حب إجباري(نوفيلا)

الفصل الخامس

ظنت ندى أن آخر مآسي حياتها هي طلاقها
من فهد لتتفاجئ بخبر زواجه أيضا رغم
إكتشافها لعلاقته مع تلك الطبيبة الشابة
إلا أنها كانت تأمل على الاقل ان يراعي ظروفها
و ينتظر قليلا قبل أن يتزوجها ..

كانت في منزل عمها بعد أن ألحت عليها
كوثر ان تأتي و تحضر الأطفال بحجة أنها إشتاقت
إليهم  فمنذ يوم طلاقها من فهد لم ترهم و ندى
لم تغادر منزلها أيضا.....
فريدة كانت حاضرة و طبعا لم تكن لتفرط فرصة
مثل هذه حتى تسخر منها...

وجهت حديثها لوالدتها رغم أنها كانت تقصدها :
- ماما انا كنت عاوزة اروح أتليه سامح منصور
المصمم المشهور عشان أنقي فستان حلو
أحضر بيه الفرح... عاوزة أطلع من العروسة
رغم إن داه صعب جدا أصلها حلوة اوي
يا ماما... شبه لعبة الباربي متأكدة لو شفتيها
هتحبيها جدا.....

رمقت ندى زوجة عمها التي وجهت
نظرات حادة لإبنتها حتى ترحم المسكينة ندى و  تتوقف عن رمي سهامها الجارحة لكن فريدة
تجاهلتها و هي تكمل و هذه المرة إلتفتت نحو
ندى :
- بصي يا ندى إنت يمكن مش بحب تصرفاتك
و طريقة لبسك و شكلك و عنادك... بس صدقيني
انا مش وحشة للدرجة دي عشان أكرهك.. خصوصا
بعد ما عرفنا الحقيقة من فهد...إنت وقتها مشيتي
بعد ما رمى عليكي يمين الطلاق بس قعد و حكالنا
كل حاجة و إزاي كان بيعاملك... بس إنت
كمان غلطانة.. كان لازم تيجي و تحكي لماما على
الاقل و إحنا كنا لقينالك حل اكيد، بس إنت
عشان إنسانة سلبية سكتي و إتحملتي و داه
اكبر غلط ممكن الست تعمله لما جوزها
يسيئ معاملتها...فهد خلاكي تفقدي ثقتك في
نفسك تدريجيا و تهملي شكلك...بقيتي حاسة
إنك عايشة بس عشان ولادك و أديكي شايفة
اللي حصل الفجوة اللي بينكوا كبرت و النهاية
كانت متوقعة....

تدخلت كوثر لتشارك في الحوار و هي تحمل
يارا الصغيرة على ساقيها :
- إنت هتعملي فيها  دكتورة  نفسية على
مرات اخوكي يا فيري...

ضحكت فريدة و هي تتراجع بظهرها  إلى الخلف
قبل أن ترد عليها :
- طبعا يا ماما و الأقربون أولى بالمعروف...

لم تنتبه الاثنتان لإبتسامة ندى الباهتة
عندما أخطأت زوجة عمها و ونعتتها بزوجة
أخيها... المسكينة يبدو أنها لا زالت لا تصدق أن
إبنها قد طلقها...أزاحت هذه الفكرة الغير مهمة
من تفكيرها ثم هتفت :
- و أديكي عرفتي كل حاجة.. قوليلي
بقى على الحل ".

لوت فريدها ثغرها بسخرية ثم قالت :
- بعد إيه...ما خلاص كل حاجة إنتهت و تطلقتوا
مفيش قدامك دلوقتي غير حلين...

كوثر باستهزاء : قولي يا فالحة....انا بقالي اسبوع
بدور على طريقة عشان يرجعوا لبعض حتى إني
فكرت اعمل نفسي عيانة بس خايفة يعرف
الحقيقة و ساعتها هيزعل مننا..

حركت فريدة يدها قائلة :
- تؤ تؤ...دي حركة قديمة جدا و بقت مكشوفة
...و بعدين إنت عاوزاه لما يعرف يتهم ندى
إنها السبب..انا أسفة يا ندى بس اللي فهمته
من شخصية فهد إن جواه في كمية كره
و حقد كبيرة من ناحيتك  عشان إنت اللي
خليتي جدو يضغط عليه و يتجوزك غصب عنه
و فهد اخويا طول عمره بيرفض يعمل حاجة
غصب عنه المهم خلينا نرجع لموضوعنا انا قلتلك
دلوقتي في قدامك حلين إثنين... الأول تكملي
حياتك زي ما إنت كده... تروحي شغلك و ترجعي
البيت تهتمي بالعيال لغاية ما يكبرو و كل واحد
فيهم يشوف حياته و إنت تتقاعدي من الشغل
و تربي قطة و كلب عشان يونسوكي... رواية بقلمي ياسمين عزيز
و الحل الثاني هو إنت تتغيري..تعيشي حياتك
طبعا مش معنى داه إنك تسيبي شغلك او
تعملي أولادك بالعكس إنت هتجددي طاقة
الحياة اللي جواكي عشان تقدري تكملي...