2019 ရဲ့ ဩဂုတ်လကုန်ပိုင်းမှာ ရှောင်းကျန့်ဟာ တာ့မေရှားတောင်တန်းတွေပေါ်က ဝမ်ရိပေါ်ရဲ့ ဗီလာရှိရာကို ပြောင်းရွှေ့သွားခဲ့တယ်။ စစပြောင်းတဲ့နေ့မှာ တာ့ဟွမ်ဟာ လမ်းတလျှောက်လုံး အမြီးကို ယမ်းခါလို့ စိတ်လှုပ်ရှားနေခဲ့တယ်။ ရှောင်းကျန့်မှာ နှုတ်ခမ်းထောင့်က ကော့တက်လာတဲ့အပြုံးကို ထိန်းချုပ်ရင်း တလက်လက်တောက်နေတဲ့ မျက်ဝန်းလေးတွေနဲ့အတူ တာ့ဟွမ်ရဲ့ခေါင်းကို ပွတ်သပ်လို့ ချော့မြူပေးနေခဲ့ရတယ်။
"တောထဲမှာ ကျားတွေရှိမှန်း သိရက်နဲ့ တောထဲကို သွားတယ်" ဆိုတဲ့စကားက အရမ်းကို မှန်တယ်။ ဝမ်ရိပေါ်ရဲ့ ချီးကျူးစကားတွေကြောင့် စိတ်လှုပ်ရှားပြီးနောက်မှာ ရှောင်းကျန့်ရဲ့ ပထမဆုံး တုံ့ပြန်မှုက : ကိစ္စမရှိပါဘူး။ ကောင်းချီးဖြစ်မလား၊ ဒုက္ခရောက်မလားဆိုတာ စမ်းကြည့်မှ သိရမှာပေါ့ဆိုပြီး။
နေရာသစ်ကို ရောက်တဲ့အခါ တာ့ဟွမ်ဟာ ရောက်ရောက်ချင်း ကားထဲက ခုန်ထွက်လို့ ဗီလာရဲ့ ခြံဝန်းထဲ ပတ်ပြေးတယ်။ သူ့မှာ ပျော်လွန်းလို့ ခြံဝန်းအနောက်ဘက်က ဝမ်ရိပေါ်ရဲ့ အနှစ်သက်ဆုံး ကျူးလစ်ပန်းတချို့ကို တက်နင်းမိသွားတယ်။
အနီရောင်ကျူးလစ်ပန်းတွေဟာ အေးစက်တဲ့မြေကြီးပေါ် ချက်ချင်းလဲကျသွားတယ်။ တာ့ဟွမ်ဟာ သူ အမှားလုပ်လိုက်မိပြီဆိုတာကို သိသလိုမျိုး ရုတ်ချည်း အေးခဲသွားခဲ့တယ်။ သူ့မျက်လုံးလေးတွေဟာ ဝမ်ရိပေါ်ကိုကြည့်ရင်း ကြောက်ကြောက်လန့်လန့် ရှိနေခဲ့တယ်။
ဝမ်ရိပေါ်က နေရာမှာ ရပ်လို့ ဘောင်းဘီအိတ်ထဲ လက်ထည့်ထားပြီး ပြုံးချင်တာကို ထိန်းထားတယ်။ ဘေးမှာ ရပ်နေတဲ့ရှောင်းကျန့်က ခေါင်းကို ခါလို့ တာ့ဟွမ်ရဲ့ခေါင်းကို ပွတ်ပေးလိုက်တယ်။
"ရပါတယ်။ ပန်းလေးတပွင့်နှစ်ပွင့်လောက်ပဲဟာ"
ရှောင်းကျန့်က မျက်လုံးကိုမော့လို့ ဝမ်ရိပေါ်ကို ကြည့်လိုက်ပြီး ကလေးတယောက်ကို ကာကွယ်ပေးသလိုမျိုး ပြောတယ်။
"ဟုတ်တယ်မလား?"
ပထမဆုံးနေ့ပဲ ရှိသေးတယ်။ ရှောင်းကျန့်ဟာ အိမ်ထဲမဝင်ရသေးခင်မှာပဲ ဝမ်ရိပေါ်အပေါ် သူ့ရဲ့ နိုင်စားလိုမှုကို ကြေညာလိုက်တယ်။
YOU ARE READING
Human Nature is Evil ||Completed||
Fanfiction"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
