ဝမ်ရိပေါ်ရဲ့ ခန္ဓာကိုယ်အပူချိန်ဟာ သူ့လက်ဖဝါးရဲ့ နက်ရှိုင်းမှုအောက်က လာတယ်။ ရှောင်းကျန့် သူ့အရှေ့ကလူကို ကြည့်လိုက်တယ်။ သူ့စိတ်ထဲ ဝမ်ရိပေါ်က အဓိပ္ပါယ်မရှိတာတော့ ပြောနေသလိုပဲ။
သူဟာ ဒီကစားပွဲထဲမှာ ငယ်ငယ်ကတည်းက ပါဝင်လာခဲ့တာဖြစ်တယ်။ ပြီးတော့ ချမ်းသာတဲ့အိမ်က သခင်လေးတွေရဲ့ စိတ်သဘောထားကို သူ နားလည်တယ်။ အောင်မြင်ကျော်ကြားမှုနဲ့ ချမ်းသာကြွယ်ဝမှုကမ္ဘာရဲ့ ရှည်လျားတဲ့ အတက်အကျကာလတွေမှာ လူတော်တော်များများဟာ သူတို့ရဲ့ ခံစားချက်တွေကို ချုပ်တည်းထားတတ်ကြတယ်။ ခန္ဓာကိုယ်ရဲ့ လိုအပ်မှုကို ဖြေရှင်းဖို့ဖြစ်ဖြစ်၊ ဒါမှမဟုတ် စိတ်ပိုင်းဆိုင်ရာ သာယာမှုကို ကျေနပ်စေဖို့ဖြစ်ဖြစ်ပေါ့။ ဒါတွေအကုန်လုံးဟာ ငွေတွေ၊ အခွင့်အရေးတွေနဲ့ ဖြေရှင်းနိုင်တဲ့အရာတွေ ဖြစ်တယ်။
ငွေနဲ့ ဖြေရှင်းလို့ရတဲ့အရာတွေဟာ ခံစားချက်နဲ့စာရင် ပိုပြီးတော့ လွယ်ကူတယ်။
ရှောင်းကျန့်ရဲ့လက်ဟာ ဝမ်ရိပေါ်ရဲ့ ကျောရိုးတလျှောက်ကနေ ပခုံးညှပ်ရိုးရှိရာထိ ပွတ်သပ်တက်သွားတယ်။ ဝမ်ရိပေါ်ဟာ အဝတ်အစားဝတ်ထားရင် ပိန်တယ်ထင်ရပြီး အဝတ်အစားချွတ်ထားတဲ့အခါမျိုးတွေမှာ၊ အထူးသဖြင့် အမြဲတမ်း လေ့ကျင့်ခန်းလုပ်တတ်တဲ့အကျင့်ရှိတဲ့အခါ သူ့ကျောပြင်ကြွက်သားတွေက အရမ်းသန်မာတယ်။
ရှောင်းကျန့်စိတ်ထဲ စိတ်ဝင်စားဖို့ ကောင်းသလိုပဲ။ ငယ်ငယ်တုန်းက ဝဝတုတ်တုတ် ကလေးလေးက ဒီလိုလူကြီးတယောက်အဖြစ် ကြီးပြင်းလာလိမ့်မယ်လို့ သူ မထင်ထားခဲ့ဘူး။ အဲ့လိုဆိုရင်တောင် သူ့ဘက်က စကားအဖြစ်တော့ ပြောပေးရဦးမယ်မလား။
ကြီးပြင်းလာတယ်ဆိုတာဟာ ပျော်စရာကောင်းတဲ့ကိစ္စပါပဲ။
"မင်းစိတ်ထဲ ဒါကို ပျော်ဖို့ကောင်းတယ် ထင်နေတာလား?"
ရှောင်းကျန့်ရဲ့အသံက အရမ်းကို နူးညံ့တယ်။ သူ့ပုံစံက ဝမ်ရိပေါ်ကို ဂရုစိုက်ဖို့မပြောနဲ့၊ ဝမ်ရိပေါ်ရဲ့စကားတွေကိုတောင် လုံးဝ အတည်မယူသလိုမျိုး။
"မင်းတို့ ဝမ်မျိုးရိုးနဲ့လူတွေက ပုံမှန်မဟုတ်တာတွေကိုမှ လုပ်တတ်ကြတာလား? ပထမဆုံး မင်းအစ်မက သူများအိမ်ရဲ့ ကုတင်ပေါ်ကို ကုပ်ကပ်တက်ခဲ့တယ်။ အခု သူ့မောင်က Came out လုပ်တယ်။ မင်းတို့ဘိုးဘွားတွေသာ ဒါတွေကို သိရင် ဘယ်လိုနေကြမလဲပဲ"
YOU ARE READING
Human Nature is Evil ||Completed||
Fanfikce"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
