أنتِ الشموخ الزين وأنتِ مهابهـ..

Part 5

بسم الله
-
طلعت للحوش مافيها حيل تشيل المشروبات وتدخلهم
ابتسمت وهي تشوفه واقف معطيها ظهره  ضنت انه عزام نفس الوقفه و البنيه ونفس الطول  توجهت له
عقد حواجبه من سمع صوت كعب مامداه يطلع الا حس بضربه على كتفه من الخلف بخفه : ويي عزاموه جيب المشروبات جوا ،التفت يبي يهاوش يحسبها العنود نفس نعومت وبحة الصوت لف وقال : عنوده خير ما.. ،سكت
منصدم ويناظر فيهاما هي انصدمت توقعت انه عزام سكتت ثواني ثم همست : يشبه عزام ، حست على نفسها
وركضت للداخل تسكر الباب وراها تحط يدها على قلبها
: يلعن شكله ليه ماراح وهو واقف
شموخ الي كانت ماره من عند السيب سمعت كلمها لفت
عليها بستغراب : من هو ؟!!
فزت منها: بسم الله من وين طلعتي انت!!!
رفعت حاجبها: من المطبخ من وين يعني تعالي تعالي منهو الواقف يالكلبه ولا صرتي نفس خويتش هاه!!
طيرت عيونها من تفكير اختها: اعوذ بالله من تفكيرش المنحرف ، كملت بضحك لتبعد شكها : من يعني اكيد عزاموه الحيوان اقوله تعال ساعدني اشيل المشروبات ثقيله علي
قلدت طريقت هرجها: ثقيله عليى يلا تعالي انا اساعدش
مسويه نفسها باربي وهي ابو علي يلا قدامي
-
بعد ماحطو العشاء وخلصو. بدو الناس يطلعون يسرون بيتهم بدلو البنات الفساتين ولبسو بجايم واجتمعو لفقرت الحش ، حنان: ويييي ماشفتو رتيل تهبل يوم كبرت
شموخ : ايه بالله البنت علّة
غزيل: منهي رتيل؟!
حنان: كانت لابيه احمر مكشوف الظهر شعرها بني غامق
غزيل: اها والله انها حلوه
دخلت جواهر ونيال الغرفه جواهر رمت نفسها على السرير بقوه وقهر : يعع خثيث
ضحكت نيال: تضحكون انتِ و هو
ضحكت شموخ: وليه وش مسوي الفاغر
تكلمة بقهر : جايب صوصور وراميه علي الحيوان والله لا اوريه بردها له
ضحكت سلمى بقوه : اخخخ لو انا فيه وشايفه وجهش كيف تقلب اخخ بس ياخي والله احب غيث وخباله
غزيل شرقت بالماء و العنود رفعت حواجبها بصدمه
ضحكت سلمى بفشله على تفكيرهم: ياخي انتم اليوم وشفيه تفكيركم اول شي شموخ بعدين انتن ، كملت وهي تضربت كل وحده براسها بقوه: قصدي حب اخوي  معتبرته اخوي كلنا معتبرينه اخوي واخواني معتبرين نيال اختهم بس نتغطى من بعض فهمتن يالفاغرات
العنود: وش دراني عنك انا
غزيل: انصعقت لفتره
جواهر: اصلاً من يحبه هو وشنبه فايز ولد سلطان ارجل منه
نيال: عادي حبيبتي كثرتيها واهجدي كله صرصور
قامت جواهر : بروح انام واتخيل بعالمي الخيالي
نيال: انقلعي
العنود: اقول لكم حماس ابوي اشترى بيت هنا وبكرا يجون الباقي مع الاغراض ونسكن فيه
سلمى بفرح : الله قريب ولا ؟!
العنود : قريب حيل مو جنبكم الي جنبه
سلمى : كل يوم نشهر ونفله وحركات الللله حماس عاد هاه مو تطردوني من بيتكم اذا سيرت
غزيل : حياك البيت بيتك
شموخ: الله يعينكم كل يوم عند بابكم كان ماعندها بيت
-
بغرفة عزام
مجتمعين العيال
سيف الي راسه على رجول هزاع: اخخ بس يدي اوجعتني وانا شايل الدله واصب لفلان وعلان ل
حمد : ما عاينت شي اجل
عزام: اقول يلا اخمدو ولا اطردكم
سيف مان علينا ابنام على السرير
عزام: انا الي ارقد فيه شين وقوي عين تك مع العيال تحت
-
"صباح يوم جديد "
صحو البنات ب انزعاج على صوت المنبه
حنان رفعت راسها وهي تفرك عيونها : يووه وش ذا الازعاج طفووه
سلمى بنعاس : الي جوالها يطلع الصوت تتطفيه ولا والله ل اهبدها
غزيل قامت: خلاص طفو الصوت
سلمى: شوما طفي جوالش
شموخ: مو جوالي
سلمى بصراخ: اجل من جواله
العنود : خلاص بنات هدو
نيال: بس طفو الصوت يعع مزعج
غزيل لفت على جواهر الي لحد الحين نايمه وجوالها على الطاوله : اتوقع عرفت من جواله
سلمى: عز الله هي الحين اوريكم فيها، قامت ورفعت ثوبها شوي ونطت عليها : قومي
صرخت بأعلى صوت : بطني يا كلبه
سلمى: تستاهلين قوي طفي جوالش ازعجنا
جواهر فركت عيونها :طيب قومي عني تراني مب رجلش
قامت سلمى : مالت عليش
حنان: اقول بنات دامنا صاحين شرايكم نسوي نفطور وكذا
شموخ: قدام
غزيل رجعت تنسدح: والله انا بنام ماشبعت نوم
سلمى: قومو ماعلينا منها ذي الخماش تسهر باليل وتنام بالصبح
حنان: تتوقعين فيه احد صاحي اجيب شرشفي ولا!؟
سلمى : لا ماعليك محد صاحي كلهم راقد تعبانين من عزيمت امس اذا جدي ماقام تبينهم يقومون
نيال: انا بنام مالي خلق اقوم اطبخ
سلمى: يلا بسرع نروح وانتم انطمو ونامو
توجهو البنات للمطبخ يطلعون الاغراض
شموخ: شرايكم نسوي بانكيك
العنود : ايه و نحط فروله وتوت وحركات وقهوه
سلمى كشرت : وع قهوه على الفطور
حنان: لا يا خبله قصدها كابتشينو نسكافيه مو قوه عربيه
سلمى: فرقت كيفكم انا بسوي لي شاي
جواهر : يلعن ابو الخربطه بانكيك مع شاي
العنود: لهذي الدرجه ماتحبين القهوه اول مره اشوف انسان كذا
سلمى: ايه ماحبها مره
شموخ بضحك: حطي صبعش
سلمى ضربت كتفها: مسوي رومنسيات دزي بس
جواهر : الله يعين رجلش بس كل ماجا يدلعها تسفل فيه
سلمى: يعقب
شموخ: خلاص هرجتو بسرعه ننقسم انا و حنان نسوي البانكيك
جواهر : اجل انا والعنود نسوي الكوفي
سلمى بحزن : اجل انا اسوي الشاي لحالي خير!!!
شموخ : وش دخلنا انتي تبين تشربينه لحالش
العنود: نسوي مع بعض ولا تزعل
سلمى: انا افداش ايه هذي السنعه مو انتم
شموخ : عجلي عجلي
-
عند العيال.
صحو على صوت الخلاط و صوت البنات لانه عالي شوي
غيث : من جوعان
عزام: كلنا
حسام: شرايكم اجيب تميس وعدس ونجلس بالحوش مع الاجواء الحلوه
سيف: قدام وانا احي معك
حسام: يلا بقوم اغسل وجهي ونطلع
حمد : واحنا وش نسوي
عزام: نجهز الجلسه وشبت النار
~
طلعو العيال للحوش يضبطون جلستهم و يفرشون الفرش
غيث: بروح المطبخ اجيب شي اجله لاني جوعان
عزام: رحو يالدب
غيث : اسكت لنك خالي ولا ضربتك
-
عند البنات
شموخ: الله والله اننا فنانين
حنان: طعمه اكيد يجنن
دخل عليهم غيث : ياهي وش تسون
شموخ: شوي شوي مو على طول تدخل
غيث: المهم وش تسون
شموخ: فطور لنا وش تبي
غيث : جوعان ادور شي ابلعه سلوم وش تسوي؟!
سلمى: شاي لي تبي
غيث : ايه بالله شاي على الراس
سلمى: ابشر كم تعطي
غيث: اقول انقلعي وش اعطيش مفقر
ضحكت سلمى: امزه امزه عليك كيف الجو برا؟!
غيث جلس على الطاوله : حلو
سلمى:احل نطلع برا نحط الفطور ونروق
ضحك: لا ياعيني احنا برا مايمديكم
سلمى ضحكت: من انتم اخواني وعمي عادي
غيث :لا وعيال خالي وعبدالله ولد خالتي وين نسيتي !
سلمى بعبوس : ايههه صح اف منهم
جواهر : هي يالطيب اطلع برا وراك مطبطح
غيث: وش تبي انت جالس على قلبش
جواهر: انقلع انقلع برا يلا عيب تجلس عندنا
غيث قام : والله تو ادري انه عيب بس لعيونش الحلوه اطلع ،ضحك وطلع
جواهر رجعت للقهوه : مابغى الخكري يطلع
حنان بهمس : تصدقين احس انهم ليقين على بعض
شموخ بنفس الهمس: مو احساس هو صدق ليقين
سلمى: يلا خلص الفطور وين نحطه ؟
شموخ: اكيد بالحوش الجو يهبل
سلمى: وين غيث يقول العيال برا
شموخ: اجل داخل عادي بالصاله
دخلت ريم المطبخ : الله الله اشوفكم ساحبين على!!!
سلمى: ريم حبيبتي مانبي متزوجات بس سناقل
خزتها: والله بس سناقل نشوف ياسناقل بالمستقبل
ضحكت بقوه  : تخيلي اتزوج ويين
-
عند العيال
بعد ماجو حسام وسيف معهم التميس والعدس
بدو ياكلون
غيث: الحمدالله انه جاء والا كان مت من اليوع
عايض : انت ليه ماتاكل وتسد فمك راسي مصدع
غيث : خير ترى ماتكلمت كثير
عايض : ومن امس فجر اذان وهو بس يهبد اي كلمه بباله علي
حسام: من الي مسوي الشاهي ماصل
عزام: حمده سوته من غيره
حمد: لاوالله حمده  من متى مغير اسمي
غيث : الحمدالله اني ماشربت منه ولا تسممت
عايض: تصدق كنت بحط فيه سم عشان تموت ونفتك
عزام: خلاص ياورعان اهجدو
عايض: ترى اكبر منك
بعد ما الطرو وخلصو التها كل شخص بشي
-