"ဘာလဲဆိုတာ မသိချင်ဘူးလား?"
ဝမ်ရိပေါ်က ဖုန်းချလိုက်တယ်။ ရှောင်းကျန့်က ဘာမှတုံ့ပြန်မှုမပေးတဲ့အခါ သူ အနည်းငယ် အံ့ဩသွားတယ်။
ရှောင်းကျန့်က အုန်းနို့ကြက်သားကို တကိုက်ကိုက်ပြီး လက်ထဲကတူနဲ့ ကြက်သားတွေကို ဟိုဟိုဒီဒီ လိုက်ရွေးတယ်။ ကြည့်ရတာ သူ ဒီအုန်းနို့ကြက်သားနံ့ကို သိပ်မကြိုက်ဘူးထင်ပါတယ်။ အကြာကြီး တူနဲ့ထိုးရှာပေမဲ့ နောက်ဆုံးမှာ သူ့ပါးစပ်ထဲကို ကြက်သားမထည့်ဖြစ်လိုက်ဘူး။
"မသိချင်ဘူး"
ရှောင်းကျန့်က ဂရုမစိုက်သလိုပြောတယ်။ အဲ့ဒီနောက် သူ့အတွက် စွပ်ပြုတ်ပူပူတပွဲ ခပ်ထည့်တယ်။
ဝမ်ရိပေါ်ဟာ သူ့အရှေ့ကလူကို အဓိပ္ပါယ်ပါပါ ကြည့်နေမိတယ်။ တဖျတ်ဖျတ်လက်နေတဲ့ သူ့မျက်ဝန်းတွေထဲ ပြုံးရိပ်ယောင်လေး ပေါ်လာတယ်။ ရှောင်းကျန့်က ထူးခြားတယ်ဆိုတာကို သူ ဝန်ခံရမယ်။ ဒီလို ချောမောတဲ့မျက်နှာ၊ ခန့်မှန်းလို့မရတဲ့ စိတ်နေသဘောထား၊ ရှားပါးပြီး တွေ့ရခဲတဲ့ ကိုယ်ရည်ကိုယ်သွေး။
သူ့ရင်ခွင်ထဲကို ပစ်ဝင်လာခဲ့တဲ့ လူပေါင်းများစွာကို သူ ကြုံတွေ့ခဲ့ဖူးတယ်။ ယောက်ျားဖြစ်စေ၊ မိန်းမဖြစ်စေ၊ သူတို့အကုန်လုံး အတူတူပဲ။ သူတို့တင်ပါးကို ရောင်းစားတဲ့ကိစ္စလုပ်နေစဉ်အတွင်း သူတို့ကိုယ်သူတို့ တော်တတ်လှပကြောင်းကို ဂုဏ်ဖော်လေ့ရှိကြတယ်။ ရှောင်းကျန့်တယောက်တည်းကသာ ကွဲပြားခြားနားနေခဲ့တာဖြစ်တယ်။ "အချစ်" ဆိုတာနဲ့ ပတ်သက်ပြီး ရှောင်းကျန့်မှာ အတွေးလေးတစတောင် ရှိပုံမရသလို အတူတူအိပ်ပြီးရင် ဘာဆက်ဖြစ်မလဲဆိုတာကိုလည်း တွေးထားပုံမရဘူး။ စိတ်ဆန္ဒရဲ့အလိုကို လိုက်ခဲ့တဲ့ ရွေးချယ်မှုလေးတခုပဲ။ ဒါထက်မပိုဘူး။
ရှောင်းကျန့် အစကတည်းက ဘာလိုချင်တယ်ဆိုတာကို ဝမ်ရိပေါ် သိထားပြီးသားဆိုပေမဲ့ ရှောင်းကျန့်ရဲ့ ထူးချွန်လွန်းတဲ့ သရုပ်ဆောင်နိုင်မှု စွမ်းရည်နဲ့ ပတ်သက်လို့ သူ့မှာ သက်ပြင်းချရတဲ့ ခံစားချက်လေးတော့ ရှိနေတုန်းပဲ။ အိပ်ရာပေါ်မှာ လူကို စိတ်လှုပ်ရှားသွားစေနိုင်တဲ့၊ ရှောင်းကျန့်လို သဘောထားပွင့်လင်းတဲ့ သရုပ်ဆောင်မျိုး မတွေ့ဖူးခဲ့သလို စိတ်ဆန္ဒထက်ပိုပြီး ဘာမှလိုအပ်ဟန်မပြတဲ့သူကိုလည်း သူ မမြင်ဖူးခဲ့ဘူး။
YOU ARE READING
Human Nature is Evil ||Completed||
Fanfiction"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
