Oops! This image does not follow our content guidelines. To continue publishing, please remove it or upload a different image.
အနီရောင်ကျူးလစ်တွေဟာ မိုးရွာထဲမှာ လေနဲ့အတူ ယိမ်းနွဲ့နေတယ်။ ဒီပန်းတွေရဲ့ ရှေ့မှောက်မှာပဲ ရှန်ကျန်းတမြို့လုံး အမှောင်ကျသွားခဲ့တယ်။ –– Human Nature is Evil
*
၂၀၂၀ ခုနှစ်ရဲ့ နွေရာသီ။ ရှောင်းကျန့်ဟာ ဝရန်တာမှာ မတ်တပ်ရပ်လို့ အစိမ်းရောင် တောင်တန်းတွေနဲ့ ရေလှိုင်းတွေကို ငေးကြည့်နေတယ်။ သူ့မျက်လုံးတွေ နီရဲနေတယ်။ သူ့ဖုန်းထဲမှာတော့ ရှန်ကျန်းမြို့တော်နေ ပြည်သူတွေကို ပို့တဲ့ သတိပေးစာတွေ ဝင်နေတယ်။
[ဒီနှစ်ရဲ့ ပထမဆုံးသော မုန်တိုင်း ဝင်ရောက်တော့မှာ ဖြစ်ပါတယ်။ အဝါရောင်အဆင့် သတိပေးချက်ရှိပြီး လိမ္မော်ရောင်အဆင့် သတိပေးချက်သို့ ရောက်ရှိသွားပါပြီ။ အားလုံးပဲ သတိပြုပြီး မုန်တိုင်းဒဏ် ကာကွယ်နိုင်တဲ့နေရာတွေမှာ နေကြပါ။]
မှုန်တေနေတဲ့ အကြည့်နဲ့ ရှောင်းကျန့် ကြည့်လိုက်တယ်။ သူ ဒီနေရာမှာ ရပ်နေတာ အကြာကြီး ရှိပြီ။ ဒါပေမဲ့ ဝမ်ရိပေါ်က အခုထိ ပြန်မလာသေးဘူး။
ဒါဟာ ဝမ်ရိပေါ်ရဲ့ အိမ်ဖြစ်ပြီး ရှန်ကျန်းက တာ့မေရှားရဲ့ တောင်တန်းတွေပေါ်မှာ တည်ရှိတယ်။ ဒီဗီလာအိမ်ဟာ ကြီးကျယ်ပြီး လင်းလက် တောက်ပနေတယ်။ ခေတ်သစ်လက်ရာဒီဇိုင်းတွေနဲ့ ဆောက်လုပ်ထားတာဖြစ်ပြီး ရိုးရှင်းတဲ့ စီးပွားရေးဆန်ဆန် ခံစားချက် ရစေတယ်။ ရှောင်းကျန့်ဟာ ဒီအိမ်မှာ တနှစ်လုံးနီးပါး နေခဲ့တယ်။
မုန်တိုင်းအဖြစ်သို့ မရောက်သေးတဲ့ တောင်တန်းပေါ်က ရွာနေတဲ့ မိုးကို လှမ်းကြည့်တယ်၊ ဟိုးအဝေးက ညို့မှိုင်းနေတဲ့ ပင်လယ်ပြင်ကို လှမ်းကြည့်တယ်။ တိတ်တိတ်ဆိတ်ဆိတ်နဲ့။
YOU ARE READING
Human Nature is Evil ||Completed||
Fanfiction"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
