حب إجباري(نوفيلا)

الفصل الثالث و العشرون

إنتفض معتز من مكانه و قد ارتسمت إبتسامة
عريضة على شفتيه بعد أن سمع تلك البشرى
من إيمي.. لقد كانت في قمة زهوها و هي
تحكي له كيف إستطاعت بسهولة إيقاع
ندى في الفخ اخيرا...
- عارفة يا إيمي لو الكلام داه حصل انا
هخلي فهد زي الخاتم في اصباعك ".

تهللت اسارير إيمي من الجهة الأخرى
لتهتف متسائلة :
- افهم من كده إنك خلاص قدرت
تلاقيلي حل...

معتز بخبث :
- طبعا ما إنت عارفاني مفيش حاجة
توقف قدامي...

أسرعت إيمي نحو باب الجناح لتفتحه
بسرعة حتى تتأكد من أن لا أحد يتنصت
عليها بعد أن إنتبهت لنفسها انها كانت
تصرخ ثم عادت لتجلس على طرف
الفراش حتى تركز مع خطة معتز الذي
كان يملي عليها ما يجب أن تفعله :
- بصي إنت لازم تعملي اي حاجة عشان
تخليه يجيلك...حطيله منوم، مخدر
مش مهم...المهم إنك لازم تحملي منه
في أسرع وقت و هو اكبد مش هيرمي
إبنه...إنت شفتي بعينك إزاي بقى
بيروح لندى و يطمن عليها كل شوية
رغم انه معملهاش زمان لما كانوا في
نفس البيت....

خللت إيمي أصابعها في خصلات شعرها
و هي تهتف بتردد : تفتكر هقدر اقنعه
أصله مش طايق حتى يبص في وشي
إنت مشفتوش إزاي بقى بيعاملني...

معتز بانزعاج من تذمرها الدائم :
- إعملي اي حاجة تصرفي..مثلي إنك
عيانة المهم لازم يجيلك الجناح و إن
لزم الأمر بوسي رجليه عشان يرجعلك
دي آخر فرصة عندك... إنت لازم تجيبي
منه بيبي هو داه الحل الوحيد عشان
يربطك بيه للأبد ....

إيمي و هي تهز رأسها بسخرية : كان قعد
مع ندى ماهو عندها ثلاث عيال بدل الواحد ".

معتز : إنت و ندى مش زي بعض فهد لو كان
تجوزها بإرادته مكانش فكر يطلقها أبدا بس
هو عشان جده اللي فرض عليه و هو شخصيته
متمردة مش بيحب حد يجبره على حاجة
و اديكي شفتي طلقها رغم انه كان عنده
منها عيال... بس انت تجوزك بإرادته فاستغلي
الفرصة و بلاش غباء أنا خليته ميطردكيش
بعد ما عرف حقيقتك بمعجرة عشان
قلتلك ممكن عيلته تشمت فيه لكن انا طبعا
مش ضامن بعدين هيحصل ايه.. ممكن يغير رأيه".

إيمي بضيق :
-طب و إنت مش ناوي تعرف
لندى... انا خلاص زهقت منها و مبقتش
عاوزاها هنا...

معتز باستمتاع : قريب اوي هقلها....

إيمي و هي تبتسم بخفة مقترحة عليه :
-طب إيه رأيك تكلمها بكرة...هي دلوقتي
بتكره فهد اوي و اكيد هتبقى عاوزة تطلع
من الفيلا عشان تنقد جنينها منه...و متنساش
فهد تجوزني بعد اسبوع من طلاقهم
فمش بعيد هي كمان تحب تنتقم منه بالطريقة
دي...مممم بس في مشكلة إنت لازم تستنى
شهور العدة بتاعتها و تقريبا كده مش هتقدر
تتجوزها غير بعد ما تولد...

إستقام معتز من مكانه هادرا بعنف :
- مين قالك كده...
إيمي :
- الدين و الشرع.. أنا ما بفهمش كثير
في المواضيع دي بس متهيألي انك مش
هتقدر تتجوز ندى غير لما تولد...