عشقت تلميذتي الفاتنة

البارت 139

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 139
• سكتت حنان وهيا كتسمع ليها حتا هيا توحشت خوها ولكن عارفة بلي معندها حتا حل منغير تصبر... بقات فيها اسماء كيفاش طول هاد المدة وهيا كتبكي عليه وباقا وفية ليه وكتسناه ولكن حتال ايمتا...

حنان : انا صارحة معرفتش اش نقول ولكن كون غير كملتي حياتك هوا خويا اه ولكن منبغيش دايعي حياتك على قبلوا ونتي معرفاش واش حي ولا ميت وحتا لكان باقي حي مغداش تعرفي واش أسس حياتوا معا شي وحدة ولا لا
اسماء بإنفعال : علاش كلكم كتقولوا ليا هكا هوا راه كيبغيني وغادي يجي عندي ومستحيل يشوف فشي وحدة خرى

• عمروا عينيها بدموع وهيا كتحس بقلبها كيتزير عليها كتعصب فاش كيبغيو يقنعوها بلي راه كمل حياتوا وخلاها... حتا حنان عمروا عينيها بدموع من جيهة صديقتها لي كتشوفها كتعدب ومن جيهة خوها لي معارفة عليه والو....

حنان وهيا كتمسح فدموعها : ان شاء الله غادي يجي
اسماء : وغادي يكون ليا انا وحتا لجا وكان معا شي كلبة غادي تق*تلها ونق*تلوا ونق*تل راسي من وراهم
حنان : الله يدير لي فيها لخير وإن شاء الله يجي ويكون ليك بلا متحتاجي ديري والو
اسماء : ان شاء الله

• بقات هاضرة معاها وهوما كيواسيو بعضياتهم وكيصبروا بعضهم...

• عند ندى لي باركة حدا لميمة كتعود لكمال على دكشي لي طرى من لول...

كمال : شنو دابا غادة ديري
ندى : بغيت نمشي معاه ولكن راه منقدرش نتيق فيه يعني الى بغيتوا تمشيو معايا
كمال وهيا مبتاسم : حنا معاك ديما وخا غير غادة تلقاي عائلتك وغادة تنساينا
ندى : لا انا منقدرش ننساكم ولكن راه خاصني نرجع راه غادي تلقا عائلتي مشطونين عليا وزيد عليها انا كنت مزوجة يعني حياتي مخربقة بمعنى الأصح
كمال : حنا ديما معاك وغادين نأيدوك على اي قرار غادة تاخديه
لميمة : اه ابنتي حنا ديما معاك

• عند معاذ لي هاد لمدة كاملة مزاد غازيان وكبر وتفورمة و كبر لمشاريع ديالوا....

• كان بارك فالغرفة تاعوا وحاط تليفون على وذنوا كيهضر معا المساعد ديالوا...

معاذ : الو
المساعد : الو سيدي
معاذ : بغيت اي حاجة عندي توجدها ليا باش نقادها حيث راك عارف بلي باغي نهبط للمغرب وانا هاني
المساعد : راه كين شي وراق خاصك تسني عليهم وكينة واحد شريكة باغي دير معا شركة تاعكم شراكة وكدلك راه لقيت ليك شركة يله باديا وعليها ديون وباغا تبيع الاسهم تاعها
معاذ : ركز ليا على هاد شركة وتفاهم معاهم باش نشريوها ونفتحوا فرع حتا فالمغرب
المساعد : وخا اسيدي انا غادي نتواصل معاهم ونرد عليك

• قطع معاذ الاتصال حتى كتم داخلة واحد لبنت تكون عندها 16 عام... ولكن ملامحها وجسدها كيعطيو عمر أكبر من سنها...