بسم الله
-
تنزل دموعها: لا بس عمتي انتِ تعرفين ان سلطان يحب الاطفال مره ويفرح فيهم ويبيهم وتعرفين اني انا من بعد فايز ماكتب لي الله وقبل اربع شهور حملت وكنا فرحانين وبغينا نعلمكم اليوم لكن سكتت شوي تدمعت عيونها وتكمل: مات قبل اسبوع
سكتت شوي الهنوف ماعرف كيف تواسيها حضنتها وهي تمسح راسها وقالت بكل حنان: يادي يابنتي الله ماكتب ولاتزعلين نفسش على شي مو بيدش هذا قضاءالله وقدره يمكن خيره
رفعت عينها تناظر فيها : بس ياعمه سلطان مره حزين حتى لو ماقال اعرفه انا
مسحت دموعها : لاتبكين وذا قصدك ان يمكن ماتحملين ثاني مره ويتزوج عليش ترى غلط انا اعرف سلطان اهم شي بحياته انتِ وفايز ولاتتعبين نفسش واشكري نعمت الله عليش غيرش يتمنا الولد الواحد
ريم بدموع: والله ماقصدي ياعمه مو قصدي ،واشدد بكاها
الهنوف حزنت عليها مره : معليه يابنيتي مب قصدي لكن احمدي ربش على النعمه ويقول سبحانه (لَئِن شَكَرْتُمْ لَأَزِيدَنَّكُمْ) (عَسَى رَبُّنَا أَنْ يُبْدِلَنَا خَيْرًا مِنْهَا)
-
دخل قيم الشرطه بعد ما استدعوه يتوجه لمكتب النقيب
يلقي السلام ويجلس يستمع لكلامهم ياخذ ملف القضيه
يتصفحه لكنه رفع نظره من سمعه يقول : راح يكون معك مساعد او با الاصح محقق عشان نخلص بسرعه
ضحكت وبثقه مليانه بنرجسيه : يعني مو واثقين
ضحك النقيب : افا عليك يا حمد عارفين مهاراتك وشاهدين لك لكن نبي بأسرع وقت نحلها
وقف وهو ابتسم : يلا انا استأذن وراي قضية لازم احلها
ابتسم: بتوفيق يا محققنا
-
ببيت حسين
بعد ما رجعو البنات من السوق
رمت نفسها على الكنبه بتعب : افف يا لتعب رولي تعورين
نيال: كله منش ساعه تدور عشان فستان
جواهر الي كانت واقفه قدام المكيف : وهي صادق ساعه عشان فستان كان اخذتيه من البدايه واحنا ندور ثم رجعنا له
شموخ : اصه اصه متحسون ان شيخه وولدها مالهم حس
جواهر توجهت تنسدح على الفرشه: اتوقع بمجلس عند رجاها
نيال: عشان كذا ما جت معنى
-
بالمجلس عند شيخه وسالم
شيخه: سالم خلاص انا طفشت كل يوم قاطه علي كلام
جديد طفشتني
سالم: خلاص هدي وذي امي انا وش اسوي لها
شيخه بنرفزه: لا والله وانا راح اسكت ؟!!
سالم: ياشيخه ياحبيبتي ماله داعي والله ماله داعي
دامنا مبسوطين و مرتاحين وش نبي بالمشاكل اذا كبرت ترى مقدر اسوي شي لانها هي امي وانتِ زوجتي
شيخه: لا والله اسمع من الحين اعلمك ماراح ارجع معك الا اذا اعتذرت امك من كلامها
سالم بصدمه: وش؟!!
شيخه: زي ماسمعت مني راجعه معك الا اذا اعتذرت
سالم: شيوخ وش ذا الكلام بالله عليك بمسك امي اقول لها اعتذري لشيخه ؟!!!
شيخه: ايه عادي وش فيها مو عيب ولا حرام
سالم : لا ماني قايل لها
شيخه تنرفزت منه : اجل من رجعه معك اذا خلصت النفاس ،ولفت وجهها بعصبيه
سالم: وشعلينا من امي خليها تتكلم ماراح يأثر
شيخه بعصبيه : الا راح يأثر تعتذر ولا من راجعه
سالم وقف بعصبيه وقال بصراخ : مو انا الي يغصب امه عشان تعتذر كيفك لو ماتبين ترجعين بطقاق اهم شي ولدي واذا هذا الشي الصغير مزعلك انا مقدر ارضيك لانها امي امي مو اختي ذي امي وانا مقدر اغصبها ، وطلع
انصدمت شيخه من كلامه اول مره يكلمها بعصبيه مو متعوده عليه مسحت دمعتها ماتبها تنزل واخذ ولدها وتطلعت
-
ببيت عبدالعزيز
غزيل : ياعويض لا تنسى الالوان حقتي
عايض : يوووه منش ماراح انسى بكرا بجيبها لك
خزته غزيل: بكرا ملكتك
غمض عيونه بقوه: يوووه نسيت
سيف : جبت لك ثوب ؟!
عايض ابتسم: كل شي جاهز
العنود : عويض ترى هنا ماراح تشوفه بعد الملكه لازم بيوم الزواج
ضحك عايض: عادي اصلاً شايفها
انفجعت العنود من كلمته وصرخت : شلونن شايفها ياقلل الادب
عايض سكر افمها : اششش فضحتينا "قال لها السالفه"
تنهدت براحه: يوهه على بالي قلت انك قليل ادب وبعدين وش حقه تطالع ومددق بأصغر التفاصيل الورع
ضربها من كتفها بخفه : قومي قومي عن وجهي
-
ببيت حسين
جالسين بالحوش مجتمعين كعادتهم
الجد محمد: بكرا يبي يجي مطلق
حسين: خويك القديم يايبه؟!
الجد محمد ابتسم: ايه مب قديم ترى اعرف قبل اعرف نوره
عزام صغر عيونه: قصدك انك تعزه اكثر منا !!؟
الجد محمد ناظر فيه بسكوت ثم قال: اصه لا العب فيك
عزام قمط : امزه يالغالي وش دعوه شادها
الجد محمد اعطاه نضره : قم بس انت والعيال روحو للحلال واذا شفت شي ناقص ياويلكم
—
قصر آل فهد
مجتمعين بالحديقه
فهد : الليله تجهزون اغراضكم نمشي اذا خلصتو لان الحين مايمدي ما جهزتو
سلمان: وين نروح؟!!
توجهت اديم تجلس عند جدها: ايوه يا يبه ماقلت لنا
وشكلك فرحان للروحه يعني شي يعجبك
بتول: لا تكفى مب مخيم حر ماني رايحه
ضحك فهد عليها: لا مب مخيم نروح نزور خوي الطفوله
اديم: ماتتكلم عن طفولتك كثير ف مانعرف
فهد بحزن : هو فيه فرصه اتكلم معكم
اديم ضحكت: افا عليك كل يوم احنا عندك
فهد رفع نظره يطالع فيهم غمض من سلمان: شف جالسين عندي بس كذا وعيونكم بالجولات
رفع نظره سلمان ينزل الجوال: لا بس جتني رساله مهمه
اسلم كمل
سياف: يكمل وش بس قومو جهزو اغراضكم واذا خلصتو نمشي
اديم : بس بابا بروح السوق اشتري ملابس كل ملابس صارت قديمه
سياف بحزم: لا مافيه عندك كثير
فهد : عادي يابنتي اخر مره شافوك وانتِ صغيره
اديم عبست بوجهها : مابي مابي مابي اروح
وقف سلمان: عادي اجلسي مع مارينا والباقين
كشرت اديم : اسكت بابا ابي ملابس جديده ملابس قديه
سياف بحده: قلت لا عن الدلع
وقفت بعصبيه : ايه اذا قالو بنتك مو حلوه اعرف لا ماعندها ملابس ، وشمت تدخل
سياف حاول يمسك ضحكته لكن ماقدر: ماراح يقولون
بتول نزلت كاست الشاي: ياولي البنات دلوعات
لف عليها ابوها: عشتو انتِ اجل وش قومي جهزي
-
عند الحلال
سيف: الله طا حلال جدي
عزام: ايهه شرايك نجيب لك ناقه تشوفها
فز سيف بخوف : لا لا لا ماتفقنا على كذا
توجه عزام للشبك يطلع يفتحح للابل
توجه حسام ومعه اكلهم يمده ليسف : امسك شوي بروح اجيب اكلهم
سيف مد يده ياخذه من حسام ولف للشباب يعاينهم يضحكون عليه. قال بستغراب: خير وش فيه وراكم تضحكون
هزاع وهو يحاول يمسك الضحكه : لا ابد سلامت راسك
غيث وهو يأشر له: عاين وراك شف من فيه
لف يشوف النياق جايه له فز بخوف يلف يمين يسار خاف وتوتر مايعرف وش يسوي يبي مخرج لنه ماقدر من اجتمعت حوليه : تكفى عزام ساعدتي وصرخ بصوت عالي ساعدوني
ركض عزام له يطلعه من سمع صراخه : ليش ماسك اكلها ياغبي اذا ماتبها تجي
سيف : هذا اكلها ؟!!!
عزام قلب عيونه من غبائه : لا اكلك امش قدامي نرجع هذا وجه الس ياخذك ثاني مره
-
ببيت حسين
يجهزون للملكه بكرا
جواهر : ياحماس ذي السنه كل شوي ناس جديده
نيال: يعني اول وحيده
سلمى: ماعلينا ياخي ماتذكر شي عنهم
شموخ: خوي جدي اتوقع اسمه فهد وعنده ولد
جواهر : يعني راح نطفش اذا جو
شموخ: لا عنده احفاد ياخبله اتوقع بنتين وولد ومرته متوفيه
جواهر : ايهه تذكرتهم اتوقع اديم و سلمان وهذيك مدري وش اسمها اصغر وحده
نيال: ايه ايه ذيك العوبه كانت بس تضارب
وقفت سلمى: بسرعه خلصو شغلكم عشان تنامون بدري
وتصحون بدري سيووو
-
دخلت غرفة اختها تناديها لانهم تأخرو ناظرت فيها : بابا يقول ماتلبسين عباتك ذي
ناظرت فيها بصدمه: اجل وش البس ارح بدون عبايه؟!!!!
هزت راسها بانفي: البسي عبايه سودا بدون زينه او خياطه
لفت اديم بعضب تتوجه للدرج تطلع عبايه ثانيه اف وش فيه بابا كذا
بتول : اقول بس انزلي لا يعصب عليك هو ويبه
نزلت لهم بعد ماغيرت عبايتها ووقفت عن ابوها وجدها
سياف بستغراب من كثر الاغراض: وش ذي رايحين سنه حنا
اغراض من ؟!!
سلمان الي عينه بجواله : انا ليش شنطتين.
بتول : وانا ثنتين ، ناظر ل اديم يبهاها تتكلم
اديم عبست من عرفت ليه يسأل: انا لي اربعه
فهد : وش ذا يابنيتي وش اربع رايحن شهر احنا ترى كلها اسبوعين
اديم: يبه انا اغراضي كثيره و بتول تاخذ من اغراضي فعشان كذا اجيب كثير
سياف تنهد وحط يده على جبينه بتعب من البنت: يلا اركبو
ركب فهد قدام بجنب كرسي السأق و سلمان ركب بالثاني
لفت اديم لبتول تدفعها للسياره : يلا اركبي ابي عند الباب
بتول وقفت نفسها : خير خير انا اخر مره وكتب بالوسط اركبي انتِ الحين دورك
سياف بقلت حيله: يلا اركبو أخرتونا
اديم : بابا ليش سلمان ما ياخذ سيارت
سياف : احنا قليلين ليش سيارتين اركبو يلا .
فهد طفش منهن وفتح الباب ينزل معه عصاه بحده : يلا تركبون ولا كيف ، فزو البنات بخوف يركبون بسرعه ويسكرون الباب، ضحك عليهم وهو يركب : يلا كلكم حطو الحزام وتوكلو على الله ، وبدت رحلتهم للديره الي تبعد عنهم 3 الى 4 ساعات
لفت اديم للنافذه تشوف محطت القطار : بابا ليش مارحنا بالقطار
سياف: لا يابابا انتِ باديره مافيه محطة قطار
بوزت اديم ورجعت راسها بزعل : هم ماعنده شي اف
سلمان ب انزعاج : خلاص يا بنت ازعجتينا انتِ و اسألتك بتول ما سألت زيك
______________________________
رايكم ياحلوين؟!💜💜
أنت تقرأ
أنتِ الشموخ الزين وأنتِ مهابه
Diversosمن الشمال الى الجنوب بعد غياب سنين ارجع الى ديارنا الاولى الديار الي جمعتنا وانا كلي لهفه لحب طفولتي ........ -
