أنتِ الشموخ الزين وأنتِ مهابهـ..

Part 30

-
بالفندق عند عزام
اول مادخل غرته رمى شماغه يجلس على السرير وياخذ جواله يتصل
على سعود وماهي الا ثواني ياتيه صوت سعود : ارحب يالي ساحب علينا
ابتسم عزام : افااا وانا داق عليك اول واحد ابشرك افاااا
سعود : اسلم وش هي البشاره؟
عزام : بهاج عندك؟
سعود : ايهه
عزام: حط حط سبيكر ياولد
سعود : تمام ... وما اخذ ثواني يرجع ينطق : حطيتت
عزام ضحك بفرح ينطق بين ضحكاته: بهاجج سعودد خطبتتت و وافقتت بكرا الملكهه بكراااا الملكههه
صرخو الاثنين مع بعض بصوت عالي بفرحح
ياخذ بهاج الجوال ينطق :مبروكك مبروكك عزوميي عققبال ولدكك
سعود سحب الجوال من بهاج يضربه كتفه بخفه : انكتم
ضحك عزام بقوه على بهاج ينطق : امين امينن ياربب
سعود نطق بهدوء: مبروكك ان شاءالله نشوفك عروس
عزام : يبارك فيك يا عضيدي وعقبالك
سكت سعود بهدوء ماينطق بكلمه يسحب بهاج الجوال من يده ينطق : امين امين عقبالنا كلنا
ينطق عزام بهدوء: اسمع انت وهو بكرا ابيكم موجودين بالملكه زين!!
ضحك بهاج ينطق : ابشرر ارسل اللوكيشن و الوقت نكون قبل بساعتين
يلا يلا مع السلامه .....
~
اغلق الخط  يتنهد بملل من حال خويه ينطق بهمس : بتعرس بتعرس يابو سعود وتشوفف
بعدها اتصل على عبدالله بعد دقايق يوصله صوته النعاس : هلا عزامم
عزام : وينه بوه ؟
عبدالله: ابد توي صاحي ... اسلم شبغيت ؟
عزام : اولاً قبل اتكلم مافيه ماقدر اجي وتجيب الف عذر فاهم
ابتسم عبدالله ينطق : سمم بس وش العلم
عزام : بكرا ملكتي ولازم تحضر  فاهمم!!
توسعت عيون عبدالله بذهول ينطق : من متى وليش اخر من يعرف؟؟!
عزام نطق بسخريه : والله انت مانشوفك الا مره بالشهر مدري تتغلى ولا وراك بلى
عبدالله ضحك ينطق : ابداً اول الحاضرين  ان شاءالله ومبروكك ياحبيبي عقبال ما نشوف عيالك
ابتسم عزام ينطق : امينن امين وعقبال ما نشوفك عروس
عبدالله ضحك بورطه ينطق : على خير على خير ... توصي على شي حاجه؟
عزام : ابد سلامتك يلا ما اطول عليك جهز من الحين وحرك
عبدالله : ابشري ابشري مع السلامه
~
رفعت نظرها له من انها مكالمته تنطق : من؟
عبدالله نزل جواله ينطق : عزام بكرا ملكته ولازم احضر
نزلت نظرها  ترجع تستلقي على السرير ثم تنطق : الله يتمم له وانتبه للدرب
سكتت لثواني ينطق : ابيك معي
عقدت حاجبها بصدمه ترفع نظرها له تنطق : مايصيرر
مد يده يمسح على شعرها وينطق بهدوء : ليش مايصير يصير ياحبيبي تجين معي واخذ لنا فندق غير منها نتمشى وما ابعد عندك
ابتسمت تسند راسها على كتفه تمد كفوفها تمسك كفه : واذا اصرو تجي معهم
مابي اجلس لحالي مثل كل مره ، سكتت تتنهد بضيقه تغمض عيونها نفس كل مره يعودها او ياخذها بالنهايه يسحب عليها
عض على شفته بقهر لانها صادقه كل مره يتركها سحب يده من بيت كفوفها يمسح بها وجهه بتشتت ينطق : وذي المره ما بخليك... اوعدك
ابتسمت بهدوء تنطق : عبود لا تتعب نفسك انا اصلا مقدر اروح مع الحمل صعب
هز راسه بانفي ينطق ب اصرار : يلا عاد عن الدلع قومي جهزي شنطتك
واذا مافيك حيل انا اجهزها عندك
ابتسمت هَتِيفْ بخفه تنطق : اجل الله يقويك
-
بخيمة سعود
بعد ما اغلق عزام التفت بهاج على سعود ينطق : ورع شفيك طيب كان رديت
عليه
صد سعود عنه ينطق : غصيب يعني عادي وهو داري حسيت انه حزت بخاطره
هز راسه بهاج ينطق. : لا بس رد عليه  دارين ان مب بالك الزواج بس
لازم ترد
تنهد سعود بغضب ينطق : طيب الحين قوم تجهز عشان ما نتأخر عليه وتحز بخاطر جدد
-
"المول "
بعد اصرار نيال ان غيث ينزل ، وبعد دقايق من المحاولات وافق انه ينزل معهم
غيث : نص ساعه وارجع مالي خلق ادور معكم
نيال : ايهه معليك بنصير سريعين ، مدت يدها تمسك يد جواهر تسحبها معاها وتمشي بها بسرعه وخلفهم غيث
يدخلون اكثر من محل ويطلعون بيدين فاضيه مايلقون الي يناسبهم
~
بعد دقايق ب احد المحلات
رفعت نيال الفستان تنطق : شرايك فيه؟
رفعت نظراها جواهر للفستان تدقق فيه ثم تنطق : اللون حلو بس الموديل لا
كشرت نيال تنطق : الا ماعندك ذوق وين غيث بسأله
ضحكت جواهر بأستهزاء : اما اجل غيث عنده ذوق!! اعوذ بالله
نزلت نيال الفستان تطلع من المحل تتلفت تدور غيث ومن لحظته توجهت له
تنطق: غيث تعال بوريك فستان ، وما ان مدت يدها تمسك يده
غيث سحب يده بقوه منها تتوسع عيونه ينطق : انا تبين ادخل محل حريم تعقبينن
ضحكت نيال بستغراب من ردت فعله تنطق : غيث شفيك!!!
عقد حاجبه ينطق بحده : وش فيني اجل تبين ادخل محر نسوان وين المراجل انقلعي عن وجهيي يلا
ناظرت له نيال بصدمه من ردت فعله تعجز تخفي ضحكتها عليه
تضحك بقوه تنطق مابين ضحكاتها: خلاص خلاص مابي منك شي
ترجع للمحل عند جواهر وهي للان تضحك
التفت عليها جواهر تنطق بستغراب : وش فيك تضحكي ؟!!
مدت نيال كفها تمسح ب اطراف اصابعها دموعها الضاحكه : غيثث غيث يضحكك (بنت تقول لها الي صار)
وسعت عيونها جواهر بضحك : مو صاحي هذا غبيه ههههههههههه
هزت راسها نيال تنطق : ايههه غبيي الله يسعده
نيال : امشي ندور محل ثاني
طلعت جواهر خلفها نيال يتوجهون ل كذا محل و مايلقو الي يعجبهم
وبأثناء طلعهم من للمحلات ودخولهم
نطق غيث الي عينه على احد الفساتين المعروضه خارج للمحل : الاحمر حلو
التفتن نيال وجواهر عليه ، تنطق جواهر بسخريه : وين الي مايدخل محل نسوان
صد عنها يحك جبيه وينطق : مالك دخل
ابتسمت نيال تسحب جواهر : امشي امشي واضح المحل حلو
دخلو المحل وتوجة كل وحده بجه تدور لها عن فستان
~
جواهر
استوقفت بنص المحل من تذكرت الفستان الي اشار له غيث ،
ناظرت للموظفه تتقدم ناحيتها وتنطق : لو سمحتي
الموظفه : هلا
جواهر : بسألك الفستان المعروض برا المحل الاحمر موجود؟ ...لان دورته ومالقيته
سكتت الموظفه ثواني تتذكر ثم نطقت : ايوه ياقلبي اي مقاس تبين؟
ابتسمت جواهر بفرح تنطق : سمول ياروحي
توجهة الموظفة تطلع لها الفستان ثم تنطق : شي ثاني اخدمك فيه؟
جواهر اخذت منها الفستان تنطق : مشكوره ، ثم توجة للكاشير تحاسب
بعد ما انتهت التفتت على نيال المسرعه لها ترفع لها الفستان وتنطق : شرايك بهاذا حلو ؟ صح؟
جواهر هزت راسها بالاجابه تمد يدها تلمس الفستان وتنطق : يجنن حتى قماشه حلو
نيال خذت فستانها تحاسب عنه ثم تلتفت على جواهر : حاسبتي؟
جواهر أومأت براسها تنطق : يلا نطلع
-
بمول اخر
تطلعت من المول بعد ما اخذت كل شي تحتاجه والفرح تغمرها
ناظرت ل اختها تمنطق : دقيتي على السواق؟
هزت راسها بتول بالنفي تنطق : لا الحينه بدق عليه
كشرت اديم تتوجه تجلس على اقرب كرسي لها ثم تنطق : مشغلتي جاء السواق جاء السواق اخر شي ما دقيتي عليهه!!!
ضحكت بتول تقترب تجلس بجانبها : نسيت احسب اني دقيت عليه
سكتت اديم ما ترد عليها نزلت نظرها تاخذ جوالها من سمعت صوت رنينه
عقدت حاجبها بستغراب رقم غريب يتصل عليها ترددت بارد لين انتهى
وما ان رن مره اخره اخذت ترد تنطق : الوو
عقدت حاجبها من اتاها صوته الناطق : اديم، بكرا ملكتك صح؟؟
نطقت بحده : مابينا كلام
اغلقت الخط تنزل جوالها تدخله شنطتها ، بعدها تاخذ نفس عميق عكر مزاجها ب اتصاله ،
-
"الفجر الساعه 4"
وقف سيارته عند الفندق الي حجزوه ينزل ياخذ مفتاح الغرفه يطلع معه خادم الفندق يضع حقائبهم بالعربيه وياخذهم يطلعهم لغرفتهم
تقدم عبدالله يفتح باب هَتِيف ينطق : ليش ما نزلتي؟
ناظرت له تبتسم بتعب واضح عليها : مافيني انزل
ابتسم عبدالله يمد يده لها ينطق : يلا عند الدلع اساعدك
مسكت كفه بيدها يساعدها بالنزول بعدها تتمسك بذراعه تمشي بجانبه
ضحك عبدالله على تعابير وجهها ينطق : يازينك وانتِ حامل
دفعته بخفه تنطق : اسكتت بس
استوقف اول مادخل الفندق تتوسع عيونه بصدمه من شافهم عند الاستقبال
هَتِيفْ استغربت توقفه تلتفت عليه تهز يده تنطق : شفيك وقفت؟؟
شد على يدها يبلل شفايفه ب ارتباك ينطق : سعود وبهاج
عقدت حاجبها بعدم فهم له وليش ارتباكه تنطق : واذا؟
سحبها من ذراعها يطلعون خارج ينطق : هم اخويا عزام ويعرفوني
رفعت حاجبها بذهول تنطق : ابك يا لصدف ، ادخل قبلك بعدين انت تدخل بدون مايلاحظون
هز راسه بالنفي ينطق : كلها دقايق ويرحون معليه ننظر
وقفت بجانبه ينتظرون كم دقيقه بعدها يدخلون و يتوجهون لغرفتهم
-
الصباح الساعه 9
صحى على صوت اتصال يفز من سريره ياخذ جواله و يرد : هلووو
ضحك بهاج ينطق : هلوو يا معرسنا كيف المعنويات ؟
ابتسم عزام : عال العال متحمسس
بهاج : على هونك على هونك لا تتحمس ... الا انا وسعود وصلنا الفجر
ونمنا وتوي اصحى تجي عندنا و لا نروح للحلاق
عزام: الحمدالله على السلامه... بعدين انا عندي حلاقي الخاص امي هي الي تعرف لي ما اثق بغيرها بس اخلص اجي عندكم مع العيال
بهاج : الله يسلمك ... ربي يخليها لك خالتي نوره ياحبي لها
عزام نطق بحده : هييي امي خيرر!!
ضحك بهاج ينطق : اقولل يا دلوع انقلع وسلم لي على ام العريس خاله نونه
قفل عزام الخط بوجه يرمي جوال على السرير ينطق : وجعع الحيوان
التفت على غيث النايم تقدم ناحيته يمد يدينه يهز كتوف غيث بقوه  وينطق بصراخ : ورعععع ورععع اصحىىى اصحىى ملكة خالكك قوممم
صحى غيث مفجوع يبعده عنه ياخذ نفس بعدها يمد يده يمسح وجهه ويتطق : وجعع تونا الساعه 9
عزام اخذ المخده يرميها على غيث ينطق : مابه وقت مابه وقت قوم تجهز حلق تكشخ يمكن تخطب انت بعد يلااا
صد غيث عنه يستغفر ربه من ازعاجه ، وعزام ياخذ ملابسه ويدخل يتروش
-
ب جناح عبدالعزيز وعياله
كان  الاغلب نائمين الا غزيل و هزاع
~
جالسه غزيل بالصاله وقدامها كل شي يخص الماسكات من اغراض
اما هزاع كان يناظر جواله ومندمج مع مسلسله
رفعت غزيل عينها على هزاع تطري ببالها فكره تشتت بها افكاره وتربكه
اخذت جوالها تدخل على الاتصالات تتصل على شموخ
وما تاخذ ثواني ترد ، غزيل : هلوو شوشو شموخي صاحيه؟
ابتسمت شموخ تنطق : اكيد صاحيه وجالسه اخلط بالماسكات تعرفين لازم نطلع مزز
ضحكت غزيل تنطق : اوهه نفسي اهبد بالماسكات ... اسمعي
ضحكت شموخ : اوهه يالصدفف  اسمعك قولي
رفعت غزيل عيونها على هزاع الواضح من طريقة جلسته انه ما انتبه لها ولا سمع
ولكن الحقيقه ان هزاع من سمعها تنطق بأسمها وهو كل حواسه معاها الا النظر يحاول مايبين لها اهتمام مايبيها تلاحظه وتروح عنه مايدري انها تبيه يسمع
~
غزيل : نبي نفتح سبيكر ونسولف مع بعض واحنا نحط العائله الكريمه كلهم نايمين
ضحكت شموخ تنطق : تممم بس مالي شغل اذا سمعتي هوشه شي
غزيل : يلاا معليهه نزلت جوالها على الطاوله تفتح السبيكر ، يضل السكوت بينهم ثواني ، تكسر السكوت غزيل : شموخ
نطقت شموخ بروقان و غنج هي تحط الماسك على وجهها : لبيه
يوقف قلب هزاع من صوتها غمض عيونه بقوه ياصوتها الي دخل اعماق قلبه مع استهبالها و دلعها يرتخي بجلسته اخخ ياضيق خاطره هي من امه او من الصدف الي تشلع قلبه ياصوت صحى من غرقه على ضحكت غزيل الي لحظته لكن ماتبين له
غزيل : افففف انا ذبتت كيف غيري
شموخ تضحك بخفه  وللان تنطق بصوتها الأنوثي: تكفينن ههههههههههههه
ابتسمت غزيل تلتفت ل هزاع الي وقف يطلع من الجناح يدري انه اذا طول
بجيب العيد او انه يتهور ويكسر كلام امه ، وقف يسند ظهره على الجدار
ينطق بهمس : هو من صوتها وضحكتها ولا شكلها الي مازل ببالي ...وش سوت فيني
غمض عيونه بقوه يضرب رجله بالجدار ينطق : اعاهدك باللي خلقني ما اخليك
ونفسي ب غيرك ما تدور عوضها
-
نرجع لغزل انصدمت من طلعو هزاع ما توقعت ردت فعله هذي الي كان ببالها
انه بجلس ويسمع لكن حركته تحط تحتها الف احتمال
صحت على صوت شموخ الناطق : وجعع شفيك سجتي
ابتسمت غزيل : معليش اهوجسس
وتبدا سوالفهم الطبيعيه والضحك
-
المغرب
وقف قدام المرايه ياخذ كبك ثوبه يلبسه ببعدها ياخذ ساعته ويلبسها بيده اليسار بعدها غترته يعدله ويضبطه وينهي كشخته ب اغلى عطر عنده ودهن العود يضعه على اطراف رقبة ويدينه ينزله على الطاوله يبتسم ل شكله ينطق بهمس : والله اني مزيون ، طلع من غرفة يشوف امه بالصاله
تبتسم اول ما تشوفه يتجه لها بفرح وتنطق : ياهلا ياهلا بالعريس
اقترب لها يقبل جبينها ثم كفها ينطق : فديت ام العريس
ابتسمت له تاخذ المبخر تمد يدها الاخر ترفع فيها طرف غترته تدخل المبخر بكل الطرفين تنطق : تبخر ياعريس
ابتسم بخفه ينطق : ام العريس تخرت؟
هزت راسها بالاجابه تنطق : اكيد تبخرت يابوي
ابتعد عنها بعد ما تبخر ينطق : شرايك بس بالكشخه ؟
نزلت المبخره تنطق : مزيون ياولد ماعليها كلام
اببتسم يمد يدها يمسك كفها بخفه : لفي لفي
ضحكت بخفه ما ترفض له طلب دام اليوم ملكته تلف على نفسها بخفه
ضحك ينطق : اففف افففف مزيونهه مزيونهه شكل ناويه تشلعين قلب ابوي على نهاية عمره
وسعت عيونها بضحك تضرب كتفه بخفه : الله لايقوله
رفع حاجبه ينطق بسخريه : على ايش؟
مدت كفها تضرب خده بخفه تنطق : على نهاية عمره
ضحك بخفه ينطق : امين امين، قولي انك ما شبعتي منه !
التفتو من طلع الجد محمد يمشي بعصاته ينطق : هاه خلصتو
هز راسه عزام بالاجابه بعدها توجه له يقبل راسه ويده
ابتسم الجد محمد ينطق : الله يتمم لك على خير ياولدي
ابتسم ينطق : امين ، بعدها ابعد يصير بجانب ابوه ينطق : شوف شوف امي المزيونه صح صح؟؟!
ابتسم الجد محمد يرفع نظره لها ينطق : ايه ايه مزونهه
ضحك عزام يصفر بقوه ينطقق : اففف اففف كانكم انتم العرسانن الله لا يضركم
ضحك الجد محمد يضرب كتفه ينطق ب حده مصطنعه : ييلا عاد مشينا
هز راسه عزام بالاجابه ينطق : انا بطلع  وانتم اجلسو لحالكم شوي
عقد حاجبه الجد محمد ينطق بغضب : ولدد اذلف لا ...
وقبل ينهي كلامه طلع عزام يرض بضحك من جناحهم
-
بجناح حسين
كانت غزيل جايه عند شموخ لتضبط لها المكياج لانها ما تعرف واغلب البنات بغرفتها
-
ابتعدت شموخ عندها تنطق : خلصنا
اخذت غزيل المرايه تناظر نفسها تنطقق : يجننن مره حلووو، كفو يا شوشو
ابتسمت شموخ بخفه : كفوك يلا تأخرت بروح البس فستاني
اخذت فستانها تطق باب دورة المياه تنطق : اففف جواهر بسرعه اخلصي ساعه تلبسي
رفعت حنان نظرها لشموخ تنطق : حوبي انا بعد جواهر حاجزه
شموخ رفعت حاجبها بستغراب : ليهه هو حجز؟!! بعدين ليش جايه عندنا روحي لغرفتك البسي
كشرت حنان تنطق : افا شوشو فين الفزعه والنخوه تراني من هاربه من حسام مابي يشوفني
سكتو البنات ثواني تبدا شموخ بالضحك ويليها البنات
تنطق شموخ : حرام تحرمين اخوي من جمالش
تكمل نيال بضحك : شكلش شالعه قلبه
صدت حنان عنهم بقهر تنطق : تجهزو بس مالكم شغل فيني
~
فتحت الباب تطلع من دورة المياه
التفتو كلهم من طلعت من دورة المياه تلف حلو نفسها تنطق : شرايكم؟
شهقت نيال تضع يدها على فمها : هذا الي كان معروض!!
هزت راسها بالاجابه تضحك بخفه ، ابتسمت شموخ تدفعها بخفه عن الباب
تنطق : مره حلوهه ، بعدها تدل بسرعه قبل حنان
ناظرت جواهر بستغراب : شفيها ذي؟؟، صدت تناظر ل حنان تضحك
بخفه تنطق : اففف حنون ليش مارحتي لزوجش ؟؟
عضت شفتها تصد عن جواهر ب خجل ماترد عليها
توجهت تجلس بجانبها تمد كفوفها تقبص و جنتينها تنطق بضحك : ترى ماشفت شي شفيش خجلانه ، ادري ان اخوي قليل ادب
حنان ابعدت كفوف جواهر عنها تنطق : اص بس
تنطق جواهر : صيري زي سلموه من اعرست ماصارت تجينا كثير
، التفتت على غزيل تنطق : الا سلمى وينها مالها حس
رفعت غزيل اكتافها تنطق : ابداً مو كثير اشوفها
ابتسمت جواهر تضرب كتب حنان تنطق بحماس: شوفييي شوفي سلمى مو زيش تهرب من زوجها
حنان وسعت عيونا بصدمه تفز ل جواهر ضربها اكثر من ضربه تنطق : ايه ايه تزوجي بعدين تعالي كلميني
ضحكت جواهر بقوه تحاول تبعد حنان
طلعت شموخ بعد ما خلصت تناظر ل حنان وجواهر تنطق بسخريه : غبيات
، بعدها تنطق بحده : حنان بسرعه البسي بقول ل ابوي اننا خلصنا يلا
~
طلعت من الغرفه تتجه لوالدها لكن استوقفها صوت طرق باب الجناح
تقدمة ناحية الباب تنطق : مينن؟
وصلها صوته الناطق : افتحي افتحي
مدت يدها تفتح الباب تبتسم ، تنطق : ارحب ياعريس نورت نورت
دخل عزام الجناح يتقدم يسلم عليها : البقى البقى بنت اخوي
تبتسم تبعد عنه ترجع خلصات شعرها لورا ،
ابتسم ينطق : اف افف وش ذا الزيننن وش ذا الجمال شموخ الزينن
نطقت بثقه : شكرا شكرا مايحتاج
ضحك على ثقتها يمد كفه يضرب جبينها بخفه : يلا عودد خلصتو؟
مسكت مكان ضربته تنطق : يوجعع ... ايوه خلصنا
ناظرو للخلف من طلعت جواهر وخلفها نيال يركضون له من سمعو صوتهه
تقفز جواهر بحماس تمد يدينها تهز بكتوفه : معرس معرس معرس
يضخك بخفه يثبتها بمكانها ينطق : داري داري اني معرس بشويش
نطقت بحماس واضح من ملامحها : فرحانه فرحانه لك يا عويز
رفع حواجب بضحك ينطق : عويز مره وحده
تقدمت شموخ تبعدهم عن بعض تنطق : هي هي ابعدي عن عمي يلا
تخصرت جواهر تنطق : عشتوو يعني مو عمي معشش!!
شموخ هزت راسها بالنفي تنطق : ايوه بس بلا ميانه
كشرت بوجهها تنطق : وع عليش، (تكمل تقلدها بكلامها) عميي ياييييي !!!!
ضحك عزام يسكتوهم الثنتين يسحب نيال لحضه ينطق : يازين الهادين
مو مثلكم
تبتسم نيال تنطق تقلد نبرت شموخ : اوه خالو ههههههههههههه
ضحكت جواهر على تقلديها لشموخ الي توسع عيونها بقهر تنطق : افف الواحد ما يتدلع عندكم تصد عنهم تنطق : يلا بس كل وحده تلبس
-
تحت
نزل الكل وبدت فقرت توزيعهم على السيارات
واقف عند باب سيارته ماسك بيده زقارته يدخن بهدوء ينتظرهم ينتهون
رفع عينه على غزيل المتجه للسيارات و الاكيد شموخ الي تمشي بجانبها
كيف مايعرفها وهو صار اغلب وقته صدف معاها
عض شفته بقهر يرمي زقارته( دخان) على الارض يطفيها برجله يصد عنهم ويركب سيارته
~
لحظة غزيل صدوده واستغربت صدوده الاول بالصاله الصباح ولان من شافها صد مقول امهم قالت له شي يغير رايه بها او انه مل من زن امه ووافق
بدأت تراودها الافكار صحيح انها ما بتستفيد شي لكن مجرد ما انها تحظر قصة حب اخوها يغرمها شعور السعاده ولازم تعاونه
~
اما شموخ ماكانت اصلا ملاحظته ولا تنتبه لتصرافه من انها مشغول فكرها بملكة عزام وفرحه ، التفتت على غزيل تنطق : شرايش تجين معنا
ناظرتها غزيل تنطق : لا احراج
سحبتها شموخ ب اصرار بدون ما تسمع لها : يابنت حمودي الي يسوق عادي
صدت غزيل تحاول بها : لا لا ما اخذ راحتي... بعدين ماقلت ل ابوي
ضحكت شموخ تنطق : لا عاديي مثل اخوش مثل اخوش
تسحبها معاها لين ما وصلتها للسياره تلتفت تدور عمها بعيونها تنطق من لاحظته بصوت عاليي: عم عبدالعزيز غزيل بتجي معاناا
ناظر لها عبدالعزيز يرفع يده ب الاجابه ينطق بنفس علي نبرتها : تمام
ضحكت شموخ تدفع غزيل تركبها بالغصب
-
بالجهه الثانيه عيونه ما نزلت وكل سياره منهم يفتحها يدور حنينه
من الصباح ماشافها ولا شاف كشختها وقف بقهر ينطق بهمس خافتت: هاربه عني اوريها اذا رجعنا
-
سيارة حمد
الموجودين بها حمد ، جواهر، شموخ،نيال،غزيل
~
جالسه بالامام تهز رجلها بملل السياره هدوء لا سوالف ولا شي ناظرت  ل حمد نطقت : حمود شغل اي شي
هز راسه بالرفض بصفته انه مايحب يشغل شي واغلب وقته هدوء ينطق : لا
عبست جواهر تنطق :ياولد شغل شي ترى طفش ومطولين شوي بالطريق يلا تكفىى
سكت ثواني يفكر بعدها ينطق : اشغل بس بذوقي
ابتسمت تنطق : يلا نشوف ذوقك يا لهادي
سكت مايرد عليها ، يمد يده يفتح بلتوث السياره بعدها يشبك جواله تشتغل مباشره اغنية خالد عبدالرحمان
كشرت جواهر تنطق : تكفىىى لااا
تضحك نيال بخفه تنطق : ذوق شايب
رفع حاجبه ينطق : سيارتي وكيفي اسكتو
صدت جواهر تنطق : كمل كمل بس
-
قصر ال فهد
توجهت تجلس على الكرسي بقلق وتوتر شعور السعاده والفرحه داخلها
التفتت على اختها تنطق : شكلي حلو؟
نزلت بتول الصنيه على الطاوله تناظر لها وتبتسم تنطق : يابنت تجننين ، ذي اسألها عاديه ولا من التوتر؟
ابتسمت بهدوء تنطق : الصدق توتر على خوف
ضحكت بخفه يسكون من سمعو صوت الجرس تبتسم بضحك تنطق : اوهه وصلو يلا
اغمضت عينها بتوتر فضيع تحاول تهدي نفسها ونبضات قلبها
اخذت نفس عميق تنزل من الدرج تناظر لهم من فتحت شاندرا الباب
تتجه تسلم عليه من كانت الملكه عائليه فقط
-
عند الرجال
ابتسامته ما فارقت وجهه وكيف تفارقه وهو يوم ملكته يجلسه الجد فهد بصدر المجلس من فرحته فيهم
ينطق الجد فهد : الشيخ بيجي بعد نص ساعه
نزل عزام نظره للساعه الواشكه على التاسعه ،عقد حاجبه من عدم حظور سعود وبهاج للان
وقف يستأذن منهم بخرج للحديقه ، يرفع جواله يتصل على بهاج
يرد عليه بعد ثواني : الوو
نطق عزام بعصبيه : ولدد وينكم بجي الشيخ وانتم ماجيتو
ضحك بهاج على حماسه ينطق : هذا حنا بالطريق ياولد بس صارت مضاربات على العقال وانتهت
تنهد عزام براحه ينطق : يلا يلا استعجلو
بهاج : يلااا باقي دقايق بسسس
عزام : بوقف عند الباب انتظركم ...مع السلامه
قفل منه يدخل جواله بجيبه يتجه للباب ، يوقف بالشارع ينتظرهم
شد انتباهه شاب واقف بسيارته قريب من البيت يناظر له عقد حاجبه بستغراب وتسأل اكثر من نزل الشاب يتجه لعنده : السلام عليكم
عدل وقفته عزام يرد عليه : وعليكم السلام
نطق الشاب : بيت فهد؟
هز راسه عزام بالاجابه ينطق : هالله هالله بغيت شي ؟ ، وكان دخل بقلبه التوتر والقلق
ضحك يزن ينطق بخفه : اوههه كاشخ شكلك العريس
وسع عيونه بستغراب ...
-
ماطولت عليكم صح🤗🫣🫣؟