عشقت تلميذتي الفاتنة

البارت 41

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 41
سيف ضحك وهوا كيجوب فيها : نتي هيا الحب
حنان : متقولش ليا هكا
سيف بستفزاز : لحب مسوقكش نقول لي عجبني
حنان : بغيت نعس بسلامة
سيف : اه وخا تعلاي فراسك وتصبحي على خير
حنان : تصبح على خير

• قطعت معاه وحطت تلفون وهيا كتشوف فسقف ومبتاسمة معارفاش علاش كتحس بالإحساس فشكل... بحالا قلبها طير فسماء سابعة... بقات مدة وهيا كتفكر فهدشي وهيا فرحانة ونعست وهيا كتشوف ملامحوا قدامها....

      ~~~~ أصبح الملك و الملك الله ~~~~

• فاقت ندى بكري وفطرت ومشات معا حنان وماماها للواحد المحل باش يكريو شي قفطان حيث هيا معندهاش شي واحد زوين للخطبة... شرات قفطان تاع الجوهرة ومشات دازت الحمام هيا وحنان ومن بعد مشاو لصالون وجدو راسهم بجوج ورجعوا للدار...

سمية حلت عليهن الباب وهيا كتهضر معا فاطمة لي فالكوزينة : فاطمة هاهوما جاو
فاطمة خرجت كتشوف فيهم : تبارك الله جيتو كتحمقوا
ندى : اوا خليونا ندوزوا

• كانت لابسة ندى الفقطان تاع الجوهرة لي كان بالباج وحاطة على راسها واحد شال لي غير دخلت وحيدتوا... دارت شال غير باش تخرج من عند الكوافورة لي كانت حداهم ودخل لدار بلاما يشوفها شي حد... كانت مصوبة شعرها وطلقاه ودايرة مكياج خفيف جا معاها أما حنان كانت لابسة قفطان عادي بالزرق غامق وطالقة شعرها لي كانت مصوباه مع مكياج لي كانت ديراه خفيف... دخلو لبنات للبيت بجوج...

حنان وهيا كتشوف فيها : واش ممخلوعاش
ندى هزت بكتافها : شوية وصافي

• هزات حنان تليفونها وصونات على سيف باش تسولوا فين وصلوا...

سيف : لحب ألو
حنان بخجل : كنقولك متبقاش تقوليا هكاك
سيف : وخا ازين
حنان : واش قرابين تجيو
سيف : اه راه غير يجي ليث ونخرجوا
حنان : اوا طريق سلامة باي
سيف : باي الحب

قطعت حنان وضارت كتشوف فندى لي كانت ميقة فيها بشوفات فشكل....

ندى وهيا مخنزرة فيها : معامن كنتي كتهضري
حنان بتاسمت وهيا حاطة يدها على قلبها : معا سيف
ندى هزت فيها حاجب : ومنين جبتي نتي نمرة تاعوا
حنان ببتسامة : عطاها ليا هوا او بأحرى كتبها ليا فتلفون تاعي
ندى ضربت ضربات خفاف حداها : احي بركي اصكعة عودي ليا شنو كين

• مشات حنان بركت حداها وهيا فرحانة وعودت ليها كلشي من لول... فاش خدا من عندها نمرة وفاش صونا عليها بليل... طبعا معودتش ليها كلشي حيث متقدرش ولكن الأساسيات راه قالتهم ليها....