أنتِ الشموخ الزين وأنتِ مهابهـ..

Part 21

ببيت حسين
بالمجلس انهى الجد صلاته و التفت من حس بحركه تجمد بمكانه
من شاف وجهها الملينا كدمات نطق : شفيش شفيش يابنتي شفيت
تقدمت بخطوات غير ثابته تجلي بجانبه مدت كفوفها تمسك كفوفه و نطقت بتوسل : تكفىى تكفى ماسويت شي تكفى قل له قولللل
انفجع الجد محمد من كلاماتها : وششش اعلم مينن وش الي ماسويتي
وشفيه وجهش كذا
ماقدرت تتحمل وسرعان ما انهارت بحضن جدها وتلقي له الموضوع كله ، انصدم من كلامها وكيف راشد يمد يده عليها نطق : معليش يابنتي احنا لش سند و مابنخلي اي احد يقرب لش بسوء لو كان ابوش
سامعه وهذا الي يمشي ويقذف مابنخليه وحسابه عندنا بامحكمه
هزت راسها والدموع بعيونها : لا ياجدي لا تسوي شي حسابه بالاخره هو خصمي عند الله
ابتسم الجد لها مايبي يتعبها : معليش يابنيتي الحينه روحي مع شموخ اخذي لش شور وماراح ترجعين له وراح تبقين عندنا ،هزت راسها براحه ريحها كلام جدها وتوجهة لشموخ تاخذ منها ملابس وتدخل تاخذ لها دش
-
بأحد سكك الديره
جالس لحاله وحيد يفكر بالي سواه لو يعرف خاله وش راح يسوي او احد اخوانها غمض عيونه بضيقه وهو يتنهد قرر يرجع مع ابوه
ويجلس كم يوم يبي يبعد عن عنها وعن كل شي
اخذ جواله يتصل عليه يعطيه خبر مامرت دقايق الا ورد
غيث: الو
عبدالرحمن (ابو غيث) : ياهلا
غيث سكتت وتشتت تفكيره بلع ريقه اكثر من مره مو قادر ينطق الكلمه يحسها ثقيله ثقيله على قبله
استغرب عبدالرحمن سكوته :الو غيث فيك شي؟
غيث بعد صراع اخيرا واقناع ان ماله ذنب نطقها بهدوء عكس الي بداخله : ابوي
عبدالرحمن ضحك بفرح ماتوقع بسرعه راح يسمعها منه الكلمه نزلت دموعه ونطق بفرحه : هلا ياعيون ابوك انت امرني
غيث ابتسم بخفه من كلمته (عيون ابوك ) ترجعهه للماضي الماضي القديم قبل مايتغير كيف كان يدلعه ويهتم فيه ضحك من يتذكر امه وابوه لكن سرعان ما انقلب الفرح لحزن لامه تنهد ونطق بهدوء
: قررنا انا و نيال نروح معك اسبوع كذا
عبدالرحمن : ابد البيت بيتكم وانا بكرا راجع تجون معي؟!
غيث : اجل تم يلا مع السلامه ،اغلق المكالمه وهو كله شوق شوق كبير للايام الماضيه رفع عيونه للسماء
-
ابها
بعد ما انتهو من العشاء جلسو بالصاله
شال ولده يلعبه وهي اكلها التفكير كيف توقع انها راح ترجع معه بذي السرعه هل كان داري ان قلبها يلين بسرعه التفتت عليه ونطقت
:سالم سلومم
رد عليها وهو لا يزال يلعب مع صقر : عيونه
ناظرت فيه بتردد: الحينه انت كنت متوقع ارجع
مد يدينه ينزل صقر وتوجه يجلس بجانبها : مافهمت قصدش
عدلت جلستها تجلس قباله : يوم سويت الحركه ذي كنت متوقع اني راح ارجع ؟!!
ابتسم بخفه من اسألتها : ايوه كنت عارف
رفعت حواجبها بتعجب : اهاههههه وانت تدري ان امي هي الي غصبتني ارجع ولا انا ما كان ودي والصدق كنت ابي البعد لكنك لعبت علي بكلمتين
سالم وهو لا يزال مبتسم : ادري لاني كنت قايل لخالتي
ضحكة شيخه بصدمه ووسعت عيونها : ماطلعت هينه ام سلطان اجل كذا ذا عشان ارجعع لك لذي الدرجه صدق انك ماتقدر بدوني
ابستم : ايه ودامش كذا كان من اول رجعتي وماسويتي دراما
ضحكت شيخه بحب : كنت مضغوطه لا تواخذني
سالم : ابد ماني مواخذش بس لا تطولين البعد ما يقوى قلبي
تنهدت بحب وبراحه رجعت تسند ظهرها على الكنب وغمضت عيونها
-
جالسه تنتظرها تطلع لتعقم جروحها وماهي الا دقائق وطلعت
توجهت تجلس بجانبها ،شموخ مدت يدها تمسح على كتف حنان : حنان ياعيني خليني اعقم جروحش
حنان هزت راسها بالنفي و حضنة رجولها وصوت شهقاتها واضحه
شموخ ميلت راسها : حنان حبيبتي معليش جدي مابيخليه واكيد مع الوقت راح يفهم
حنان من بين دموعها : لا لا ماراح يفهم وبعدين اذا ابوي شلون جدي يوقفه
شموخ مدت يدها تمسك كفوف حنان : معليش الله مايظلم عباده الحينه عقمي وجهش ونروح ل نيال وجواهر يغيرون نفسيتش
وقفت ويحبت حنان معاها غصب
-
عند جواهر و نيال
كانت نيال ترتب ملابسها واغراضها وجواهر جالسه عندها وهي
شاردة الذهن ، صحت من ضربتها نيال بخفه : وجع من الصبح اهرج وانتِ مب معي من الي شاغل غقل بنيتي
جواهر بتسليك : لا بس راسي يوجع شوي ليش
نيال : افففف منش طيب اخذ الزيتي او الاحمر ؟!!
جواهر : الاحمر احلى
نيال هزت راسها ودخلته بالشنطه وكملت ترتيب ،نطقت جواهر بتسأل : ليش تبون تروحون الحينه مب كنتو ماتبون؟!!!
ردت عليها نيال: مدري عن غيث هو الي قال لي
جواهر اخذت نفس بهدوء تحاول تطرد الافكار من قالت اسم غيث
ونطقت: الله يحفضكم
نيال رفعجت حاجبها بضحكه : غريبههه عليش
جواهر صدت عنها ومدت يدها ترجع شعرها ورا اذنها
دخلو شموخ و حنان بعد ماعقمو جروحها وتوجو يجلسون
نيال ابتسمت  : الله حنان معنا اجل لازم نعيش اخر يوم معكم
ضحكت شموخ بخفه : ياحبيبتي من قال لش انش راح تنقلين كلها اسبوعععع حتى غيث قال لي
جواهر اول ماسمعت اسمه حاولت تشتت تفكيرها ثم وقفت على بسرعه : تعبت شكلي بروح انام ، سرعان ما طلعت بدون ما تسمع ردهم ، نيال بضحك : شفيها ذي من اليوم تهوجس وحالتها حاله
شموخ هزت كتوفها بعدم معرفه : والله مدري عنها الغبيه
اما حنان الي جالسه معهم جسد بلا روح للان مصدومه ومو مستوعبه اي شي صار لها
-
في ابها
بقصر آل فهد
اخذت جوالها بعصبيه ترد عليه بعد ما ازعاجها بالمكلمات و الرسأل
: نعم خيرر وش تبي خلاص اتركني
رد عليها يزن بحده : وش ذا الكلام هاه اشوفك تغيرتي من يوم صرتي عنده ويدربك تغيرتي
اخذت نفس تحاول تهدي من نفسها ونطقت : انت ما تفهم انا من اول ما ابيك والحين جاي وبقوات تبيني ارد عليك سلمان لو درى ابوي لو درى وش يبي يسوي فيني خلاص يزن تكفى ابعد خلاص
ضرب الدركسون بقوه وتطق بعصبيه : وش الي ابعد اديم انا احبكك
نطقت والدموع بعيونها : الي يحب مايضر سامع الي يحب مايضررر انت جالس تضرني ابوي واخوي يشكون فيني كله بسببك مابسامحككك
ما امداه يتكلم الا اغلقت الخط بوجهه وهي ترميه بغضب وكرهه : حسبي الله عليك يا يزن
-
الصباح
بعد ما انتهو من الفطور كانو جالسين الحريم بالصاله والرجال بالحوش
~
بالداخل
ام هزاع الي ما شالت عيونها عن شموخ و تدقق بأصغر تفاصيلها واكبرها وهي لحد الان مستغربه كيف ولدها يحبها
شموخ حست بنظراتها وبدت تتوتر ضربت سلمى بخفيف
وهمست : شفيها تطالع لي كذا!!؟؟؟
سلمى بنفس الهمس : و انا شكو مسويه شي انت "اكملت بضحك"ولا من جمالش؟!
كشرت شموخ : اختنقي يالحيوانه ، وصدت عنها  بعد ثواني ضحكت شموخ وهي تذكر كلام فايز عن سلمى
التفتت سلمى على اختها ستغراب من ضحكها : وش فيش ليش الضحك
شموخ وهي مستمره بالضحك : تذكرت فايزز كان يتكلم عنش و فضحش
سلمى ضحكت بفشله ومدت يدها ترجع خصلة شعرها للخلف وماردت عليها ، ابتسمت شموخ على حرتها ولكن سرعان ما تلاشت من ناظرت لحنان وكان واضح عليها الحزن والتشتت
-
بالحوش عند الرجال
من بين السوالف والشاهي سمعو صوت الباب
الجد محمد لف ل حمد الي ماسك الدلع حمد ياولدي شوف من عند الباب
حمد : ابشري ،نزل الدله وتوجه يفتح الباب ل راشد
وكان واضح عليه الغضب ،نطق حمد بستغراب من جيته بهذا الوقت : هلا ياعم شبغيت ،راشد ما رد عليه وابعده بقوه وهو يدخل بغضب وينطق : وينها الكلبه وينها والله ما اخليها عايشه دقيقه !!!
فز الكل وهم مستغربين من يقصد الا الجد الي كان عارف
وقف بالنص وهو يهاوش : والله اذا ماطلعتوها ما خليكم عايشين
وقف حسين بعصبيه من تهديده : سلامات يا راشد ليش تهدد وش مسوين
راشد مايبي يدخل بنقاشات كثيره : بس طلعوها ويتهي كل شي
الجد شرب من الفنجال بهدو ورفع نظر ل راشد : حنان ماتطلع من البيت ولا راح ترجع معك دامني موجود
ضحك راشد بسخريه : بصفتك مين تقرر انا ابوها لا كنت ابوها قرر!! اسوي فيها الي ابي "اكمل ليقهر الجد وهو عارف ان حنان قالت له "
هي مالها الا بيت زوجها
الكل انصدمو من طريقت كلامه مع الجد ،
نطق عزام بغضب : حنان ما تتزوج الا برضاها مب انت تغصبها
راشد ببتسامه جانبيه : تطلعونها غصب و راح ابلغ عليكم اذا ماطلعت الساعه 10 راح تجي معي بنت ماتطلع الا لبيت زوجها
الجد محمد مانطق ولا كلمه وهو يحاول يفكر ب حل ينقذ حنان
انقطعت افكاره من سمع حسين يتكلم : دامها ماراح تطلع الا لبيت زوجها الليله تكون حرم حسام
الكل انصعق ومحد كان متوقع
راشد بسخريه : وولدك راح يوافق عليها ذي؟!
التفت الكل لحسام المصدوم ولا قادر يتكلم
الجد محمد : حسامممم
صحى حسام ونطق بسرعه يتدارك الموقف : اي انا موافق
راشد وبدون اهتمام : يجي المملك قبل الساعه 10 والمهر 30 الف
عزام نفذ صبره ونطق بأنفعال : خيرر نعطيك وانت تاخذ المهر
قاطعه الجد محمد ليسكته : ماعليه اهم شي بنتنا عندنا
طلع راشد بعد كلامات الجد الاخير ويتركهم متلخبطين
التفتت عزام ل ابوه مايستهال يشم ريال يبه
الجد محمد : خلاص ياعزام مافيه كلام وكل واحد يشوف شغله واتصلو على المملك يجي الساعه 9
انهى النقاش كلام الجد وتوجه كل وحد يخلص شغله
-
عند حنان  وشموخ
الي وقفو  عند الشباك من سمعو صوت راشد
حنان نزلت دموعها وهي تسمع كلامهم والتفتت ل شموخ تمسك يدينها : تكفين شموخ مابييي
حزنت شموخ على حالها لكن مافيه مفر اذا ماتزرجة حسام تتزوج غيره ،تقدمت تحضن حنان تهديها : حنان ياحبيبتي عادي اهم شي تفتكين منه وصدقيني حسام احسن بكثير وانه خيره لش ان شاء الله يارب
هزت راسها بالنفي : مابي مابي مابي تكفين شموخ قولي شي مابيييي
شموخ مسكتها تهدي فيها : ياعيني انت معليش بس تدرين وش استخيري استخيري وما عليش اذا مب مرتاحه مب لازم يغصبونش
اكتفت تهز راسها بالاجابه وتمسح دموعها
-
طلع يركب سيارته بأستعجال ليأكد على الممكلك ويجيبه اذا يقدر الحين
استغرب من رن جواله رقم غريب مارد عليه وهو يرمي جواله على المقد سكر عيون بقوه من رن الجوال مره ثانيه اخذه بعصبيه يرد
: نعمممم
ضحك المتصل بسخريه : اسف اذا منزعججج
نطق عزام بعصبيه : اخلص شتبييي !!!
: بس حبيت اقول لك ابعد عن آل فهد ولا تقرب لهم
عقد حواجبه بستغراب : وليش ان شاءالله؟!!!
: لا يصير لك شي ماتبيه ابعد احسن لك
اغلق الخط بوجهه : مهبول هذا اصلا وش بيني وبينهم استغفر الله
-
نرجع لبيت حسين
طلع متوجه لغرفته بعد ما كلم ابوه وقال له انهم راح يتأخرون بسبب  زواج حسام ، اخذ شماغ وثوبه استوقف للحظات كان كل ما جت مناسبه او عزيمه يعطني امه تكوي شماغه وثوبه مد يده يمسح دموعه بكم ثوبه بهدوء ياخذ نفسس عميق يهدي فيها من نفسه توجه يطلع من غرفته كانت شموخ جالسه تقدم ناحيتها ونطق : شموخي عادي تكوين ثنوبي ؟؟؟؟
شموخ هزت راسها بالاجابه وقفت تاخذ منه اغراضه : اسمع
رفع نظره  لها : هلا
شموخ : حسام وش سوى هل وافق ولا الحينه كيفه؟!!!
مد يده يحك راسه بتشتت : شوفي هو وافق عشان خالي وجدي بس مدري اذا هو راضي تماماً او لا لانه ما يتكلم
تنهدت بضيقهه : الله يكتب لهم الخير مره حزينه عليها
سند ظهر على الجدار ونطق : كلنا حزينين عليها ومانقدر نقول شي هذا ابوها
-
رجع لبيته وهو فرحان اولاً ستر عليها وثانياً طالع كبسنا بالفلوس
دخل البيت و الابتسامه بوجهه، كانو ساره وعبدالله جالسين بالصاله
فزو بسرعه من سكر الباب وسرعان ماتوجة نحوه : وينها ويينها وش صارر؟!!!!
ضحك بسخريه : هذي هي راح تتزوج ونفتك منهاا
نزلت دموعها لا ارادين ونطقت : ومن هو الي راح تتزوج؟!!!
وقف ورا امه يأخذ انفاسه بقوه ينتظر يتكلمم
راشد : ومن راح ياخذ رخيصه زيها غير ولد اخوش
تنهدت براح انه ولد حسين ولا غيرهه ويرعان ماتغيرت ملامحها للغضب : محد رخيص الا انت تصدق الرايح والجاي واهلك تكذبهم "هزت راسها باستنكار" مستحيل مستحيل تكون راشد مستحيل وين راشد الي يقدر اهله ولا يرضى عليهم بالسوء تغيرت تغيرت والحينه وصلت تقول لبنتك رخيصههه ياحسافت حبها لك
اوجعه قلبه و غمض عيونه مارد عليها ولا عارف كيف يرد عارف انه غلط لكن يبي يستر عليها ،صدت وطلعت بسرعه كي لا تسمع منه حرف ،ضل عبدالله واقف يطالع لابوه بخيبت امل كبيرهه ،رفع راسد نظره ل عبدالله ونطق بهدوء : وانت تب يتبومني؟!!!
هز راسه بالنفي : ما بي الوم يكفي بس تحس على نفسك وغلطتك لكن اهنيك حنان ما يناسبها الا حسام ، صد عنه ليتنفس بصوبه وطلع يشوف امه وين راحت
غمض عيونه ليكابر مايبي يبين انه غلط
-
الساعه 8 الليل
واقف عند باب العازل ينتظرها تجيب اغراضه
التفت من شاف جواهر الي جابتها ، مد يده يحك راسه بتشتت
ماوده يشوفها يبي يسيطر على نفسه الاول صحى على نفسه من مدت له ثوبه : امسكه ترى يدي تكسرتت
اخذه وعيونه صاده عنها
ضحكت جواهر لتشيل حساسة الموقف : ماعرفتك يالطاقيه وانت مأدب ،
ابتسم غيث وعرف انها ماتبي تتذكر الموقف نطق كعادته : لابس مابي اشوف خياسكك
ضحكت بنرجسيه : ههههههههههههههههههههههه قصدك جمالييي بس لخبطت صح ؟؟
هز راسه : ايههه ايههه غلطان غلطنا
صدت بتكبر : عارفههه ، ضربها مع راسها بخفيف : انكتمييي
شهقت ومدت يدينها تمسك راسها : خيررر شعري خربتهه
غيث: يلا يلا انقلعي
-
بالمجلس
الكل موجود ينتظرون مجيئ راشد وما هي الا دقايق ليدخل راشد وخلفه عبدالله توجهو للكراسي يجلسون وبدا الشيخ بالكلام
وانتهى بأخر كلاماته ل حسام : هل تقبل الزواج من حنان بنت راشد
تنفس حسام بسرعه وقوه لكنه قدر يمسك نفسه ونطق بهدوء وثقه
: قبلت ، اخذ القلم ووقع ، وقف عبدالله ياخذه ويوديه لحنان
~
دخل عبدالله وكانت الغرفه وكانت ساره حاضنه حنان  ، تقدم يمده لها اخذته حنان ووقعت وهي كلها خوف من حياتها الجديده ، انتبه عبدالله على دموعها مد يده يمسح دعموعها ونطق : حنان ياعيني خلاص بلا دموعع ياعيون اخوش ما ابي اشوف دموعش حسام خير رجال لو عليه خبال شوي واذا تبين اي شي عندش انا لا تحسبن نفسش بدون سند انا سندش وانا ظهرش ، تقدم يقبل راسها ويطلع يتركهم
ارتمت بحضن امها تبكي وتشاهق
مدت يدها تمسح على ظهرها : حنان لا تبكين لا تبكين خلاص كل شي وينحل حليناه
هزت راسها بالنفي ونطقت من بين شهقاتها : لااا .. ه.هو مغصوب علي مابيهههه، اشدت بكاها "مو قادره تتحمل كل ذي الاشياء تصير لها " كذا وفجاء من غير اي سبب
طرقت للباب شموخ ثم دخلت : حنان جدتي تبغاش
-
نزلت من سيارتها وقفت تاخذ نفس عميقق لاول مره راح تسويها بدون علمهم وهل اذا عرفو راح يعاقبونها لكن ذي فكرته ليبعد عنها
تقدمت بخطوات سريعه لداخل الكوفي ناظرت له جالس عند الطاوله
توجهة تجلس بالكرسي الي قباله ، ابتسم من شافها ونطق : ياهلا ب ادومي
تجاهلة كلامه : اخلصصص وش تبي
مد يده يشرب من قهوته ونطق : انا بس ابيك لي
نطقدت بصرامه : اذا تبي تدل تطريق الباب
ضحك يزن : بس انا ابي اسمعها منكك؟!
حاولت تهدي نفسها وما تتنرفز ، شبكت يدينها ببعض وحطتهم تحت فكها : ومن قال اني بوافق عليك يا استاذ يزن اعرف انك بلاير وادري انك تكلم نجوى مايحتاك اقول اكثر بس اتركني بحالي ولا تأذي عزام ماله شغل بأي شي فهاهمم
وقفت بغضب تطلع من الكوفي
_________________________________
اعتذر عن التأخير ✨
اتمنى ان تنال اعجابكم