ရှန်းဟုန်ရုံးချုပ်ရှိရာ ရှောင်းကျန့်ကို လိုက်ပို့ပေးတဲ့အချိန်မှာ မနက် ၈ နာရီ ထိုးနေပြီဖြစ်တယ်။ ဂျေဒန်နဲ့ အဖွဲ့သားတွေဟာ အဆောက်အဦးရှေ့မှာ ရပ်စောင့်နေကြတယ်။ ဝမ်ရိပေါ်ရဲ့ကားက ထောင့်ဘက်မှာ ရပ်သွားတယ်။ ဝမ်ရိပေါ်က ဂျေဒန်ကို တချက်ကြည့်ပြီးနောက် ရှောင်းကျန့်ကို မေးလိုက်တယ်။
"မင်း အိမ်ပြန်ပြီး ခဏလောက် မအိပ်တော့ဘူးလား?"
"မလိုဘူး။ အိပ်ရေးဝတယ်"
သူ ကားထဲမှာ ကြိုကြားကြိုကြား အိပ်ခဲ့တာလောက်ပဲဆိုပေမဲ့ ဒီလို အပိုင်းအစ အိပ်စက်ခြင်းတွေကပဲ သူ့အတွက် လုံလောက်ပြီဖြစ်တယ်။
"ငါတို့နောက်တခေါက် တွေ့ဖို့က ဘယ်တော့လောက် ဖြစ်မလဲ?"
ဝမ်ရိပေါ်က နောက်မှီပေါ် မှီချလိုက်ရင်း အေးဆေးတဲ့ပုံနဲ့ မေးတယ်။
ရှောင်းကျန့် ခဏလောက် တွေဝေသွားတယ်။
နောက်တခေါက် တွေ့ဖို့လား? သူ လုံးဝကို စဉ်းစားမထားခဲ့ဘူး။ သူနဲ့ ဝမ်ရိပေါ် ရှန်ကျန်းမှာ ပြန်မတွေ့ခင် သူတို့နှစ်ယောက်ဟာ နှစ်တော်တော်များများ တွေ့ဖြစ်ခဲ့ကြတာ မဟုတ်ဘူး။ အခု သူတို့ တွေ့ဖြစ်တာ အကြိမ်ရေ အနည်းငယ်ပဲ ရှိသေးတယ်။ ဒါပေမဲ့ အဲ့အနည်းငယ်အတွင်းမှာကို သူတို့ sex လုပ်ခဲ့ပြီးပြီ။ ရှောင်းကျန့်မှာ သူ့အတွေးတွေကို သေချာတောင် ရေရေရာရာ အစီအစဉ် မချရသေးဘူး။
သူ ဝမ်ရိပေါ်နဲ့ "နောက်ထပ်တွေ့ဖို့" ဆိုတာကို လုံးဝ စဉ်းစားမထားခဲ့ဘူး။ သူ ငယ်ငယ်ကတည်းက၊ သူ ပါရီမှာကတည်းက၊ သူ ဆေးခတ်ခံရပြီး ဝမ်ရိပေါ်ရဲ့ ဗီလာမှာ အိပ်ခဲ့ကတည်းက၊ ပြီးတော့ မနေ့ညက ဝမ်ရိပေါ်နဲ့ sex လုပ်ခဲ့တုန်းကတောင် သူ စဉ်းစားထားခဲ့တာ မဟုတ်ဘူး.....။
သူတို့နှစ်ယောက် နောက်ထပ်တွေ့ဖို့ဆိုတာ ကတိပေးလို့ ကောင်းတဲ့အရာ မဟုတ်ဘူး။ ရှောင်းကျန့်ရဲ့ စိတ်ထဲမှာ သူနဲ့ ဝမ်ရိပေါ်ဟာ ဒီနေရာမှာပဲ ရပ်တန့်လိုက်သင့်တယ်။ ရှေ့ဆက်တိုးရင် ပိုဆိုးရုံပဲ ရှိမယ်။
"အခြေအနေကြည့်တာပေါ့"
ရှောင်းကျန့်က အသံနိမ့်နိမ့်နဲ့ ခေါင်းရှောင်ချင်သလိုပြောတယ်။
YOU ARE READING
Human Nature is Evil ||Completed||
Fanfiction"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
