သူတို့နှစ်ယောက်ရဲ့ ကံကြမ္မာဟာ သူတို့ရဲ့မိသားစုတွေကြောင့် နီးစပ်သလို ရှိခဲ့တယ်။ ဒါပေမဲ့ သူတို့ရဲ့ မိသားစုတွေကြောင့်ပဲ သူတို့ဟာ ကွဲပြားခြားနားမှုတွေနဲ့ အဖြစ်ဆိုးခဲ့ရတယ်။ — Human Nature is Evil
_____________________________________________
ဝမ်ရိပေါ် တည်းခိုတဲ့ဟိုတယ်က Rue Saint-Dominique နဲ့ သိပ်မဝေးဘူး။ မိနစ် ၂၀ အတွင်းလောက်ပဲ။ ဒေါက်ဒေါက်ဆိုတဲ့ အသံနှစ်ခုထွက်လာတယ်။ ရှည်သွယ်တဲ့ လက်ချောင်းတွေဟာ ကားမှန်တံခါးကို ခေါက်လာတာဖြစ်တယ်။
သူ အဝတ်အစားလည်း လဲထားတယ်။ ခပ်ပါးပါး အညိုရောင်ဆွယ်တာကို ဝတ်ထားပြီး သူ့ဆံပင်တွေက အခုမှ လျှော်ထားပုံရတယ်။ Hermes ရဲ့ လိမ္မော်ရောင် နွေဦးရနံ့ကို ခပ်ပါးပါး ရနေတယ်။
ကားထဲမှာ နေရာက နည်းနည်းကျပ်တယ်။ ဝမ်ရိပေါ် ဝင်လာတဲ့အခါ လန်းဆန်းတဲ့ရနံ့ကို ရှောင်းကျန့် ရလိုက်တာမို့ မျက်မှောင်ကြုတ်လိုက်မိတယ်။
သူလည်း အရင်တုန်းက အဲ့ဒီအစိမ်းရောင်ခေါင်းလျှော်ရည်ကို သုံးခဲ့တာပဲ။ အဲ့တော့ ဒီရနံ့ကို သူ အရမ်းရင်းနှီးတယ်။ အရင်တုန်းက သူ သုံးလိုက်တိုင်း သူ့ဆံပင်တွေက ခြောက်သွေ့ပြီး ဖွာသလို ခံစားရတဲ့အပြင် ရနံ့က အရမ်းနုလွန်းတာမို့ အကြိမ်ရေ အနည်းငယ်လောက် သုံးပြီးတာနဲ့ ဒီအတိုင်း ပစ်ချထားခဲ့တယ်။ လုံးဝ မသုံးဖြစ်တော့ဘူး။
သွေးညှီနံ့ကင်းမဲ့စွာ သေဆုံးနေတဲ့ ဒီလိုမြို့တော်မှာ ရှောင်းကျန့်ရဲ့ အယူသီးမှုဟာ ကိုယ့်ကိုကိုယ် အရမ်းငယ်ရွယ်အောင် လုပ်ခြင်းဖြစ်တယ်။ အနည်းဆုံးတော့ အခုမှ အာဏာကို ရယူနိုင်ခဲ့တဲ့ သူ့အနေနဲ့ ငယ်ရွယ်ခြင်းဆိုတာ သေချာပေါက် ကောင်းတဲ့အရာ မဟုတ်ဘူး။
စိတ်ချလို့ရတဲ့ သက်လတ်ပိုင်း လူကြီးတယောက်အဖြစ် သူ့ကို မြင်စေချင်တယ်။
ဝမ်ရိပေါ်ရဲ့ ခန္ဓာကိုယ်ဟာ ပါရီရဲ့ ဆောင်းဦးရာသီ အေးမြမှုတွေနဲ့အတူ ရှိနေတယ်။ မျက်နှာထောင့်စွန်းတွေ၊ အသွင်အပြင်တွေဟာ အေးစက်တဲ့မျက်နှာထားလို နှလုံးသားထဲထိ ထိုးဖောက်သွားတယ်။ နက်မှောင်တဲ့မျက်လုံးတွေက နက်ရှိုင်းတဲ့ချောက်ကမ်းပါးလိုပဲ။ အဆုံးအစမရှိ တုန်လှုပ်ခြောက်ချားဖို့ ကောင်းတယ်။ လေထုရဲ့ ခပ်ပါးပါး အေးစက်မှုနဲ့ ပေါင်းစပ်သွားတဲ့အခါ ပိုလို့တောင် အေးမြသွားသလို ခံစားရတယ်။
YOU ARE READING
Human Nature is Evil ||Completed||
Fanfiction"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
