Human Nature is Evil ||Completed||

Hold Me Hold My Soul - 3

ဝမ်ရိပေါ်က ဘာအမှားများ လုပ်မိလို့လဲ? သူက ဒီအတိုင်း ရှောင်းကျန့်ကို ချိုမြိန်မှုလေး တကိုက်လောက် ပေးချင်ခဲ့ရုံ – Human Nature is Evil

___________________________________________

တဝက်တဲ့လား? စိတ်ပိုင်းဆိုင်ရာ ထိန်းချုပ်နိုင်မှုမှာ ပြီးပြည့်စုံအောင် အရည်အချင်းရှိတဲ့ ဂျေဒန်လို လူမျိုးတောင် ရှောင်းကျန့်ရဲ့စကားတွေကို ကြားပြီး ရှော့ခ်ရသွားခဲ့တယ်။

အပြန်လမ်းတလျှောက်မှာ သူ အကြာကြီး စဉ်းစားတယ်။ အထပ်ထပ်အခါခါ တွေဝေတွန့်ဆုတ်ပြီးတဲ့နောက် သူ မေးလိုက်တယ်။

"သူဌေး နန်ရှန်းပရောဂျက်ကို ရဖို့အတွက် အချိန်အကြာကြီး‌ လေလံဆွဲပြီးမှ ပရောဂျက်တခုလုံးကို ငါတို့ အရယူလိုက်နိုင်ခဲ့တာ။ ဒါ ရှန်းဟုန်ရဲ့ ဥက္ကဌနေရာကို မင်း ရပြီးနောက်ပိုင်း ပထမဆုံးသော အရွေ့အကြီးကြီးလေ။ အပြင်လူတိုင်းက မင်းကို စောင့်ကြည့်နေခဲ့တာ။ တဝက်မပြောနဲ့၊ point တခုစာလောက်တောင် မင်း ပြောင်းရွှေ့လို့ မရဘူး"

ရှောင်းကျန့်ဟာ ကားနောက်ခန်းမှာ နောက်ခုံကို မှီလို့ ထိုင်နေတယ်။ သူ့မျက်လုံးတွေကို မှိတ်ထားရင်း မျက်ခုံးအလယ်ကို ပွတ်သပ်လို့ ဖြည်းဖြည်းချင်း ပြောတယ်။

"မင်းက ငါ့ကို ဆရာလုပ်နေတာလား?"

ဂျေဒန်ရဲ့ မျက်လုံးတွေထဲမှာ စိုးရိမ်မှုတွေကို ခပ်ပါးပါး မြင်ရနိုင်တယ်။ ဒီပန်းချီကားက ရှောင်းကျန့်အတွက် ဘယ်လောက်အရေးကြီးတယ်ဆိုတာ သူ နားလည်တယ်။ ဒါပေမဲ့ ရှန်းဟုန်နဲ့ ရှောင်းကျန့်အတွက် နန်ရှန်းပရောဂျက်က ဘယ်လောက်အရေးကြီးတယ်ဆိုတာကိုလည်း သူ သိတယ်။

နန်ရှန်းဟာ ရှန်းဟုန်မှာ ရှောင်းကျန့်အတွက် ပထမဆုံးသော တိုက်ပွဲဖြစ်တယ်။ ဒါဟာ ဂိမ်းအစပဲ။ ရှန်းဟုန်မှာ ရှောင်းကျန့်ရဲ့ ရာထူး အမြဲတမ်း တည်မြဲနေမလားဆိုတာ အရမ်းအရေးကြီးတယ်။

"သူဌေး မင်း သေချာပြန်စဉ်းစားဖို့ ငါ အကြံပေးချင်တယ်"

"ဝမ်ရိပေါ် ဘာလိုချင်တယ်လို့ မင်းထင်လဲ?" , ရှောင်းကျန့်ကမေးတယ်။