ရှောင်းကျန့်ဟာ သူ့ဥယျာဉ်ထဲမှာ စိုက်ပျိုးထားတဲ့ ခပ်နွမ်းနွမ်း အနီရောင် ကျူးလစ်ပန်းလေး မဟုတ်ဘူး။ — Human Nature is Evil
_____________________________________________
"ရှောင်းကျန့် မင်းက တကယ် ဂေးလား?"
ဝမ်ရိပေါ်ရဲ့အသံက အရမ်းကို မှော်ဆန်လွန်းလို့ ရှောင်းကျန့်မှာ ခဏလောက် ဆွံ့အသွားခဲ့တယ်။ ဝမ်ရိပေါ်က သူ့ကို လှောင်ပြောင်ချင်နေတယ်ဆိုတာ သူ သိတယ်။ ဒါပေမဲ့ သူ့ရဲ့ ဦးနှောက်က ဒီစည်းချက်ကို မီအောင် မလိုက်နိုင်သလိုပဲ။ သူ့နှုတ်ကနေ အပြစ်တင်စကား တခွန်းတောင် ထွက်မလာနိုင်ဘူး။
သူ့နှုတ်ခမ်းထောင့်တွေဟာ ဒီလူရဲ့ လက်ချောင်းတွေနဲ့ ပွတ်သပ်ခြင်း ခံနေရတယ်။ အဲ့ဒီနေရာမှာ ထုံကျဉ်မှုတွေ ပေါက်ကွဲထွက်သွားတယ်။ ရှောင်းကျန့် ရုတ်တရက် အသိစိတ်ဝင်လာပြီးနောက် ဝမ်ရိပေါ်ရဲ့လက်ကောက်ဝတ်ကို ဆုပ်ကိုင်လိုက်တယ်။ သူ မျက်မှောင်ကြုတ်ထားတယ်။ သူ့မျက်ဝန်းတွေထဲမှာ ဒေါသတွေ အပြည့်ရှိနေပြီး သူ့နှုတ်က မပြောမပေမဲ့ ပြင်းထန်တဲ့ မကျေနပ်မှုကို ဖော်ပြထားတယ်။
သူ့ဘဝမှာ တခြားလူဆီကနေ ဒီလိုဆက်ဆံတာမျိုး ဘယ်တုန်းကမှ မခံခဲ့ရဘူး။
"မစ္စတာရှောင်းက ကျနော့်ကို ဘာလို့ အဲ့လိုကြည့်နေရတာလဲခင်ဗျ?"
ဝမ်ရိပေါ်က သူ့ကို ကြည့်နေတယ်။ သူ့မျက်နှာပေါ်မှာ အပြုံးတခုလို့ ပြောလို့မရတဲ့ အပြုံးတခု ရှိနေတယ်။ သူ့မျက်နှာပေါ်မှာ အေးစက်ပြီး မာတင်းတဲ့အကြည့်မျိုး ရှိနေဆဲဖြစ်ပြီး ဖိနှိပ်မှုအား ပြင်းထန်တဲ့ ခံစားချက်လည်း ရှိနေတယ်။ တော်သေးတာက သူတို့နှစ်ယောက်လုံးက နှစ်ယောက် ညီတူပဲမို့ ရှောင်းကျန့်က အရမ်းကြီး ရှုံးနိမ့်နေတာမျိုးတော့ မဟုတ်ဘူး။
"မစ္စတာဝမ် အနေအထားကို သတိပြုပါ"
ရှောင်းကျန့်ရဲ့စကားတွေဟာ သွားကြားကနေ ဖျစ်ညှစ်ထွက်လာသလားတောင် ထင်ရတယ်။
ရှောင်းကျန့်ရဲ့ မျက်နှာပေါ်က အနည်းငယ်သော အပြောင်းအလဲလေးကို သူ မြင်သွားလို့ထင်တယ်။ ဝမ်ရိပေါ်ရဲ့ မာတင်းနေတဲ့မျက်နှာက ခဏလောက် လျော့ပါးသွားပြီး သူ့နှာသီးဖျားဝကနေ သက်ပြင်းလေး ဖွဖွထွက်သွားတယ်။ အဲ့ဒီနောက် သူက ခပ်သာသာပြောတယ်။
YOU ARE READING
Human Nature is Evil ||Completed||
Fanfiction"မုန်တိုင်းနဲ့ ဆုံခဲ့ပေမဲ့ မင်းနဲ့တော့ လွဲခဲ့တယ်" - SEAHii_ Myanmar Translation နွေဦးတော်လှန်ရေးတွင် ထောင့်ပေါင်းစုံမှ ပါဝင်ထားသူများသာ ဖတ်ရန်ဖြစ်ပါတယ်။
