بعدم رضا ينطق : شموخ ما تبيي ؟؟
هزت راسها ب الاجابه نطق : معرف هي غريبه صايره بس ب غرفتها ماتتكلم معي كثيرر
سكت لثواني يفكر ثم نطق : تمام بشوف لها ، كمل ينطق عشان ما تزعجه : وانتِ شوفي عزاموه ترى من الصباح يبتسم شوفي له
-
في بيت عبدالعزيز
يمشي بغرفته بقهر بعد ما انتهى من مكالمته افكاره كلها متشتت هل الي بيسويه صح او لا مسح على وجهه بتشتت ياخذ نفس يتمالك نفسه ، يخرج من غزفته
يقرر انه يكلم عمه بدون ما يعرف احد مثل ما قال سلمان نزل للاسف يطلع يشوف اهله جالسين ب الحديقتهم بعد ما عدلها ابوه
ابتسمت امه من شافته تنطق : هزاع تعالي تقهوى
صد عنها يحاول مسك اعصابه يحملها كل المسؤليه يتركها بدون رد ليخرج من البيت
عقدت حاجبها بستغراب تنطق : وش فيه هذا صاحي معصب ؟!
ناظرت غزيل ل امها تنطق : يمهه كفايه عليه ترى من امس تسمعينه كلام و ماتبينه يزعل
ام هزاع  بعدم اهتمام : كيفه انا ما قلت الا الصدق اذا يزعل كيفههه
سكتت غزيل تتنهد ب يأس من اسلوب امها مع هزاع
-
حاول يهدي اعصابه من اشتدت ب سبب والدته يهمس في نفسه : فرق بين امس و اليوم
مشى يتجه ل بيت عمه يتحلى ب الهدوء لكي يعرف كيف يفاتح عمه ب الموضوع
انقطع حبل افكاره من شاف عمه واقف وبجانبه ثلاث رجال ، عبس بضيق يهمس : نو وقت العزايم يا عمي يارب انهم طالعين ، كيف يتكلم مع عمه بوجودهم ، تقدم يسلم على عمه ويسلم على الرجال
حسين : اخبارك ياهزاع غايب لك كم يوم
هزاع : ابد ياعمي مشغول الفتره ذي
ابتسم حسين ينطق : ابو عقيل ونسيبي عقيل
بلع ريقه تحتد نظراته ل عقيل يشد على قبضت يديه يتمالك نفسه ينطق برص اسنانه : يا الله حيهم
ابتسم ابو عقيل ينطق : الله يحيك
استغرب عقيل نظرات هزاع الحاده له وكانه مرتكب جريمه بحقه عدل ياقت ثوبه بتوتر يدخل خلف والده ،
حسين : هزاع حياك ادخل
هزاع : عندي شغل ياعمي ......، يسكت ثواني ثم نطق : عمي هم ليه جاين ؟
حسين : عازمهم وانا عمك
تنهد براحه ينطق : زين ياعمي ابي اتكلم بموضوع اذا راح
-
بغرفة شموخ
جالسه على سريرها تنزل دموعها ليس لديها سبب معين هل لانها وافقت ليست قادره لنفسها ، مسحت دموعها من سمعت صوت الباب تنطق : مينن؟
يفتح الباب حمد و يدخل يسكره خلف يلتفت يناظر لها يتفاجئ من ملامح وججها وكانها ذابه اعيونها المنفوخه من الكباء ينطق بخوف عليها : بسم الله عليش ليهه تبكينن
بلعت ريقها تحاول تكتم شهقاتها لاتريد ل احد ان يعرف تنطق : مافيي شي
تقدم حمد لها يجلس بجانبها على السرير ، يمد كفه يمسح على رأسها بهدوء ينطق : شموخ ياعيوني فيش شي يوجعش ؟؟
هزت راسها ب النفي نطق بصوتها المهزوز : لا
ابتسم بهدوء ينطق : مافيش شي ودموعش تطيح ... علميني هو عشان الخطبه ؟
ناظرت فيه لثواني معقوله الكل يعرف تنطق : مين قال لك؟؟
مايرد على سؤالها ، يدرك ان الامر متعلق ب خطبته يمسك كفها ينطق بجديه : اذا متردده او ماتبين قولي لا تخافين عادي انا معشش قولي بس
نزلت نظرها للاسفل تنزل دموعها بدون رضى تنطق بهدوء : لا بس نفسيتي تعبانه شوي
شد على كفها بعدم رضى من ردها ينطق : اعرفشش اذا كذبتي علي قولي الصدق
ترفع راسها تناظر لحمد تطلع شهقتها من ثم تتوالى خلفها الدموع الكثيره
عقد حاجبها بصدمه لذي الدرجه متأثره، سحبها لحضنه يحتضنها يمسح على راسها ويسمي عليها وقراء بعض من القران لكِ تهدى وتفرغ كل الطاقه الي داخلها
و ب الفعل اخذت اكثر من دقيقه لحد ما سكنت و ارتاحت تنطق وهي للان حاضنه اخوها : انا سويت غلط ؟ انا وافقت
هز راسها ب النفي ينطق : لا ، اذا انتِ استخرتي
ميلت شفتها بحزن تنطق : واذا ما استخرت ؟
ابتسم ب الخفى وهذا الي كان يبي بوصل له ينطق بحده : وليش ما استخرتي يمكن هذا سبب بكائش
حست انها جابت العيد تبعد عنه تهز رساها ب النفي تنطق بعجله : لا لا لا انا استخرت... ايهه استخرت وموافقهه مابي احد غيرهه
حمد : على مينننن!؟؟ قومي الحين صلي استخاره واذا قبل استخرتي مره ثانيه ماتضر وهاه اذا غيرتي رايش او شي علميني انا معش لو قبل العرس بساعه
تمام ، مد كفه يمسح دموعها ب اصبعه الابهام ينطق : ودموعش لا تنزل لا تنزل
ابتسمت تهز راسها ب الاجابه ،
نطق : ترى عقيل و ابوه تحت يمكن يحددون ب اي وقت انتبهي
-
الرياض
تقدمت تجلس بجانب غيث تسمع سوالف اخوانها تلعب ب الكأس ب ملل
تفكر ب الشخص الي دخل عليها الصباح بكره ودها تسأل اخوانها من هو
لكنها تعرف ردت فعلهم و متوقعتها رفعت راسها من نادتها امل ( زوجة ابوها)
: نيالل
وقفت تتجه تدخل المطبخ تنطق : هلا
امل  بتفكير : شرايك نسوي كيكه او نطلع ل مكان ؟
ابتسمت تنطق : اممم نسوي كيكه؟
امل : تمام اجل بطلع الاغراض ، اخذت تمشي ب المطبخ تطلع الاغراض الي يحتاجونها ل خليط الكيكه و المقادير ، التفت تناظر ل نيال تنطق : وش تبين النكهتها ؟؟
سكت نيال تفكر ثواني تنطق : فانيلا ؟
اكملت امل تنطق : حشوتها فروله ؟
هزا راسها نيال ب الاجابه تنطق : ايههه ذويقهه
ضحكت امال تنطق : اعجبك ، اكملت ب الاغراض تضعهم على الطاوله
تنطق : يلا ، اقتربت نيال لها تساعدها ب صنع الكعك تبدا سوالفهم وضحكاتهم
-
بعد ما انتهوا من صنع الكعك  وادخلها الفرن  ، نطقت نيال : بروح الغرفه ابدل ملابسي عليها طحين ، هزت راسها امل تنطق : تمام اجل بروح ل نايف
~
طلعت من المطبخ  تصعد ل غرفتها تبدل ملابسها من ثم اخذت جوالها تقلب فيه لين ما اتتها رساله من جواهر ( نيال صاحيه ؟ ) ابتسمت بشوق من صغرها مع جواهر ماتفرقو وكانها اختها التوأم ، ردت عليها بسرعه ( ايههه ، اتصلي )
و ب الفعل اتصلت جواهر عليها كام
نيال : يامحربااا جوجووو اشتقتت لش
ابتسمت جواهر تنطق : حتىى انا البيت بدونش ماله طعم شموخ مقفله الغرفه وانا جالسه
نيال : مثلي انا هنا كلهم عيال و امل معرف ، اكملت بحماس تنطق : ايه ماقلت لش سالفه الصباح  ...( اكملت ايش صار معاها والشخص )
شهقت جواهر بصدمه تنطق : حقيرر  هذا ماعنده حيااا صدققق قلت ادب
نيال : ايهه تشوفين انا لو اجلس اكثر بشيب  مدري هم عالهم غير ولا وش
ضحكت جواهر تنطق بخبث : اففف تخلي بس ت...
تقاطعها نيال بغضب : جواهروه جهير اسكتيي
تعالت صوت ضحك جواهر ،
كشرت نيال بقهر ترفع راسها من انفتح باب غرفتها ليدخل غيث تبتسم من فكرة ب الرد السريعع ، ابتسمت نيال تنطق : ايه ياعمري غيث مو منسجم هنا ليش تسألين عنه ؟
عقد حاجبه ب استغراب من الي يسأل عنه : تكلمين ؟؟
شهقت جواهر من سمعت صوته وعرفت مغزى كلام نيال تغلق الخط بسرعه
لتنهار نيال ضاحكهه  ، ينطق غيث ب فضولل : من تكلمينننن؟؟
نطقت بين ضحكاتها: جواهر جواهر
-
جالس بسيارته قريب من بيت عمه يدخن ينتظر خروجهم من بيت عمه
يطول ب انتضاره لحد ما خرجو  من البيت وكل نضراته نحو عقيل  يتنفس بقهر
يرمي زقارته على الارض  يقف يتجه لبيت عمه