أنتِ الشموخ الزين وأنتِ مهابهـ..

Part 12

عند عبدالله
دخل البيت واول شخص شافه  ابوه وقف يطالع فيه بصمت
ابو عبدالله: وين كنت ؟!!وليش عيونك حمرا؟!!!!
مارد عليه وضل يطالع فيه بصمت ،
صرخ عليه : جاوبني وين كنت ليش ماتجاوب
عبدالله بهدوء : خويي تعب ودق علي رحت له وتو جيت تبي شي
تنرفز من بروده وهو يحس شوي  و يختنق  : حسبي الله ونعم الوكيل ، ويدخل دخل بعده عبدالله  وتوجه لغرفته
قبل مايدخل وقفه صوت اخته : الله عليك خويك اجل تتهنون وماتوقع تتهنى وابوي زعلان عليك نشوف مع الايام
-
صباح يوم جديد
-
صحت بنزعاج من صوت اختها : افف وش فيك انتِ ازعجتيني
بتول : بس اصحي يبه يقول نبقى نروح
وقفت بسرعه : نروح نفطر بمطعم؟!!
ضحكت عليها: لا ياغبيه نروح للمزرعه مع خويه محمد
كشرت اديم : مزرعه تراب وخرفان وقرف اففف مابي روح
بتول : كيفك  تجلسني لحالك بالجناح
مشت بزعل: زينن بتجهز افففف
طلعت للصاله تشوفهم جالسين توجهت نحوهم: بابا مابي اروح معكم للمزرعه حر
سلمان: ايه حتى انا مابروح
فهد: لا مو على كيفكم لازم انا قلت كلنا نجي تجهزو بسرعه

-
اول ماصحو توجهو للمزرعه يجهزون الاغراض
جالس بعيد عنهم يفكر مشى عنده عايض بجلس جنبه :وش فيك حالس هنا لحالك؟!!!
تنهد و مارد عليه داخل صدره ضيقه ضحك من شاف سلمى تضرب شموخ: مب هنيا تحطينه
توجعت شموخ وهي ترد لها الضربه : امي قالت ياكلبه
وقف عايض وهو يبتسم : خلاص عرفنا ليش جالس هنا
مد هزاع يده له : وقفني خلني اساعد ابوي
ضحك عايض يوقفه : تروح تساعد ابوي ولا تطالع لشمخ
ابتسم هزاع : لا تعرف خطتي ،
بدو يجهزون الاغراض وينظفون الجلسه لان من زمان مانزلو للمزرعه
-
بعد ما انتهو من التنظيف وصلو ال فهد وتوجهو البالت للبنات و الرجال للرجل
غزيل بحماس : يلا بنات ماتيون نسوي جوله بالمزرعه ونكتشفها
اديم : لا تكفين حر وش يطلعنا من البراد للحر وكلها نياق وقرف
خزتها سلمى وتوجهت تقومها بالغصب  : اقول قومي مسويه نفسها يعنيني
اديم : طيب طيب بس حر
شموخ وقفت تاخذ الشرشف : بلا حر بلا بطيخ تطلعين غصب عنك وترى مو كلها نياق فيه ماعز وفيه خيول
فزت اديم من سمعت : الله خيول وينهم بسرعه بروح لهم يلا يلا خلونا نمشي، بدت تسحب البنات تطلعهم  للمزعه
تمشي سلمى وهم وراها (القائده حقتهم)
سلمى: اول شي نروح للنياق نعاينوها
اديم مسكت ذراع سلمى: تكفين اول شي الخيول
هزت راسها بانفي : لااا انا اقول اول شي النياق
كشرت اديم وهي تبعد : افففف
حنان ضحكت: سلمى مابقى لك الا نجيب لك عصى
نيال: ايههه عصى عشان تمشين زي القاده وكذا.
سلمى: امشو لا اعلمكم شلون تمشون
-
عند العيال  با الاسطبل 
واقفين ورا السياج وعزام راكب الخيل وهم يعززون له
سيف: ماعرفته يعرف للخيل
حمد : ايه وكم مره فاز بمسابقات الخيول
وقف عزام وهو ينزل من الخيل: من يبي يركب ؟!
هزاع: انا بس بتسابق انا وانت والي يبغى؟
عزام : سلمان تجي احسك  تعرف للخيل ؟!
ضحك سلمان : احساسك غلط اصلاً ماعرف اركبه عشا اتسابق
عزام : اجل تعال كذا شوي اعلمك الحين خلني افوز على هزاع يلا خذ  واحد من الخيول واشوف احسن شي لك البني
ضحك هزاع من فهم قصده يتوجه يفته للخيل ويطلعه ويركب عليه السرج و باقي الاغراض ويدخله
توجه عزام يركب خيله : بحاول اتساهل معك
هزاع: نشوف
بدو سباق وطبعاً عزام فاز على هزاع لانه يعرف اكثر وله خبره ، عزام: شفت قلت لك اني بفوززز
نزل هزاع : عادي اهم شي اني حاولت وكنت بسبقك بس عادي
حمد : يلا خلونا نروح لابوي لايعصب
عزام اخذ الخيل: روحو وانا برجع الخيول
-
عند البنات
بتول : اففف حر  حلونا نرجع
اديم: ايوه خلونا نرجع
سلمى: يعني ماتبين؟!!
اديم بتعب: ماقول لا بس بسرعه احس اني ذبت
سلمى: ذيه عاينيه يلا نروح له
توجهو للاسطبل
دخلت سلمى تشوف اذا فيه احد او لا ثم نادت البنات
اديم بانبهار : الله  يلا نركب فيهم ابي الخيل البني
شموخ : لاا البني حقي انا بركبه
اديم كشرت: حركات ورعان حقي ومقي اصلا مو حلو ابي الاسود، توجهو البنات يختارون لكل وحده تختار لها خيل
ابتلشت اديم كيف تركبه: دقيقه شلون اركبه
سلمى: الحين مبلشتنا اخر شي ماتعرفين تركبينه
اديم : لا ماعرف ركبيني ،بعد ماركبت بدو البنات لعب واستهبال
-
عند العيال
يجهزون الغدا ذي المره عليهم
عزام : سيفوه قطع اللحم زين لا اهبدك
سيف ماسك اللحم و يحاول يقطعه : مايقطع ذي خربانه
سحب منه حسام الاغراض : انقلع عند امك وانا اقطع احسن منك ياورع
ضربه سيف بكتفه: كلها سنتين
حسام : اكبر منك بيوم اعلم منك بسنه ياورععع
هزاع و عايض يغسلون الرز ،عزام و سلمان يشوون
حمد وحسام و سيف يقطعون اللحم و الخضار
تيام  يسوي الكبده والمقلقل ، وغيث واقف معهم بس كذا
غيث وهو يدور عليهم  ويضرب راس كل واحد : ي عيال خلصو بسرعه
عزام لف عليه وهو مع سيخ الشواء : غيث انقلع ماتسوي شي وتعال ساعد  ولا اشويك بذي
ابعد عنه غيث وجلس جنب سلمان وهو يغني: خلي ورا العرق و الوادي تكفون مرو بنا صوبه ، انضم له سلمان وبدو يرقصون هم الاثنين : يا زين دلة و برادي يا زين دله و برادي عند الغضي داعج عيون
بدو العيال يغنون معهم ويرقصون يستهبلون :
خلي ورا العرق والوادي  ... خلي ورا العرق والوادي
تكفون مرو بنا صوبه ... يا زين دله و برادي
يا زين دله و برادي ... عند الغضي داعج عيونه
خلي على شاص عنابي ... خلي على شاص عنابي
رقم احدعش فوق طبلونه ... خلي على جمس عنابي
......
-
الساعه 1 بعد ماحطو الغذا
توجهت ريم تنادي البنات للغذا
توجهو البنات بسرعه لانهم هلكانين  من اللعب و الاستهبال
الا اديم الي خايفه وماتعرف كيف تنزل من الخيل لفت يمين يسار تدور احد يساعدها لك لكن مافيه احد طفشت : افف مافيه احد بجلس عالقه هنا ، استنت شوي محد جاء و بدت تسولف مع الخيل بملل : انت يعني لو تاخذ كل يوم دش هل راح تصير ابيض ولا تبقى نفس لونك صلا انا ليش اسولف معه وع شكلي بطبح ويصير الي يصير بس اخاف اطيح اخخخ بس ، حضنت رقبة الخيل تغمض عيونها
تتركه يصهل و يمشي  على راحته بدون ما تشد عليه
~
يمشي قريب من الاسطبل وسمع خطوات الخيل وصوته
استغرب يدخل الاسطبل يتوجه لها  مايحب احد يركب خيله يضن انها : شموخ ؟!!!
رفعت راسها عاين من هذا كشرت من عرفت انه نفس الشخص الي هاوشها
اما عزام لف وجهه من شافها بدون نقاب : خير وش جابش هنا وبعدين من طلع لك الخيا
اديم تنرفزت من طريقت كلامه  : وعع مو من زينه عادي. هو وسواده اقول بس شلون انزل ؟!!
عزام عصب من ردها: اقول انت شلون جايه وماخذه الخيل بدون استأذان ؟!!
اديم: يوهههه كانو معي البنات وسلمى و الباقي ظوالله لو انه حقك عادي وع
حاول يمسك اعصابه : احترمي نفسش
اديم: طيب طيب كيف انزل بسرعه صار لي ساعه ابي الحق على الاكل
عزام : انتِ اصلا كيف رقيتي عليه وانتِ ماتعرفين شي
اديم : يوووه شموخ علمتني انت الحين تساعدني انزل ولا انقلع لا يشوفني ابوي
عزام بدا يستقعد لها: طيب انزلي عادي سهل
هزت راسها بانفي لا مو سهل صعب يمكن يتحرك واطيح مابي
تكتف  وضحك بسخريه : ورعه عشان تخافين؟!
تنرفزت من ضحكه لكن حاولت تمسك نفسها تبيه يساعدها : ايه ورعه اخاف بس تكفى شلون انزل بسرعههه
توجه يمسك الخيل لها : انزلي يلا مو متحرك
اديم : كيف انزل وش اسوي اطبح ولا انزل بشوش
ضحك منها: الي تبين
اديم بخوف: لا خلاص ما بنزل و انت انقلع خلاص
رقع نظره لها بتعجب و ابعد عنهايمشي يعطيها ظهره  : جد اجل اجلسي  هنا لحالك
فزت اديم بخوف تكره الكلمه ماتحب تجلس لحالها: لااا خلاص ارجع امسكه والله بنزل
رجع وهو ماسك ضحكته يمسكه لها
اديم بنها وبين نفسها(تقدرين انتِ قويه تقدرين تنزلين لتخلين الخوف يصيطر عليك You can do it(تستطيع ان تفعلها ) بعد ما شجعت نفسها بدت اول ماتحركت
هو ارخا على الحبل شوي ومشى الخيل خطوه وحده
رجعت بسرعه تتمسك برقبت الخيل: مابييي يتحرك
مايدري ليش سوا كذا فيها : انزل بس ماراح يمشي ذي المره
صدت عنه وهي زعلانه  : كذاب انا ماصدقك
عزام بتعجب: تعرفيني عشان تصدقين او تكذبيني ؟!!
اديم بزعل: كذبت علي المره الاولى وذي المره بعد
عزام: ذي سمعتي عندك انزلي بس وماراح يتحرك
كشرت اديم : طيب
اخذت نفس طويل ونزلت بسرعه وهي خايفه
عزام : شفتي ما صار لك شي
اديم  بتسأول : وش اسم ذا الخيل ؟!!
عزام ببرود :  ما عنده اسم تو مشتريه
تحمست : شريك تسميه المُهيب؟!!!!!!!
سكت شوي يفكر ثم قال : المُهيب ليش اسميه المُهيب ؟!!
ابتسمت : لان هو الوحيد الي لونه اسود والون الاسود يعطي هيبه ورزه كذا فهمت
ابتسم من ابتسامتها : مدري افكر وانتِ انقلعي لحد يشوفنا
فزت وهي تو تستوعب : صح صح بابا لا يشوفنا ركضت لبرا الاسطبل
~
اول ماطلعت تنهد وهو يرجع الخيل ويسكر السياج
ويروح للعيال
-
توجهت تجلس عند البنات بملل
لفت عليها سلمى: ليش ماجيتي تتغدين جيعانه؟!
ميلت شفايفه وقالت بخجل : ايوه جوعانه
شموخ وقفت جيب لها حافظه : شفتك ماجيتي وحطيت لك شوي
اديم بخجل اخذته منها : شكراً
شموخ : بنات انا كلمت خويتي دانه تجي تسهر معنى اليوم قلت لامي ووافقت
سلمى: عاد دانه فله حماس متى تجي
جواهر: شرايكم نتابع موڤي؟!!
بتول : ايه بالله طفش
نيال: لا بنات الموڤي باليل
حنان : وش باليل نبي نسوي مغامرات وكذا
شموخ: ايوه نبي مغامرات
حنان: وين نروح داخل بالمجلس شيوخ المسكينه نايمه هي وولدها
جواهر قلبت عيونها: ياذي الشخيه مالقت الا بالمجلس
ماعلينا نيال قومي وجيبي الالعاب عاد جايبه لكم العاب نار
اونو مجد و العاب واجد
نيال بتأفف:وليش انا اجيبه مو انتِ؟!؟
جواهر: لانك اصغرنا يانونو
جواهر كشرت: ترى اكبر مني بكم يوم ، وقفت وهي تتأفف وتجيب  الالعاب
وبدا جو اللعب و الاستهبال الجميل وبعد دقايق جتهم دانه
-
جالسه بغرفتها تبي على حالها حياتها كلها كئيبه
وقفت تفتح النافذه تحاول تتنفس هواء تغمض عيونها تنزل دموعها اكثر لفت بسرعه تمسح دموعها من سمعت دق الباب دخل اخوها ناصر : انزلي ابوي يبيك
هزت راسها بارفض: مابي مابي مابي ارجع لع
تنهد من حال اخته المدمره من ابوه : انزلي الله يخليك اتعرفين ابوي اذا عصب
هَتِيف بكت اكثر: طيب
ناصر بحزن: اذا ماتبين عادي قولي مابي بس امي  هي الي راح تاكلها
هَتِيفْ: لا الحين بنزل معليك بس اغير وانزل
طلع وسكر الباب ينزل عند ابوه
~
ابو ناصر: الحين تجيك معليك بس ليه هي رجعت مع ناصر امس؟!
عبدالله مدري يمكن نرجعت من عزيمه او شي
فتحت باب المجلس تدخل تلقي السلام تجلس بعيد عنهم
وقف ابو ناصر: يلا انا طالع ، طلع يسكر الباب
رفع نظره لها : ايوه ليش ماتردين من امس؟!!
هَتِيفْ بهدوء غير الي بداخلها: انت تركتني باليل بالحدقه وحتى ماخفت علي وتبي ارد عليك
عبدالله: انتِ قهرتيني ماتبيه ليش جالسه معي اجل مو انا من اول قلت تبين او لا وانتِ وافقتي  مو ذنبي
انهارت تبكي وتغطي وجهها بيدينها: لاني كنت احبك بس خلاص ماعاد احبك ماعد ابيك اتركني اتركني
وقف يتوجه لها بسرعه يجلس بجنبها ويحضنها:  هَتِيفْ انا احبك تكفين لاتسوين فيني  كذا وش الي مزعلك تبين اقول لاهلي اقول لهم ماعندي مشكله بس تكفين لاتتركيني
بصوتها المبحوح: مو لازم بس ابيك تتركه تكفى اتركه مقدر اعيش مع شخص اخاف منه مقدر
عبدالله: حاولت حاولت والله حاولت لكن ماقدرت
هزت راسها بانفي : الا تقدر تقدر وانا معك بس اوعدني انك تتركه لاني اخاف منك اذا جيت وانت كذا
-
  الليل بعد العشاء
توجه الكل للنوم الرجال ب ببيت الشعر و الحريم
غيث : ياعيالي ابي اكلم عزوز يجي يسهر معنى شرايكم ؟!
ضحك عزام: يوه ذا العزوز جبه ابي افتك من خبالكم يجي واحد جدي ابرك لي
عايض: وش قصدك ذي سبه
هزاع: ابد ياطويل العمر نصير جادي لعيونك
عيث: لا بكلمه واجي
~
مجتمعات بمللل ماندهم شي يسونه
جواهر : الحين شلون راح نشغل التلفزيون وجدتي نايم بالغرفه
نيال: افف يعني ماراح نتابع ولا شي نجلس محبوسين زي الكلاب
شموخ انسدحت على سلمى : ايه حنا كلاب وش نسوي عاد
دانه بملل: اففف طفش بي اربع جدارن
غزيل: اقول بس خلونا ننام احسن واحنا جالسين زي الخافيش
جواهر قلبت عيونها: جتنا الدجاجه نامي محد ماسكك
ضحكت بتول ضحكت شر: اقول بس عندي فكره
لفو البنات عليها : وش هي
بتول : نطلع ونمشي برا بالضلام نسوي مغامرات
سلمى: ايوه شلون نطلع ؟؟!!
بتول: سهله مو بس جدتكم نايمه بالصاله نطلع شوي شوي وماراح تشوفهنا وبس
غزيل رجعت لفراشها : كيفكم انا بعين من الله خير وانام وانتو سو الي تبون
حنان ابعد عنهم. : حتى انا مو ناقصه خوف بجلس مع غزيل
سلمى وقفت بسرعه: كيفكم اجل اجلسو هنا خيسو
غزيل : احسن خلهم بس يشقونكم
بتول : ماراح يشفونها عندنا خطط امشو  بس بشويش
فتحت الباب بخفيف وطلعت ووراها البنات
اول ماطلعو المزرعه ظلام مافيها ولا نور  ركضت جواهر : اخيراااً
اديم نادتها : ياخيوانه لاد يشوفك وانتِ تناطين زي الورعان امشي
اجتمعو البنات بتول: خلونا ننقسم احنا ثمانيه كل ثنتين يروحون مع بعض
جواهر سحبت نيال: انا نيالي
العنود: هي هي هي ترى مانعرف المزرعه حنا خل نتقسم صح
سلمى : اص انا البكر وانا اقسم جواهر و بتول مع بعض  و نيال  و دانه مع بعض شموخ و العنود مع بعض وانا ادومه مع بعض
يلا انطلقو ياخرفاني
اديم : لا لا بنات خلونا اربعه اربعه لاني اخاف
سلمى : ياليل يالخوافين  امشي بس سحبتها معها
وانتشرو كل ومحد عارف وين رايح لانه ظلام ومايشوفون شي
~
سلمى &اديم
سلمى: اسمع تتخيلي اول كان هنا فيه اشياء تخوف"افهموها"
لفت عليها برعب اديم : كذابه وينهم
سلمى : وش وينهم تبينهم يطلعون لك؟!
اديم تمسكت بسلمى: لا تكفين خلنا نرجع
سلمى دفتها : اقول خلك رجال وامش
اديم : رجال اقول انا انثى
سلمى: تمشين ولا اروح واتركك
اديم مسكت يدها : لا ابد معك ياخوي
-
دانه &نيال
نيال: تصدقين ماعرف المزرعه وهي ظلام
دانه: ايوه يصير مغامرات وكذا
نيال : تعالي نروح عند النياق
دانه : لا تكفين مو ناقصه نياق وخرابيط بس ماتحسين شي نيال نياق ليقين على بعض
نيال ضربتها بيدها يععع امشي بس
~
شموخ & العنود
العنود بخوف: احنا وش الي خلانا نطلع هنا
شموخ تحاول ماتبين الخوف الي داخلها: عادي مابو شي
العنود تمسكت بشموخ: الا اسمعي اسمعي الصوت
شموخ : يابنت مافيه شي لاتخوفيني
العنود من سمعت صوت دفعت شموخ على شبك الي محاوط فيه الغنم و دخلت رجلها بمربع الشبك
شموخ تعورت: اخخ ياكلبه
العنود : خفت وش اسوي ماشفت الغنم
شموخ وهي تسحب رجلها :اخخ رجلي دخلت بالشبك ياحمارر فكيني
اقتربت العنود لها وهي تسحبها تحاول تفكها : مايصير اخخ
بدو يسمعون صوت الكلب  ينبح من سمع صوت حركه
العنود: شموخخخ الكلب ينبح يمه
شموخ : انقلعي لا بارك الله بعدوش وش الحاله ذي
-
عند العيال
فز عزام من سمع صوت الكلب : ياعيال فيه صوت من زمان  اسمع احد يمشي بس الحين الكلب شكل فيه احد داخل
سيف : من يبي يدخل ؟!
عايض: ياغبي يسرقون وش يبون
هزاع : ياعيال قومو خلون انشوف وونقسم اتوقع انهم مجموعه
عزام : ايه بسرعه يلا انا وهزاع نروح نسوف هناك وانتم تقسمو
سحب عزام هزاع بسرعه خايف انه ينسرق شي وابوه يحطها فيهم
~
عايض : طيب يلا قمو انتم انا بروح لحالي
عزوز(عبدالعزيز): مايصير لحالك انا بروح معك
عايض: طيب امش بسرعه
لف عليهم غيث: وانتم يا حبايبي ما بتمشون
حمد : لا مالي خلق
سلمان: ولا انا
حسام قام: امش نتركهم مهم متحركين خلهم ذولا
-
شموخ &العنود
كانت واقفه تشوفها وهي تحاول تفك رجلها تلتفت يمين تشوف ضل لشخص  يمشي اتجاههم شهقت بخوف
وقالت بهمس: شم..شموخ فيه اح..د جاي
شموخ: من يبي يجي بس طلعيني من هنا يابنت
العنود تراجعت لوراء: انحاشي ياشموخ......
-
2370 كلمه استمتعو فيها