🥀🔥عـــشــقـــت تــلميـــذتـي الفـــاتنــــة🔥🥀
By : oumaima mariposa
🥂الــــعــــشــــق... او ولــــوع فــــي الــــحــــب🥂
البــــارت : 87
سرباي وهوا مخزر فالولد : مالك معا البنت
شاب : ونتا مالك
سرباي : مكنبغيوش ضيوفنا يكونوا مبروطين وسط قهوتنا
شاب : هاني غادي
• مشا وهوا كينفخ... حط لفلوس فوق طبلة لي كان بارك فيها وخرج...
سرباي شاف فيها ببتسامة : واش طرات ليك شيحاجة
اسماء : لا شكرا اخويا
سرباي : هانية حتا حنا عندنا خوتاتنا
أسماء : شكرا مرة خرى
سرباي : هانية
• مشا سرباي وخلاها ومن بعد مدة جا معاذ بركوا بجوج كيهضروا وكيضحكوا من بعد مشاو ضارو شوية وفالأخر فاش تعاشات العشية كل واحد مشا للداروا....
• عند حنان لي كانت باركة حدا ماماها فالصالون وهيا متوترة معرفت كيف دير تجبد معاها الموضوع...
حنان وهيا كتفرك فيديها : ماما بغيت نهضر معاك
سمية وهيا كتشوف فالتلفازة : مالك
حنان : شوفي سيف خو ليث راجل ندى واش عرفتيه ياك
سمية : عرفتو ايه مالو
حنان : باغي يجي يخطب
سمية : وفيمن
حنان : اويلي فيا انا
سمية ضارت كتشوف فيها : و اش عجبوا فيك
حنان : اويلي اماما راني بنتك خاصك تشكريني زعما
سمية خنزرت فيها : وهوا فين عرفك بعدا
حنان بتوتر : دابا هوا فلعرس خدا نمرة وهضر معايا ودابا قاليا بلي باغي يجي يخطب
سمية : اوا مرحبا بيه الآلة
• قبل متكمل هضرتها سمعوا الباب كيدق...
سمية : نوضي حلي الباب
حنان : وخا انا نمشي نحل لباب
• ناضت حلت حنان الباب ودخلت هيا وفاطمة لي كانت هيا لي كدق....
حنان : مرحبا اخالتي فاطمة دخلي
سمية من صالون : شكون احنات
فاطمة تمت داخلة عندها : غير انا اسمية
سمية : دخلي دخلي [شافت فحنان] سيري عنري براد تاع أتاي احنان
فاطمة بركت حداها : لا غير خلي مخاصنيش
سمية : اوا مالك مجيتيش للدار لبارح واش بتي معاهم فدار
فاطمة : راه هدشي علاش جيت عندك دابا
• وعودت ليها اش طرى البارح كلوا بتفصيل المفصل...
سمية وهيا كضحك : دابا حتا انا غادة نخرج من هاد الكاريان اوا زهر مني كيجي كيجي بمرة
فاطمة وهيا كضحك : اوا فيطيمة وسويمية غادي وليو من ناس لهاي
سمية : ايه غادي نوليو الاموض... اوا مني يجي راجل ونعود ليه هدشي ونحاول نقنعوا
فاطمة : ومتجيبي معاك والو منغير حويجك اما دار راها مفرشة وشوفي الى كنتي كتعرفي شي حد خاصوا نصدقوا عليه لفراش ديال ديورنا
سمية : اوا دابا نقلب على شيحد محتاج
أنت تقرأ
عشقت تلميذتي الفاتنة
Misteri / Thriller🥀🔥عـــــــشــقـــــــت تــلميـــذتـــــي الفـــاتنــــــــة🔥🥀 By : Azorita | أزوريتا 🥂الــــعــــشــــــــق... او ولــــوع فــــي الــــحــــــــب🥂 🚨ممنــــــــوع منعــــــــا باتـــــ...
