Human Nature is Evil ||Completed||

Hold Me Hold My Soul - 2

"ဝမ်ရိပေါ်ရဲ့ စိတ်ထဲမှာတော့ ရှောင်းကျန့်ဟာ မွေးကတည်းက ဗီလိန်ပဲ" - Human Nature is Evil

____________________________________________

ပါရီရဲ့ နေရောင်ခြည်က perfect ဖြစ်လွန်းတယ်။ Aution House ထဲကိုတောင် အလင်းရောင် ဖြန့်ဝင်နေတယ်။

Drouot Auction House ထဲမှာ လေလံခန်းမပေါင်း ၂၃ ခန်းရှိတယ်။ နှစ်စဉ်နှစ်တိုင်း များပြားလှစွာသော ခေါင်းစဉ်တွေအောက်မှာ လေလံပွဲပေါင်း ထောင်ပေါင်းများစွာ ကျင်းပလျက်ရှိတယ်။ Drouot Auction House အဖို့ ၁ နှစ်တာရဲ့ ၃၆၅ ရက်မှာ ၁ ရက်လုံး အားနေဖို့ဆိုတာ အရမ်းခက်ခဲတယ်။ ဒါပေမဲ့ ဒီနေ့မှာတော့ ခါတိုင်းထက် ပိုထူးခြားတယ်။ လေလံခန်းမကြီးတခုလုံး တိတ်ဆိတ်နေလျက်ရှိပြီး ကျန်တဲ့ ၂၂ ခန်းသော လေလံခန်းမတွေမှာ ဘာဝန်ဆောင်မှုမှ မရှိဘူး။ Aution House ကြီးတခုလုံးရဲ့ ဝန်ထမ်းတွေဟာ နာမည်အကြီးဆုံး မိသားစုတွေ စုဝေးရာ ထိပ်ဆုံးထပ်မှာရှိတဲ့ လေလံခန်းမတခုတည်းကိုသာ ဝန်ဆောင်မှုပေးနေတယ်။

လူတိုင်းနားလည်ထားတာက ဒီနေ့ လေလံခန်းမထဲမှာ ထိုင်နေတဲ့လူတွေဟာ ကမ္ဘာ့နာမည်ကြီး လေလံပစ္စည်းတွေထက် ပိုတန်ဖိုးကြီးတယ်ဆိုတာပဲ။

လေလံခန်းမရဲ့ တံခါးကို ရှောင်းကျန့် ဖွင့်လိုက်ချိန်မှာ လူထုအလယ်က ဆံပင်ရွှေဝါရောင်နဲ့ အမျိုးသမီးဟာ နံပတ်ပြားကို ကိုင်လို့ လေလံဆွဲနေတယ်။ နာမည်ကြီး ပန်းချီဆရာတယောက်ရဲ့ ဆီဆေးပန်းချီကားဖြစ်တယ်။ ဈေးအဖွင့်ကို ယူရို ၆ သိန်းနဲ့ ဖွင့်ခဲ့တာဆိုပေမဲ့ လေလံဆွဲအကြိမ်ရေ ဘယ်လောက်တောင် ရှိသွားပြီလဲမသိ၊ အခုချိန်မှာ ဈေးက ယူရို 2.8 million အထိ ရောက်နေတယ်။

ရှောင်းကျန့်ဟာ ခန်းမရဲ့ နောက်ဆုံးမှာ မတ်တပ်ရပ်လို့ ဟိုဟိုဒီဒီ ကြည့်လိုက်တယ်။ အဲ့ဒီနောက် Aution House က သတ်မှတ်ပေးထားတဲ့ သူ့နေရာကို အမြန်လျှောက်သွားလိုက်တယ်။

ရှောင်းမိသားစုက အရမ်းခွန်အားကြီးတာမို့ ပုံမှန်ဆိုရင် သူတို့လိုသလို အမိန့်ပေး စေခိုင်းလေ့ရှိတယ်။ ရှောင်းကျန့်ဟာ ကလေးဘဝကတည်းက လောကကြီးရဲ့ တန်ဖိုးကြီးအရာပေါင်းများစွာကို မြင်ဖူးလာခဲ့တယ်။ သူ့အိမ်မှာ ဒီအတိုင်း စားပွဲပေါ် တင်ချင်သလိုတင်ထားတဲ့ ကြွေပန်းအိုးတောင်မှ နာမည်ကြီးလက်ရာ တခုဖြစ်တယ်။ အဲ့တော့ သူက ဒီလိုပစ္စည်းမျိုးတွေနဲ့ ပတ်သက်ပြီး သိပ်စိတ်မဝင်စားဘူး။ အခုလို လေလံလာဆွဲဖို့ နေပါဦး၊ ဒီလိုအရာတွေနဲ့ ပတ်သက်ပြီး တဝက်လောက်တောင် စိတ်ဝင်စားခဲ့တာ မဟုတ်ဘူး။