عشقت تلميذتي الفاتنة

البارت 7

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 7
        >... بتوقيت أمريكا : 08:30 ...<

• كان بارك ليث فالطائرة الخاصة ديالوا وباركة بجنبوا لاورا...

                   { حوار بالانجليزية }

لاورا وهيا كتحلون بصوتها : واش غادي نمشي معاك عند عائلتك و لا مغديش تديني احبيبي
ليث وهوا مكيشوفش فيها : غادي تمشي لداري
لاورا : و لكن انا بغيت نتعرف على عائلتك و حتا هوما يتعرفوا عليا باش مني يعرفوني نتزوجوا ياك نتا لي قلتي ليا هكا
ليث : غادي نعرفك عليهم و لكن ماشي دابا حتا نمشي انا و نهضر معاهم
لاورا شدت ليه يدوا : اه وخا احبيبي اه و امتا غادي نتخطبوا رسميا
ليث : مني غادي نمشي غادي نهضر معاهم باش نوجدوا للحفل
لاورا بصدمة : واش بصح ولكن علاش مزال مقلتي ليا والو
ليث : غير مساليتش و كنت باغا نخليها ليك مفاجئة

• نقزت عليه كتبوس فيه و تعنق وتشكر فيه على المفاجئة لي كان باغي يدير ليها...

لاورا لي باقا معنقاه وكتبةس فيه : اه شكرا شكرا احبيبي كنبغيك بزااف

• جرها عندوا مبركها قداموا وهوا منغامس معاها فواحد القبلة لي عميقة....

        >... في المغرب ...<

عند ندى لي كانت واقفة قدام باب تاع دار حنان كتغوت عليها باش تخرج عندها...

ندى بلغوات باش تسمعها : حناان و العورة و تي اجي لهنا
حنان : هنا جيا

• خرجت عندها بعدما حطت لبانيو لي فيدها فوق لبوطاجي...

حنان لي حاطة يد على لحيط ويد فخصرها : مالنا اش باغا
ندى : شوفي انا مليت يله نمشيو نسرحوا رجلينا شوية
حنان وهيا مخنزرة فيها : فين غادة تسرحي رجليك مع 7 و نص تاع العشية
ندى وهيا كتحاول تقنعها : عطا الله فين نزيدوا غير زيدي نعلمو فاطمة و سمية و يله نمشيوا
حنان وهيا متأكدة بلي مغادينش يخليوهم : الى خلونا نمشيوا
ندى بتقة : زيدي ضربيهم على حسابي متخميش [ضارت غادة عند فاطمة وسمية...]
حنان بالغوات : صبري اديك لكلبة نلبس فرجلي
ندى ضارت عندها : وغير سيري لبسي وتبعيني