Oops! This image does not follow our content guidelines. To continue publishing, please remove it or upload a different image.
HNIE ဇာတ်လမ်းနဲ့ ပတ်သက်ပြီး Extra ရှိလာမှာ မဟုတ်ပါဘူး။ အခုလာမယ့်ဇာတ်ကြောင်းဟာ ကျမ ဖျက်ပစ်ခဲ့တဲ့ အပိုင်းတွေပါ။ အကြမ်းဖျဉ်း တည်းဖြတ်ပြီးနောက်မှာ တချို့ဇာတ်ကွက်တွေက မူရင်းဇာတ်လမ်းနဲ့ သိပ်မကိုက်ညီဘူးထင်လို့ ဖျက်ပစ်ခဲ့တာပါ။
HNIE ဇာတ်လမ်းထဲမှာ အခုလာမယ့်စာတွေဟာ ဇာတ်လမ်းရဲ့ ဇာတ်ကွက်တွေ မဟုတ်ပါဘူး။ ကျမ ဒါကိုတင်ပေးတာဟာ ဇာတ်လမ်းထဲမှာ ပါလာနိုင်ခဲ့ပေမဲ့ ဖျက်ပစ်ခဲ့တဲ့ ဇာတ်ကွက်တွေကို ရှင်တို့နဲ့ မျှဝေရုံသက်သက်ပါ။ တချို့သော သူငယ်ချင်းလေးတွေရဲ့ စိတ်ကိုလည်း ကျေနပ်နိုင်စေမယ်လို့ ထင်ပါတယ်။
ဒီစာကို ဒီအတိုင်း အချိန်ကျော်ဖြတ်ရုံသက်သက် သဘောထားပြီး ဖတ်လိုက်ပါ။ (ဇာတ်လမ်းကတော့ အပိုင်း ၂၈ (၃၁) မှာပဲ တိတိပပ ပြီးသွားခဲ့တာ ဖြစ်ပါတယ်။)
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
"မင်းလာမယ်လို့ ထင်မထားဘူး"
ဝမ်ရိပေါ်ဟာ တံတားလက်ရန်းပေါ် လက်တင်လို့ မှီချလိုက်တယ်။ တံတားအောက်မှာတော့ စီးဆင်းနေတဲ့ Seine မြစ်ရှိနေပြီး သူ့ခေါင်းအထက်မှာတော့ အီဖယ်မျှော်စင်ကြီး ရှိနေတယ်။
ပါရီရဲ့ညချမ်းဟာ အမြဲတမ်း တိတ်ဆိတ်ပြီး ငြိမ့်ညောင်းနေတယ်။ ငယ်ရွယ်တဲ့ ချစ်သူစုံတွဲတွေဟာ လက်ချင်းတွဲလို့ လမ်းလျှောက်နေကြတယ်။ သားရေဂျက်ကက် ဝတ်ထားတဲ့ ကောင်မလေးက ခေါင်းကိုမော့လို့ ဟန်ပါပါ လမ်းလျှောက်နေပြီး ရွှေရောင်ဆံပင်နဲ့ ကောင်လေးဟာ တံတားအောက်မှာ စက်ဘီးစီးနေတယ်။ သူ့စက်ဘီးကနေ ကလင်ကလင် ဘဲလ်တီးသံကို ကြားနေရပြီး ညနေခင်း လေပြည်အေးဟာ ရှောင်းကျန့်ရဲ့ ဆံပင်နုနုတွေကြား ခပ်ဖွဖွ တိုက်ခတ်သွားတယ်။ လေအဝေ့အောက်မှာ ဆံပင်တချို့က ဖွာသွားတာမို့ ဝမ်ရိပေါ်ဟာ မနေနိုင်စွာ သူ့လက်ကို မြှောက်လို့ ဆံပင်တွေကို သပ်ပေးဖို့ ပြင်လိုက်ပေမဲ့ ခဏတာ ရပ်တန့်သွားပြီးနောက် လက်ကို ပြန်ရုတ်လိုက်တယ်။
YOU ARE READING
Human Nature is Evil ||Completed||
Fanfic"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
