أنتِ الشموخ الزين وأنتِ مهابهـ..

Part 20

ناظرو سعود وعزام لبعض وضحكو عليه انه كيف منفس على سبب تافه عزام: اقول اقول انقلعع وقول وش صار على جورييي
سكت سعود بسرعه وناظر لبهاج
بهاج : امس سمعت ابوي وعم سعود انها خطبها واحد من الشرقيه
وانه من  اكبر التجار
رفع عزام حواجبه بذهول : حلووووو اجل مب لازم خوفك ياسعود
تنهد سعود  وهو ساكت صحيح فرحان لها بس حزين انه مايقدر يحضر زواجها
بهاج استغرب من سعود : هي سعود شفيك
سكت عزام من عرف ان سعود متضايق وناظر لبهاج بحده : مو كانك نانسي شي برا مثل لوحاتك و  الوانك قوم روح جيبهم ترى عيال الديره مره ملاقيف وانا بروح للبقاله اجيب بعض الاغراض للسهره
-
ببيت حسين
طلعت للحوش تلتقي ب سالم الي كان منزل راسه  ينتظرها توجهة تجلس بجانبه وهو ما اعطها ردت فعل الا انه رفع راسه ناظر فيها دقايق ثم نطق بصوت تعبان : شيخه
دق بقلبها الخوف من سمعة نبرت صوته ابتلعت ريقها بتوتر : هلا
سالم : مدري كيف ابدا او وش اسوي بس انتِ الي جبتيها لنفسك
وانا حاولت كثيرر وما اعتقد اني قصرت
رجعة خصلة شعرها لواء اذنها وهي خايفه: طيب
ناظر فيها ببردو : انت ماتبين ترجعين وكل ما اجيش ترفضن و ماودش بالقرب ... انا قررت اتزوج  دام امي تبي ما اقول لها لا
نزل كلامه نفس الصاعقه لها سالم الي يحبها ويموت فيها قرر يتزوج غيرها لمعت عيونها ونطقت وقلبها يتقطع : ليهه!
سالم بأنفعال : وليههه قلب يحبش ليهه في حقه قسيتي انتِ جبتيها لنفسش مو اناا انت الي عاندتي وماتبين  " سكتت يتنفس بقوه و وقف يعطيها ظهره" انا مو جاي اعاتب انا جاي اعلم بس واذا ودش بالرجعه ما اقول لا بس انا الزواج متزوج رجعتي ولا مارجعتي
طلع يتركها بطور الصدمه ،اغلقت عيونها وتركت دموعها تنزل
-
بغرفة الهنوف
مستلقي على السرير ويناظر للسقف بفراغ كبير بحياته بعد رحيل امه
غمض عيونه يتذكر كل تفاصيلها يتذكر حنانها وطيبتها هواشها لهم نصايحها ضحكها معهم وكيف كانت تحتويهم ،تنزل دموعه كل ماتذكرها ، كل يوم يحلم فيها كل يوم يشتاق لها كل يوم يتمنى انه يلحقها الحياه مافيها طعم بدونها صار انطوائي من بعدها مايتكلم كثير ولا يضحك ،فتح عيونه من صوت فتح الباب الي كانت نيال جايه وعيونها دموعع سكرت الباب وعوجهت تجلس على الكرسي ،عدل جلسته وناظر فيها ونطق : نيال ياروح اخوش ليش دموعش تنزل ؟!
ردت نيال بحزن: السبب الي نزل دموعك
وقف يتقدم ناحيتها يحضنها : نياليي مسحي دموعش ولا تبكينن وهذا قضاء وقدر مايصير نجزع لازم نصبر ندع لها بارحمه والمغفره واذا بكينا ماراح يغير شي. ياروحيي لاتبكين ولا تحزنين ياخيتي
ضحكت نيال بوسط دموعها كيف يحاول يواسيها وهو مو مواسي نفسه
نطقت : طيب و ابوي ؟!
كشر غيث من طاريه لكنه بين غير الي بداخله ونطق : والله مدري كيفك اذا تبين تروحين روحي وانا اقول نروح كم يوم ونشوف وقم نرجع انا ما اقوى على فراق جدي وجدتي وجدي يقول بكرا نروح مع ف قومي جهزي اغراضش وتجهزي اسبوع بسس
هزت راسها نبال بالاجابه مدت يدينها تمسح دموعها بشكل طفولي ثم وقفت تطلع من الغرفه ، وهو تنهد و اغلق لبات الغرفه ويطلع
-
بالصاله
شيخه الي تهوجس بـ كلام سالم وكيف اقنعته امه يتزوج وبيدها صقر النايم اما شموخ كانت تلعب مع فايز
ضحك فايز : عمه عمه تدرين ان خالييي هزاع يعرفش
ضحكت شموخ بستغراب : وشو؟!!!!
فايز : ايههه امس يوم نمنا عند خوالي انا رحت لهزاع انام عنده كان يسولف عنش ويقول انش حلوه هو شافش؟!!!!
شموخ بضحك : لا ماشافتي ، مدت يدينها تسحب فايز لها تحليه بجابنها : وش قال باظبط
فايز شبك يديه ويحاول يتذكر : ماعرف بس كان يقول انه يحبش
دق قلبها بفرح وابتسمت لا ارادين وهي تسمع لفايز فايز : ويقول انه راح يتزوجش وراح يخطبش بسسسس مدري
سكتت وهي تسمع دقات قلبها تتزايد حضنت فايز : احب نقال العلوم انا
كمل فايز : ايههه تدرين ان خالي عايض وضخخ ياخذ عمه سلمى معه للغرفهه
شموخ مسكت ضحكتها : ايييه سلومه وش تسوييي بعد
فايز : عمه سلمىىىىى تحب خالي من هنااا، اشر على خده
ضحكت شموخ بقوه: اخخخخخ تكفىىىىى
صحت شيخه من شرودها على صوت ضحك شموخ : وجععع وش ذا الضحك
رفعت انظارها شمـوخ على شيخه وهي مستغربه:وش فيش شيخه؟
ميلت شيخه شفايفها ونطق : مافيني شيء
شموخ عقدت حواجها بستغراب : وششش مضايقش؟!
صدت شيخه عنها تمسح دموعها الي نزلت بسرعه قبل تشوفها : ولا شيي ، دخلت ام سلطان الصاله تتوجه على طول تجلسي بجانب
شيخه وتناظر فيها : صدق الي سمعته؟!!!
رفعت شيخه عيونها لامها ومستغربه : وش سمعتي يا امي
ام سلطان بحده : سمعت كل شي بينش وبين سالم
سكتت شيخه ولا ردت عليها ، كملت ام سلطان بنفس الحده : الحين تشيلن اغراضش وترجعين بيت زوجش واذا هي تبي تزوج ولدها خليه تزوجه ماعلينا منها بس انتِ راح ترجعين وتقرينها وانا اعرف سالم مايصبر ويطلقها وقولي امي ماقالت
شيخه : بس يمه... قاطعتها امها بغضب : انا قلت قومي قومي بلا كلام وانتِ شموخ ساعديها ،وقفت وقبل ماتطلع لفت عليها : ساعه وانتي جاهزهه
-
طلعت للحوش الخلفي تشوفه جالس على العتبه وحاضن نفسه
رأفت بحاله كيف تغير بعد وفاة امه وصار شخص عصبي ومايضحك او يسولف نفس اول ولا صار يحارشها وطول وقته منعزل ولوحده
تقدمت نحوه تجلس بالقرب منه رفعت عيونها للسماء تناظر القمر ونطقت : لحد الحين متضايق؟
رد عليها بصوت مهزوز ومكتوم : مقدر مقدر اعيش بدونها
بلعت ريقها ماتعرف تواسي احد ولا قد جربت دايم تتهرب لكن بغير عن العاده نطقت : الموت حق وكلنا رايحين لهذا الطريق ماينفع تبكي عليها ينفع تتصدق عنها وتدعي لها بالرحمه انت لحين سند لـ نيـال خلك الاخ والام والاب لاتزعل ابد وهي راحت للي ارحم مني ومنك وصدقني لحين هي مرتاحه بس لاتزعل ارضى بقضاء ربي وقدره وتذكر ان عندك اخت وراك تحتاج قوتك وتحتاجك معاها
رفع راسه و وعيونه حمر من البكاء : وانا احتاج سند
حزنت عليه مره من شافت وجهه : كلنا لك سند
كان مستني احد يواسيه او حتى يسأله تعب وهو يكابر قدامهم انه مو متأثر تعب كثيررر وبدون ادراك منه اقترب منها ومد يدينه يحضنها بقوه ويبكي بحضنها كان يبي حضن يهدى فيه ويطلع كل طاقته
اما هي ارتجفت كل خليه بجسمها من قربه وكيف هو حاضنها توترت ماتعرف تبعده او تتركه لكنها كانت مدركه انه يحتاجج حنان يحتاج حضن ينسيه مدت يدها بتردد تمسح على ظهره بخفيف بعد دقايق حس على نفسه وابتعد بسرعه عنها ووقف وهو مصدوم وناقد على نفسه ودايخخ كيف تجراء وحضنها صد عنها ونطق : اسفف وتوجه بسرعه يطلعع من البيتت بكبره
-
عند حنان
رجعت للبيت بفرح اخيراً لقت بسكوتها الي تحبه بالبقاله
دخلت للداخل تغلق الباب خلفها وهي مستغربه من تعالي اصوات امها  وابوها نزلت الاغراض وتوجهة بسرعه لهم تفتح باب الغرفه : شفيكمم
التفت راشد من سمع صوتها ونطق : جيتي جيتي برجولك
عقدت حواجبها بستغراب : وش في... ما اكملة كلمتها الا وراشد سحبها من شعرها وبدا يضرب فيها : ياقليلت الادم انا تسوين فيني كذا وتكسرين ظهري وثقتي فيش ،اكمل بضربها ، اقتربت ساره تحاول تبعد راشد عن حنان: فكها فكها ياراشد فكها
ابعد ساره بعنف :مالش شغل هذا بيني وبين عديمة الشرف
سحب حنان ودفعها على الجدار ما ادى الى اصتدام  راسها بالجدار نزلت دموعها بخوف ماتعرف ليش هو كذا وحاولت تنطق : يبه ليش..
اسكتها كف منه وهو يتنفس بغضب : ماهقيتها منش ياحنان ، مد يده يسحب عقاله و يطيح فيها من كل مكان ضرب ، اما ساره واقف وماتعرف كيف تبعده عن البنت ،دخل عبدالله وانصدم من المنظر الي يشوفه وركض بسرعه يبعد ابوه عن حنان : اذكر الله اذكر الله يبه شفيك شفيك ؟!!! ، راشد حاول يفك من يدين عبدالله : ابعد ابعد خلني اعلم عديمة الشرف ذي طالع مع رجال غريب وعلمني واحد من الجماعه يافشلتنا من ذي البنت
اشتد بكاها من كلام ابوها وكيف صدق وحاولة تنطق بتعب من الضرب : ماسويت شيي يكذب يكذب يكذب
راشد بغضب : لا تكذبين الرجال شافش بعيونهه والله ما خليش والله ماخليش والله لا ازوجش مابتتركش ببيتي دقيقه ابعددد،
حاول يدفع عبدالله ويضربها لكن ماقدر نطق عبدالله بغضب : وانت تصدق هذا وما تثق ببتك حنان اطلعييي لا يذبحككك هذاا
وقفت حنان بسرعه تطلع للخارج قبل يلحقها ابوها
اما راشد دفع عبدالله للجدار ونطق : تحسبني ماعرف عن بلويك الي من ورانا رايح تس*كر وتشرب ممنوعات ترى ارف كل شيي
ضحك عبدالله بسخريه : ايههه تربيتك لو انك مهتم مكان صار
وسع عيونه راشد بغضب شديد ومد يده يمسك عبدالله من ياقته : عيد وش قلت ياكلب
عبدالله بحده : تربيتككككككك
ماقدر يمسك نفسه وضربه بوقس على وجهه بقوه وبدا يضربه يطلع كل الغضب عليه وساره الي تبكي وتتوسله يبعد عنه
-
ببيت حسين
عند شيخه وشموخ
شموخ الي كانت ترتب مع شيخه اغراضها : وش فيها ياعيني ارجعي عادي
شيخه نطقت بغصه: ايش عادي عادي ان يتزوج علي وانا دوبني جايبه ولد
تنهدت شموخ مب عارف لاختها ابد نطقت : بس انتِ الي ماتبينه صح ولا يعني لو يتزوج عليش حقه  وقلي دامي رجعت ماتتزوج علي ولا ابي الطلاق
شيخه : يصير خير بس خليني اجهز والله لا اطلع عيونه ماخليه يتهنى يقول ياليتني بقيتها عند اهلها
سكتت من رن جوالها كشرت من شافت اسمه : هذا هو يتصل اكيد برا بطلع الاغراض برا وهو يركبها السياره ،بعد ماطلعت الاغراض توجهة تلبس عبايتها وتاخذ صقر : قولي لامي اني رحت تمام
شموخ بوزت بزعل : افف بشتاق لكم مابقى الا جهير ام كشه
،وقفت تحضن شيخه: يلا مع السلامه وانتبهي لنفسش ولصقورر
ابتسمت شيخه : معليش صقور صقر ماينخاف عليه
شموخ ضربت شيخه بمزح : يلا يلا اطلعي سلومش برا
كشرت شيخه وتوجة تطلع من البيت وتفتح باب السياره بدون نفس وتركب، التفت سالم عليها من سكرت الباب : ساعه انتضر انا
ماردت عليه ضحك بخفه من عرف انها زعلانه : وين اغراضش
ردت بدون نفس : داخل عند الباب الشنط ثقيله مقدر اشيلهم
سالم حاول يمسك ضحكته :ابشري ،مد يده يفتح الباب و نزل يركب شناطها ، وشيخه كانت تناظر له من شباك السياره : وجع ويبتسم بعد
صدت من عرفت انه شافها ، بعد ما انتهى رجع يركب ويشغل السياره يمشون
~
نرجع لبيت عبدالعزيز
بعد ماغادرت شيخه وكل شخص لهي بشخغه
سمعت شموخ صوت الباب يطرق بقوه توجة تفتحه بستغراب و انصدمة من شافت حنان سحبتها دخلتها بسرعه : وش فيش بسم الله عليش
حنان تمسح دموعها نطقت بغصه : وين جديييي
اقتربت شموخ تمشك وجه حنان بكفوفها وتشوف عيونها الحمراء نطقت بخوف : حناني وش فيش ياعيوني
حنان ماقدرت تمسك نفسها وارتمت بحضن شموخ تنهار : ماسويت شي ماسويت شي
مدت بدينها تمسح على ظهرها ونطقت برفق : هذي ياروحي هدي وايش ماصار معش انا لش واهلش وكل شي تعالي معي داخل تغسلين وجهش وتروحين لجدي
حنان هزت راسها بالاجابه بهدوء ودخلت معهاها للداخل
مدت يدها تفك نقابها وكان وجهها مليان كدمات وجروح
تجمدت شموخ وناظرت لها بخوف و بعجز ماعرفت وش تقول وجهها كله كدمات ودم حاولت تمسك نفسها وتخفي خوفها ماتبي تحزنها اكثر
غسلت وجهها على الخفيف ثم التفت على شموخ : وين جدي عنده احد
شموخ كان ودها تسألها ليش وجهها كذا لكنها سكتت: بالمجلس وماعنده احد ، حنان نزلت راسها وتوجهت للمجلس
-
عند عزام وبهاج
كان يمشي وهو سرحان و باله مشغول صحى من ضربت بهاج : ورع شفيك سرحان فيك شي؟!
هز راسه بانفي : لا بس ضايق على سعود لازم نلاقي حل له
بهاج : يارجال راح نلقى راح نلقى بس انت لا تتضايق وتضيقني معك
طالبك يالوجه السموح ماعاد تتضايق مب زين عليك كم شهر وانا اشوفك ضايق خلاص عاد
عزام تنهد : عاد الهموم ورا بعض مقدر اسوي شي
بهاج ميل راسه يسكتت ثواني يفكر بشي يغير نفسيت عزام  رفع راسه ونطق : شرايك شرابك تروح لخيلك يفير نفسيتك اووووو او نروح ننزل للوادي الطالع نجلس ونعزم العيال كذا
أبتسم عزام بمحاولات بهاج لتغير مزاجه نطق : ابد بكرا ننزل للوادي الحين الليل وماتوقع نقدر ننزل
بهاج : ابد طال عمرك بكرا بكرا الحينه بروح للبيت تعرف الوالده تهاوش اذا تأخرنا تخاف علي
عزام : يلا استودعتك الله
-
بالطريق
كانو السكوت مقتحم ومابه غير صوت صقر الي يلعب بيدينه
حاطه راسها على النافذه بملل ناظرت للطريق واستغربت مب هذا طريق البيت واصلا هم طولو بالطريق سكتت شوي ودها تسأله سكتت شوي ثم نطقت : وين رايحين؟!
ناظر فيها بطرف عينه : ابها
عقدت حواجبها بستغراب : وليش نروح ابها؟!
ابتسم ابتسامه جانبيه : عشان اجيب تغريد
غمضت اعيونها بقهر يعني ماخذها عشان يجبيب الثانيه عليها
بنفسها تصرخ بقوه تطلع كل الي بداخلها
استغرب من سكوتها التفت يشوفها وبدا يضحك
فتحت عيونها على صوت ضحكه ونطقت بغيض : وش يضحكك
اخذ نفس من الضحك ونطق : اضحك عليش يعني مصدقه اني بترك قلبي
صدت عنه وهي قلبها محروق ولا فهمت قصده
سالم ابعد عن الخط ووقف على جنب والتفت عليها يمد يدين بمطك كفوفها : شيوخ حبي اسف اذا ضايقتش
بلعت ريقها بتعب وعيونها الي مليانه دموع نطقت بصوتها الحزين
: ليش طيب تسوي فيني كذا تتعب قلبي ليش ليش
سالم : و انتِ ليشش تتعبين قلبي واجلس اراكض وراش ومسويه تبين الطلاق ومو قادره تتحملين انتِ الي متعبتني انتِ الي توجعين قلبي
انتِ كل يوم ماتبيني تبين البعد قلبك يقوى على فراقي بس انا ما اقوى على فراقش هذا الفرق بيني وبينش انتِ مسترخصتني
وانا شاريش وابغاش  ادري انش مابتردين على كلامي كله بس ابيش توعديني ماتتركيني ثاني مره
ساكته تسمع  كلامه عنها وكله صح هي الي بعدت اول وحده هي الي اعلنت البعد مسحت دموعها بكم عبايتها ونطقت بصوتها المهزوز
: اسفه اسفه تكف... قاطعها وهو يتكلم : اصصص لا تبررين ادري ليش سويتي كل هذا وانا معش بس خلاص راح نبدا صفحه جدبده وننسى الي صار ياعيوني ، التفتو للخلف من بكاء صقر
اخذ نفس : شكله راح يصير خصمي
ضحكت شيخه بخفه : حبيبي صقوري سلوم جبه قدام عندي
تنهد سالم وهو ينزل يفك عنه الحزام ويجيبه قدام
-
ببيت حسين
بالمجلس انهى الجد صلاته التفت من حس بحركه تجمد بمكانه
من شا..
_________________________________
انتهى
رايكم بالاحداث وتوقعاتكم للي جاي ولاتنسون النجمه 💜✨