أنتِ الشموخ الزين وأنتِ مهابه

Part 36

-
جالس بسيارته قريب من بيت عمه يدخن ينتظر خروجهم من بيت عمه
يطول ب انتضاره لحد ما خرجو  من البيت وكل نضراته نحو عقيل  يتنفس بقهر
يرمي زقارته على الارض  يقف يتجه لبيت عمه يدخل من كان الباب مفتوح يشوف عمه جالس حاله نطق : السلام عليكم
رفع راسه حسين يبتسم : و عليكم السلام حياك حياك
تقدم هزاع يجلس ب القرب من عمه يضغط على يده بتفكير كيف يبدا ب كلامه
لاحظ حسين سكوت هزاع ينطق : هزيع عندك علم قل ؟
حك حاجبه بوهقه من ثم يمثل الجده ينطق : ياعم انا مابي الف و ادور وانت تعرف الماضي  ...... انا ابي بنتك شموخ بالحلال ،  ويشهد ربي مي خباثه او عشان عقيل  كانت عندي ظروف تمنعني مابي شموخ تروح لغيري تكفى ياعم
سكت حسين ياخذ نفس يرفع نظره ل هزاع ينطق بجديه : هزاع الراي الاول و الاخير للبنت و انت ماعليك قصور هي وافقت على عقيل اذا تبي اقول لها بقول ... انت مثل ولدي  و ابي سعادك لكن مير ما اخفيك منصدم انا على قرارا ، سكت يمسح وجهه ما يبي يطول بكلامه او يبين شعوره بعدم الرضا عن راي بنته ، ينطق بهدوء يوقد في هزاع التوتر و الخوف  : الله يكتب الي فيه خير ياهزاع ... بشاورها
عض شفته بقهر داخله هي الي وافقت بنفسها محد غصبها ، الان مابيده شي دامها راضيه و عمه راضي شد على قبضت ليكتم على غضبه ولا يبينه
، ابتسم بحزن ينطق بهدوء  : ان شاءالله خير
-
المساء
بعد ما خرج من بيت عمه بخذلان و قهر و غضب بداخله ، معقوله بتروح و تتركه وتضحية سلمان له هل بتروح بدون فائده خاب ضنه من توقع انها منجبره او تريده
هي الان اختارت غيره وتبيه ، شد على قبضت يده بقهر يغمض عيونه بشده
من ثم يفتحها يطيح نظره على عقيل يخرج من احد بيوت الديره ، بدون تفكير منه يتجه نحوه
-
ب خط السفر
كان بعد كل فتره ياخذ نظره لها يتفقدها يتوقع انها مو منتبه له لكنه انصدم من
نطقت جوزاء ضاحكه : شفيك كل ما خذت ناظرت
ابتسم بفشله يحك حاجبه ينطق : ودي اكلمش واشوفش مشغوله انتظر تخلصين
ابتسمت تعرف انها احرجته ، نزلت جوالها تضعه بحضنها من ثم ناظرت له تضع يدها على درج السياره الي بينهم ثم تسند وجهها تنطق : ايوه
عض شفته بضحكه على حركتها تنهد بهدو و بجديه ينطق : انا اسف ان سفرتنا بتتأخر ماكان ودي الصراح ادري يمكن متضايقه او زعلانه شوي لكن اعتذر جاني عمل مهم
هزت راسها بالاجابه مع انها متضايقه من الامر لكنها ابدا غير داخلها ،
تنطق : عادي مامن زعل وانا ماودي الصدق نبعد على طول ننظر احسن
هم مقصدها ، ينطق : الي يعجبك ، ابتسم بهدوء يُسر انه قدر يفتح معاها موضوع
قبل يبدا بكلامه قاطعه صوت جوالها ، اخذت جوالها بستغراب من ثم تبتسم
و ترد : هلا ماما ، تنهد بخيبه وهو الي كان ناوي يبدا معاها وياخذ ويعطي في السوالف
-
بيت حسين
وقفت امام المرآة بعد ما غسلت وجهها ب الماء البارد للان عيونها منتفخه وواضح عليها البكاء اخذت مرطب وجهها من ثم ربطت شعرها ترفعه للاعلى تدع بعض من شعرها
بشكل مرتب ، عبست بضيق من حالها و قلق اهلها عليها وخوفهم نطقت بهس : من هو عشان اعذب نفسي اذا يبي بنت خالته ياخذها ، اخذت قرار ب النسيان و ترك مشاعر الماضي خلفها وعدم الرجوع اليها مجدداً والتركيز على الحاضر ، اخذت مرطب الشفاه تضع القليل منه تبتسم بشكلها ، من ثم خرجت من غرفتها تزل للاسفل لتقابل حنان و جواهر امامها في الصاله تنطق : حنان وينش مختفيه ؟
ابتسمت حنان تنطق : انا ولا انتِ ؟؟
اتجهت تجلس ب القرب منهم تنطق : ابداً ... بس اخذنا راحه شوي ، التفتت تناظر لجواهر تنطق : ابي شاي
رفعت جواهر حاجبها تنطق : عشتوو ماتجي الا اذا حنان بوه ؟!! وبعدين اجلس لحالي
حنان : توش تحسين لان نيال مو فيه
خزتها جواهر تنطق : اسكتي بس مختفيه مع حساموه ناوين على شي
وسعت حنان عيونها بصدمه من فهمت كلامها تاخذ الكاسه ترميها
عليها بمزح : وجعع وجعع
ضحكت شموخ بخفه. ، تبتسم جواهر تنطق : ايوه ايوه كذا ياشيخه ابتسمي اضحكي موهب حلو العبس
شموخ : ابد ابد معليش راح الزعل
جواهر ناظرت حنان تنطق ب استفسار : الا حنانو متى الولد ؟
عضت شفتها شموخ بضحكك على جواهر
تعقد حاجبها حنان بعدم فهم تناظرهم ب استغراب تنطق : هاه ؟ مافهمت شفيكم؟
نطقت شموخ بضحكه : تقصد اسم ولدش وش؟ على ابوي ؟
اغمضت حنان عيونها ب احراج تنطق بحده : خيرر انتِ وهي جدول اناا؟!
ابتسمت شموخ تنطق : خلاص خلاص اسفين
-
"الديره "
وقف امام عقيل ونيران داخله تشتعل و هذي اخر محاولاته
استغرب عقيل نظرات هزاع له ينطق بستغراب : شفيك؟ ... سكت ثواني يتذكر ملامح وجهه ينطق مره اخر : انت الي تقرب ل حسين بيني وبينك شي؟؟
ضحك هزاع من وقاحة كلامه وكانه لا يراه شي وهذا مايجعله يثور اكثر ولا يبدا ب هدوء او تعامل جيد ، نطق بحده : ايه ... بيني وبينك موضوع
عقيل ضحك بصدمه و استغراب ينطق بكبر : بيينا ؟؟ وش الموضوع اخلص !
عض على شفته بقهر من زاد وقاحته يحاول يمسك اعصابه : بيننا شي واحدد شموخ
ابتعد عنها احسن لك تفك الخطوبه
عقيل هز راسه يمين وشمال يضحك من ثم ينطق : ومن انت عشان تأمرني ؟؟
اخذ نفس مايبي يتهور بشي ويجيب مصايب اخرى يشد على قبضت يده اكثر ينطق برص اسنانه : اسمعنيي مابي المشاكل ولا احداث بايخه ولا لها داعي ابعد ب الطيب احسن لك
عقيل حس ب القهر وكانه يهينه و يريده ان يمشي على كلامه ورايه ينطق ليزيده
قهر : تعقبب ولا اني فاكها لو تبيها صدق خطبتها من اول ب فعول رجال مو كلام فاضي لا يودي ولا يحبب
بلع ريقه بصدمه يستهين برجولة امامه ! وبهذا الشكل كشر بغضب يعتليه يصل معه الامر ل فك قبضت يده يقترب ليدفع عقيل على باب سيارته ينطق بحده وغضب
: احترم نفسك ولا تغلط لا ادمركك تسمعع لا تدخل الرجوله عشان ما تندمم وهو م ابيننا شي
عبس عقيل بألم لكنه حب يستفزه اكثر وهذا غلطه ينطق بسخريه : ماعندك رجوله تخسي و تعقب افكها وتراني شايفها وابيها وانا رجال وقدم كلامي مو زيك اراكض ورا الي يخطبونها
اتسعت عيونه بغضب كيف يوصفه هكذا و الادهى انه شافها شاف شموخ الي يتمناها شافها احد غيرهه!!! عض شفته وكانه لا يرا امامه الا عقيل بدون ما يحس بنفسه اشتغل ليعطيه اول لكمه لينهال بعدها ب عليه و كذالك عقيل من بعد ماسدد له هزاع يبتدي عراكهم القوي كل منهم لا يرحم الاخر ب الضرب.
-
خيمه سعود
مجتمعين الثلاث عند النار ، ينطق عزام الي كان مستلقي على الارض : الجو ذي الايام برد
بهاج الي كان مستلقي هو الاخر بجانب عزام : يبي لها شايي سعود ولا ياسعودي ؟
هز راسه سعود ب النفي ينطق : لا ي بهاجي قم انت سو كانكم ضيوف سعود قم سعود سر لنا على الارض كانكم حوامل
تأفف بهاج ملل ينطق : افف منك يا سعديه بس قول فين الشاي انا اسوي
سعود ببرود : مافيه خلص على بطونكم روح جب من البقاله
تافف للمره الثانيه يعدل نفسه لجلس امام سعود ينطق : ياليل منك
التفت على عزام يضربه من رجله ينطق : تخاوي
عزام : لا يارجال مالي خلق سعود روح معه
بهاج رفع حاجبه ينطق بشك : ايه نطلع وتكلمها عشتو لا انت تعال
عزام بملل : ياليلك وش انت زوجتي الثانيه وانا مدري انقلع عندي
وقف سعود ياخذ اغراضه وينطق : بهاج تعال تعال اترك هذا مايتحرك لو ويش
وقف بهاج يكشر بوجه عزام من ثم يصد عنه
ضحك عزام ينطق : ايه ايه زعل زعل الدلوع
-
بيت حسين
في غرفة جواهر
شموخ جالسه على السرير وبجانبها حنان اما جواهر على الارض تصب لهم شاي
تنطق جواهر : الله من زمان عن جمعتكم الحلوه
نطقت شموخ : ايه والله يازينكم ناقصنا سلمى ونيال
عبست جواهر تنطق : اص شوشو لا تزيدين المواج ترى متحمله الغيبه
ابتسمت حنان بخبث غمزة لها تنطق : غيبة نيال ولا غيوثث؟؟
رفعت حاجبها جواهر على صوت ضحك شموخ ، تنطق : الصدق غيث عنده فعاليات مو مثلكم
ابتسمت شموخ : ايه ايه ايه اسكتي بس
اخذت حنان جواله بعد ما وصلتها رساله من حسام تبتسم بهدوء ترد على رسالته
( انا عند البنات ) بعدها نزلت جوالها تكمل سوالفها مع البنات
-
في الرياض
عند نيال نزلت للاسف تشوف امل قد زينت الكعكه تنطق : يوه ليش ما انتظرتيني ؟
رفعت امل تناظر ل نيال تنطق : متأخره وتتكلمينن
ابتسمت نيال تنطق : ابد ابد ما تأخرت كلها ساعه
ضحكت امل بخفه تنطق : افف قليله ... اكملت ب اهتمام : اسمعي كيف حال غيث الحين ؟ متقبل الوضع؟
هزت راسها نيال ب الاجابه تنطق : الحمدالله ،
امل : ان شاءالله مايصير خلاف معه ، يلا نحط الكيكه لهم صار الليل وهم ما اكلو ،
اتجهت امل تخرج بعض الملاعق و الصحون ل ترتب وتنسق مع الكعك
نطقت نيال ب تسأل و فكر يدور ب تفكيرها : امول بسألش الحين من يجي هنا الصباح فيه الخادمه تقول فيه رجال مدري منهو
عقدت حاجبها امل بستغراب : اممممممم يمكن عزيز ولد مساعد ... يصير ولد عمك
هو و عقاب اخويا من صغرهم
نيال نطقت بتسرعه : ايوه لو بيت عمه مو يدخل على طول كان مافيه محارم داخل
ضحكت امل بستغراب : ليكون داخل عليكك ؟!
هزت راسها نيال بسرعه تنطق : لا لا لا كنت بخرج بس قالت لي الخادمه
ضحكت امل بخفه تنطق : اشوى... يلا يلا الكيكه
-
عند سعود و بهاج
طلعو من البقاله بعد اخذو كل مايحتاجون للخيمه ،
بهاج التفت يمين وشمال ثم نطق : تعال نروح من الطريق الثاني
سعود بستغراب : ياخذ وقت اطول وش تبي بوه
بهاج بعجل : عادي عادي حلو المشي ، سحب يد سعود معه مسرع للطري الاخر
ضحك سعود وكانه فهم بهاج ينطق : اسلمم من عندك ؟؟؟ ولا طايح يا بهيج
ابتسم بهاج بخفه يخفي داخله مشاعر كثيره ينطق : مافهمتك
سعود ضربه من كتفه ينطق : فاهم فاهم اعترفف