أنتِ الشموخ الزين وأنتِ مهابهـ..

Part 18

تسريع الاحداث
بعد مرور اسبوع
باحد سكك لندن واقفين على الجسر تنهد بفرح وهو يتأملها وهي مبتسمه تعاين شروق الشمس نزل نظره لكفوفها الي ترتجف من البرد مد كفوفه يمسك كفوفها نطق: ياعيني تبين شاهي يدفيس
هزت راسها بالاجابه : اي ياروحي
توجهو لاحد الكافيهات ياخذون شاهي ويرجعون لمكانهم عند الجسر
سلمى: الجو يهول يقول لك ماترجع للجنوب
ابتسم عايض : ابد اذا ماودس بارجعه مانرجع وتونا باقي اسبوع
سلمى : رجعه ماودي ارجع لكن مشتاقه لاهلي وحشوني
ضحك عايض ومد يده يحضنها من كتفها : يلا عقبال تشتاقين لي
ناظرت فيه ببتسامه مليتنه استغراب: ليش ناوي تتركني ؟!!!
اقترب يقبل جبينها : عندس شك ؟!
هزت راسها بانفي ...
-
في ابها
بجناح عزام وسعود
سعود الي كان جالس يشرب شاهي ويناظر لعزام وهو محتاس وحوله الاوراق : الحين انت مب مسجلها وقبلو خلاص شفيك محتاس ؟!!
عزام: الا بس مابي ينقص اي شي
تنهد سعود: اجل حالتك صعبه قوم وخل عنك كل شي وهي برا تجي وتكمل الباقي اذا بقى شي اصلا
عزام رجع وسند ظهر على الاريكه : ايه والله اني تعبت ابي انام
سعود: اجل روح لغرفتك ارقد ساعتين قم نروح للاسطبل
-
دخل الشركه وهو مبتسم ويمشي مايعرف  اي شي هنا
التفت من سمع اسمه ، تقدم متعب ببتسامه: شرفتنا اكيد تيام بن عبدالعزيز
تيام رد الابتسامه: ايه نعم.. امرني
متعب : مايامر عليك ظالم الموظف الجديد قالي فهد عندك حياك اداك لمكتبك ، تيام هز راسه بالاجباته وتقدم يتبعه بالخطوات بصمت
كسر متعب : من وجهك واضح انك مو من هنا صح؟!
ضحك تيام: الا لكن ماعشت كثير هنا
متعب بتعجب : مو واضح عليك الا اقول ماشاءالله من يوم جيت صرت مدير قسم وانا اعرف فهد مايدخل على طول
تيام رفع حاجبه بستغراب : ليه مب قد الشغل يعني؟!!
ضحك متعب : فهمت غلط قصدي مو من عوايده اكيد يعرفك
تيام بشك: لحد الحين شاك لكن تقدر تقول
بعد دقائق وصلو لمكتبه ،متهب: مكتبك تفضل
دخل بالاول تيام ثم متعب وراه
تيام. يناظر للمكتب كبير نوع ما ومرتب ابتسم اخيرا تحقق جزء من حلمه ، قطع عليه تفكيره متعب : انت يا تيام مدير القسم ذا وراح يكون لك مساعد وان شاءالله ما تواجه مشكله واذا واجهت تعال لي اساعدك متكتبي فوق بالدور السابع
ابتسم تيام: ماشرفتني ؟!
متعب مد يده يصافحه : اخوك متعب بن تركي ال فيصل
تيام: والنعم
متعب : ماعليك زود ..يلا انا استأذن عندي شغل فمان الله ،طلع ليتركه
توجه تيام يجلس على الكرسي
-
بيت عبدالعزيز
مستلقي على سريره ويناظر للسقف بفراغ له يومين مايطلع من ولا يبي بشوف احد
دخلت على امه بهدوء تتوجه تجلس على طرف السرير : هزاع
مدك يدها تحركه شوي : هزاع يا امي ليش تسوي كذا انا ماقلت شي بس ابي مصلحتك
عدل نفسه يجلس ولف عليها: مصلحتي انك تدمريني؟!!
ام محمد: ياوليدي وش ذا الكلام يلا قوم وغسل وجهك وانزل تحت ابوك يبيك بموضوع،
هز راسه بالاجابه، ابتسم وطلعت تتركه لحاله
تنهد بعمق ياخذ نفس عميق ثم وقف يتوجه للمغسله يغسل وجهه
~
بعد دقايق نزل لهم ماكان فيه الا امه وابوه تحت
توجه يقبل راس ابوه ويجلس بجانبه : سم يالغالي
نزل عبدالعزيز فنجاله و ناظر فيه : سم الله عدوك شنوحك ياولدي
ماتجلس معنا وحابس نفسك فيك شي؟! "كمل بضحكه خفيفه"ولا عشان عويض !!
هز رايه بالنفي وابتسم : لا مافيني شي بس صداع خفيف وراح
عبدالعزيز : زين زين  ، من بعدها حل الصمت الطويللل ببنهم
رفع نظره عبدالعزيز يعاين هزاع بهدوء ثم نطق : هزاع يابوي
توتر هزاع من نظرات ابوه وحس ان فيه شي : امرني
أبتسم عبدالعزيز ابتسامه متصنعه : يقولون انك تنبي تخطب بنت خالتك
هزاع ناظر بسرعه لامه وهو ساكت بناظر فيها ولا نطق بحرف
عبدالعزيز: هاه هزيع؟!
غمض عيونه وتنهد بتعب  هز راسه بانفي : لا يابوي وانت تدري من بقلبي
ابتسم عبدالعزيز: اعرف اعرف
ناظرت اسماء ب عبدالعزيز وليش ضحك من قال لا وقف بسرعه و راحت تصعد الدرج وتتركهم
وهنا عرف هزاع ان امه الي قالت لابوه وغصبته يتكلم لكنه تحلى باصمت ،تنهد عبدالعزيز بقل حيله وجلس يستغفر ربه بهدوء
-
عند تيام
جالس بمكتبه بهدوء لحد الان ماجاه عمل سمع دق الباب ونطق: تفضل
دخلت ومعها ملفات واوراق كثير تحطها على مكتبه : استاذ تيام ذي الملفات والاولاق كلها
نزل نظره للاوراق و الملفات واخذهم يتصفحهم ثم نطق : تمام
لكن وش اسوي فيها دوبني ماعرف الشغل واستاذ متعب يقول ان فيه مساعد لي هو الي راح يعلمني واذا تعر،
قاطعته بسرعه وهي تقول : ايه ايه
تنرفز من مقاطعتها له مايحب احد يقاطعه ابد لكنه مسك اعصابه ونطق بهدوء: من هو  ؟!
بلعت ريقها بوقه من حست انه معصب وفركت بدينها بتوتر : انا المساعد..ه
بهدوء: طيب ماتحي تعلميني
هزت راسها بهدوه تتقدم تجلس على المقعد قدام مكتبه وبدت تعلمه
-
بالاسطبل
واقف بعيد يدورها بعيونه بين كل المتقدمين للتدريب ابتسم من شافها واقف مع هيام تتكلم معاها ، توجه لهم وكانت اديم معطيته ظهرها وتتكلم ،انتبهت له هيام وحاولت ماتخلي اديم تنتبه له: الا اديم كيف سجلتي وانتِ ماجيتي هنا ،
اديم :ايه هذا مدري شسمه دخلني ،هيام هزت راسها وهي مبتسمه
جا وقرب وجهه من عند كتفها وكان فيه مسافه شويه وهمس:اديم
فزت اديم بخوف وهيام ضحكت عليها ، لفت اديم وهي خايفه وشافت انه عزام هجدت : وجععع خوتفني  وبعدين خير شعرفك بأسمي ؟!!!
ضحك وابتعد شوي : بسم الله عليش وترى بنت آل فهد و تو هيام قالت اسمش يعني هدي
اديم قلبت عيونها : يلا بس متى نبدا بالتدريب ؟!!!
عزام: متى ماتبين نبدا بدينا اهم شي تكونين جاهزه
فزت اديم بفرح: يلا يلا الحين الحين
ابتسم عزام من فرحها : يلا ، توجهو الاثنين للخيول وبدا يعلمها على كل الاشياء
~
واقف بعيد يطالع لهم وكيف عزام يضحك ويتكلم معاها
تقدمت هيام بأتجاهه ومدت كوب الشاهي له : من زمان ماشفت عزام كذا ، اخذ منها الشاهي بهدوء ونطق : ايه الحمدالله رجع نفس اول
"كمل وهو يبي يقطع السالفه" الا اقول ماعندش شغل؟!!!
اردفت هيام: لا خلصو كل المتقدمين ووزعتهم ومافيه احد وانت؟!!
سعود: ماعندي احد ومالي نفس ادرب
عقدت حواجبها بستغراب : ليش وش فيك؟! بس
غمض عيونه وتنهد بعمق : خليني ساكت احسن لي
رفعت اكتافها : كيفك ما بغصبك تتكلم
التفت عليها سعود ونطق : وش صار مع ابوش؟!!
ناظرت للارض وبدت عيونها تجمع الدموع نطقت بصوت شبه باكي
: الحمدالله سدد الدين الي عليه
ناظر فيها بستغراب وليش نزلت دموعها: ايوه فيه تكمله صح؟!!
كمليي
بصوت مهزوز: مابه شي الحمدالله بس سدد دينه وانا فرحان ونزل دموعي
عرف انها تكذب نطق بهدوء : هيام اعرفش ترى قولي كيف سددد دينه ؟!!!!
بلعت ريقها تحاول تحدي نفسها : انا اعطيته مهري 
طارت عيونه بصدمه : كيفف!!!!
هزت راسها بحزن : انجبرت انجبرت مالي شغل انا
سكت سعود مايبي يحسسها بشي وكمل وهو يناظر لعزام
-
ببيت حسين
بغرفة شيخه
الهنوف: شيوخ خير لازم تروحين هو ماله شغل بأمه
شيخه بعناد: مابي امه اطفش منها مالي خلق لوجع الراس
شموخ: شيخه!!!!! حرام سالم ماسوى شي
التفتت تناظر لها: بس امه سوت كل شي وانا مابي
الهنوف بعصبيه: تبين اعلم ابوش ؟!!!!قولي تبين
شيخه: لا مابي وبعدين ذي حياتي انتم مالكم شغل فيها
جواهر بملل : ياخي كيفها ماتبي ترجع له خلها تطلق
شموخ كشرت لها: وجعع انقلعي تشجع
جواهر: ماقلت شي بس خلاص كيفها تسوي الي تسويه مالنا شغل فيها هي كبيره وتعرف وام بعد
وقفت الهنوف : صح على جواهر مالنا شغل فيها ،وتوجهت تطلع وتتركهم ،وققفو شموخ وجواهر و لحقو عمتهم
~
زفرت شيخه بملل واخذ صقر تنومه وبالها مع سالم كيف راح تتركه
وهل راح تقدر ولا اهلها راح يوقفونها
-
الساعه 12 ب لندن
طلعت اللبلكونه  تشوفه واقف و بيده  الدخان يدخن توجة له بسرعه تسحبه من يده وترميه من فوق ،صحيح انه عصب لكنه مسك اعصابه مايبي ينفجر عليها وسكت ينتظرها تبرر او تقول شي
سلمى : ليش تدخن !!!؟؟ مب قلنا تبطل انك تدخن وصار ؟!! قل شصار
تنهد وهو يناظر فيها : ما صار شي واتمنى انس تحترمين نفسس
وهذا شي شخصي مالس شغل فيه
عقدت حواجبها من كلامه ونطقت بعصبيه : احترم نفسي اجل خير عايض وش ذا الاسلوب مب قلت لك قبل اني مابيك تدخن وانك تتركه وش صار على كلامك هاه قل
صد عنها وهو يضعط على كفوفه يهدي عصبيته: مقدر حاولت و عجست مقدر اتركه خلاص اسكتي
مدت بدها تمسك كفه وعيونها تلمع : الا تقدر مع بعض نقدر وانا بساعدك بس انت قو نفسك اسبوع اسبوعين اتركه ولا تشتريه و تشوف كيف راح تتركه بس اعطني فرصه اساعدك هذا خراب وانت دكتور وتعرف اضراره
رفع نظره لها وكيف هي ثابته وعيونها تلمع حس بالندم و مد يده يمسك يدها الثانيه وسحبها لحضنه يمسح على ظهرها : اسفف يا نظر عيني اذا زعلتس ما كان قصدي
صدت وجهها عنه وماردت عليه
بلع ريقه بوهقه ومايعرف كيف يراضيها
-
رجع للبيت بعد غياب اربع ايام
وكل عاده متوقع امه واخته عند خواله وابوه طالع
دخل البيت وتوجه على طول لغرفته اول مادخلها دخلت وراه حنان
وسكرت الباب وراها
عبدالله: هاه شبغيتي جايه ؟
حنان: عبدالله ترى اعرف الي تخبيه
رفع حاجبه يدعي عدم معرفته : وش عرفتي ؟!!
اخذت نفس عميق ونطقت : عرفت انك متزوج بالسر
ناظر فيها ببرود : طيب؟!!!وش اسوي
انقهرت ر من ردت فعله : وايه الي علمني ابو هَتِيفْ الغبي
وقال انه يوم دخلت مع شريت اذا خسرتو يزوجك بنته وانت وافقت ياحقيرر لو تدري امي وش راح تسوي هاهه
توجه يستلقي على سريره وغمض عيونه: مابسوي شي الا اجيبها وتتعرفون علهيا
انصدمت منه وكيف بارد لذي الدرجه: ايههه وتتوقع امي راح تقبلها كذا هاه وراح ترضى؟!!!!
فتح عين وحده يناظر لها: واذا ماتبيها كيفها لا ترضى ماسويت شي حرام متزوج بالحلال
ضحكت حنان بسخريه: صدق
عبدالله : انتِ اصلا كيف عرفتي رقم ابو ناصر ؟!!!
حنان بكذب : اخذته من ناصر
انصدم : كيفففف!؟؟
~
فلاش باك
دخلت غرفة اخوها  تدور على شاحنها وعبدالله كان بدورة المياه يروش ، وبدت تفتح الدروج بشكل عشوائي
استغربت من سمعت صوت جوال عبدالله يدق تقدمت تاخذه تشوف من متصل وعقدت عواجبها من قرت الاسم  (هَتِيفْي💙)
وهنا ايقنت ان شكها صح لكنها تبي تتأكد نزلت جواله وبدت تفتش بالغرفه عن اي شي راح يوصلها للحقيبه حقيقة اخوها وبسرعه قبل مايطلع من الحمام لقت ورقه مكتوب عليها رقم ابو ناصر اخذتها بسرعه دخلها داخل جيبها وتطلع قبل مايشوفها وتتوجه لغرفتها
~
تدخل وتقفل الباب بالمفتاح وجلس على سريرها تفكر
: اتذكر ان ناصر عنده اخت اسمها هَتِيفْ بس يارب ماتكون هي
افففف لازم ارسل له واعرف وش مخبي عبدالله

انتهى الفلاش باك
-
ببيت حسين
كانت نايمه صحت من اتصال سالم اخذت جوالها ترد عليه : نعم
سالم : ياهلا بشيختي كيفش اليوم آن شاء الله بخير وصقير بعد
ردت ببرود : الحمدالله بخير كلنا
استغرب من طريقت كلامها : فيش شي؟!!
شيخه: لا مافيني شيي
تضايق من ردها له : زين شكلش مشغوله اكلمش بعدين
اغلقط الخط وهي تتنهد وبنفسها : اخخخ ياشويخ وش تسوين كل هذا عشان امه
-
بغرفة الهنوف
غيث كان جالس عند امه بس يطالع لها بصامت
استغربت الهنوف منه : غويث شفيك فيك شي؟!
هز راسه بالنفي : لا بس بجلس عندش
توجهة الهنوف تجلس بجانبه : اهرج اذا عندك شي واذا لا اطلع بنام
سكت غيث ثواني و بداخله احساس خايف من شي لكن مايعرف ايش هو نطق : لا بس ودي اجلس
ابتسمت الهنوف بفرح : وش صاير بالدنيا غويث يبي يجلس عندي
ابتسم غيث بهدو: والله مدري لكن تدرين اني احبش
الهنوف : ادري ادري ياعيوني انت
تنهد غيث مايحس براحه ابد انسدح يحط راسه على رجول
امه ،مدت يدها الهنوف تمسح على راسه : احسك مو مرتاح وبداخلك كلام كبيرر
غمض عيونه : الصدق معرف كيف اقول بس احس بشي ومو متطمن
الهنوف وهي حاسه بنفس احساسه لكن ماتبي تخوفه ردت عليه بحنانها الي متعود عليه : ما راح يصير شي انت بس ارتاح وريح راسك ولا تفكر بشي لا تتضايق من شي الدنيا قصير وماراح تدوم وما هاذي الا الحياة الدنيا  كل شي ماراح يدوم لك الا ربك حافظ على صلاتك بوقتها وعلى وردك من القران واذكارك لا تنساهم  وانتبه لاختك مالكم بالدنيا الا بعض لو يصير بينكم من هواش او مشاكل تبقى اختك ومالها بادنيا غيرك لا تخليها تحتاج احد او تدور على الحنان من احد كون لها الاب و الاخو و السند والصديق وعندكم جدكم الي ماراح يخليكم وجددتكم كلهم يحبونكم وخالك الي مثابت ابوك وعيال خالك مثابت اخوان لك وبنات خالك مثابت خواتك وعزام بعد مثابت اخوك الكبير هم عايلتك الثانيه واسمع كلام جدك وجدتك ولا تزعلهم والحين لا تزعل او تظلم احد ودعوت المظلوم مستجابه و لا تكذب كون صريح مو الصراحه الي تنفر الناس منك ولا الكذب الي بعد يخليهم ينفرون منك  واخر شي ابوك سامحه ادري انك شايل بخاطرك كثير عليه لكنه يبقى ابوك واذا احتجته راح يوقف بجنبك  واكيد عنده سبب لتصرفاته وانت انسان عاقل واعرف راح تسوي كل شي وصيتك فيه
استغرب غيث من وصاياها وليش تقولها الحين: ابشري بس وش جابها ببالش الحين؟!!!!
الهنوف: بس كذا اوصيك ماتدري وش راح يصير بالدنيا
-
يوم جديد
لندن عند عايض وسلمى
طلعو يفطرون بمطعم مطل على النهر
عايض : سلومتي لحد الحين زعلانه؟!!
صدت وجهها عنه وماردت عليه
اقرتب لها ومد يده يلف وجهها ناحيته : والله اسف ماكان قصدي
ابعدت يده ونطقت: انت من البدايه كذا كيف بالمستقبل اجل احترمي نفسش
تنهد بقل حيله مايعرف كيف يتصرف رفع نظره للنهر ونطق: يعني تتركيني من اول غلط صحيح اني اخطيت وانا عارف بس تكفين ما بكررها و ماضى وقت وعرفت كيف اتصرف معك اخاف اسوي اي شي وتزعلني و بانسبه للدخان حاولت اتركه قبل بس ماقويت و ابوي حاول معي بس ماقوى والمشكله ان هزاع صار نفسي والحين ندامن حيل بسببي هزاع صار يدخن كله بسببي ...سكت يحاول يمسك نفسه و
مايبكي هو سبب تدخين هزاع ما يبي يبين دموعه قدامها او يضعف
سكتت ثواني ثم نطقت بهدوء: ان شالله الله يهديك ويهديه وتتركونه
بس اوعدني انك ما تعيدها ثاني مره
ابستم عايض : اوعدس ما اعيدها و....قطع عليه كلامه مكالمه اخذ جواله يشوف من المتصل ويرد على ابوه
واما سلمى كملت اكلها بهدوء رفعت راسها بسرعه من صرخ بصوت عالي وهو مصدوم : وشووو من الي م......
_________________________________
نجمه تقدير لتعبي 💗
اتمنى تنال اعجابكم
وتوقعاتكم للاحداث الجايه ؟!! و ايش الاعصار الي جاي
وانتظروني تونا بدينا بالاعاصير