Human Nature is Evil ||Completed||

Hold Me Hold My Soul - 7

ဝမ်ရိပေါ် တယောက်တည်းကသာ သူ့ရဲ့ နာကျင်မှုအစစ်အမှန်တွေကို ခံစားပေးနိုင်တဲ့သူဖြစ်တယ်။ သူတို့ရဲ့ ကံကြမ္မာ၊ သူတို့ရဲ့ ဘဝ၊ ပြီးတော့ အဆုံးမရှိတဲ့ ဒုက္ခတွေနဲ့ နာကျင်မှုတွေထဲ တယောက်ကိုတယောက် တန်ဖိုးထားရတဲ့ စိတ်ဝိဉာဉ်။

_____________________________________________

ဝမ်ရိပေါ်ဟာ ပုံမှန်ဆိုရင် ချီလုံရဲ့ ရုံးချုပ်နဲ့ မိနစ် ၂၀ လောက်သာ မောင်းရတဲ့ ဈေးပေါပေါတိုက်ခန်းမှာ နေတာဖြစ်တယ်။ ဧရိယာက 100 square meters ကျော်ကျော်ပဲ ကျယ်တယ်။ သူက သူနေတဲ့အိမ် ဘယ်လောက်ကြီးကျယ်ခမ်းနားလဲဆိုတဲ့အပေါ် ဘယ်တုန်းကမှ ဂရုစိုက်ခဲ့သူ မဟုတ်ဘူး။ သူ့နာမည်အောက်က စံအိမ်ကြီး တော်တော်များများဟာ ဒီအတိုင်း လူမနေဘဲ ပစ်ထားတာ များတယ်။ အလုပ်သွား၊ အလုပ်ပြန် အရမ်းဝေးလွန်းတယ်၊ အဆင်မပြေဘူးဆိုတဲ့ အကြောင်းပြချက် တခုတည်းကြောင့်နဲ့ပေါ့။

သူ့အနေနဲ့ အဲ့လို မနေထိုင်သင့်ဘူးလို့ လူဘယ်နှစ်ယောက်က ဘယ်လောက်ပဲ နားချနားချ၊ အဲ့လို ခမ်းနားကြီးကျယ်တဲ့ အိမ်ကြီးထဲမှာ သူတယောက်တည်း မနေချင်ဘူး။

ရှန်ကျန်းရဲ့ ဆောင်းရာသီညချမ်းက နည်းနည်းပိုအေးလာတယ်။ ဝမ်ရိပေါ်ရဲ့ကားက လျင်မြန်တဲ့အရှိန်နဲ့ မောင်းနှင်နေတယ်။ မနက် ၂ နာရီ ထိုးနေပြီမို့ လမ်းပေါ်မှာ ဘာကားမှ သိပ်မရှိဘူး။ မီးခိုးနက်ရောင် Audi RS7 ကားဟာ လမ်းမကျယ်ပေါ်မှာ အရှိန်မြှင့်မြှင့် မောင်းနှင်နေပြီး သူ့စိတ်ထဲမှာ ဒီကားက အရမ်းနှေးတယ်လို့ ထင်နေမိတယ်။

သူ ကုမ္ပဏီတံခါးဝကို ရောက်သွားတဲ့အချိန်မှာ 2:15 တောင် မရှိသေးဘူး။ သူ့လက်ထောက် Roy ဟာ တံခါးရှေ့မှာ သူ့ကို စောင့်နေတယ်။

ကားရပ်လိုက်တာနဲ့ တပြိုင်နက် ဝမ်ရိပေါ်ဟာ ကားပြတင်းမှန်ကို ချလို့ မေးလိုက်တယ်။

"အခြေအနေ ဘယ်လိုရှိလဲ?"

"ကျနော်တို့ CCTV ကင်မရာတွေ အကုန်လုံးကို စစ်ဆေးပြီးသွားပြီ။ မစ္စတာရှောင်းက ပွဲကနေ ထွက်သွားပေမဲ့ ဟိုတယ်ရဲ့ အဓိက တံခါးပေါက်ကနေ ထွက်သွားတာ မတွေ့ရဘူး။ ဒါပေမဲ့ အနောက်ဘက် တံခါးရဲ့ ကားပါကင်ထဲမှာ ရှောင်းမိသားစုရဲ့ ဒုတိယသခင်လေးနဲ့ စကား ခဏပြောနေတာကိုတော့ တွေ့ရတယ်။ အဲ့ဒီနောက် ရှောင်းဖင်က တယောက်တည်း ပွဲကို ပြန်လာတယ်။ CCTV က အဲ့နောက်ပိုင်း မတွေ့ရတော့ဘူး။ အဲ့နောက်ပိုင်း Record တွေအကုန်လုံး သံသယဝင်စရာကောင်းအောင် Hack ခံထားရပါတယ်"