عشقت تلميذتي الفاتنة

البارت 158

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 158
اسماء سكتت كتلطف الأجواء وهيا هازة خنافرها : غاواحد كنت كنعرفوا مني كنت صغيرة وفاش مشيتي نتا جا هوا ومن تم بقا معايا
معاذ وهوا رافع حاج بتسائل : كانت بينك وبينها شي حاجة
اسماء : لا راه غير بحال خويا وراه لعائلة تاعي كلها كتعرفوا وراه مراضعين هوا وسيف يعني هوا خويا فرضاعة
معاذ : اه وخا ودابا بأشمن حق قطعتي
اسماء : حيت بغيت واصلا نتا لي علاش قلتي لهديك حبيبتي
معاذ : عادي ولفت نقولها ليها وراه شرحت ليك علاقتي بيها فبلاش من هاد لغيرة لخاوية
اسماء لي بينة من صوتها مزال مقلقة : اوك وخا
معاذ : راه والله مكين لي يعمر بلاصتك وعرفتي شنو انا راه كنت معاود ليها عليك فكانت قالت ليا بلي لي غادة تبغي ضور بيك من غيرها هيا ندير ليها شي بلان باش تبعد منك وراه غير مأخرا نتفت واحد سفريطة كانت عندي فشركة
اسماء : واش هيا عارفة بلي كنتي كتبغيني
معاذ وهوا مركز على كل كلمة كيقولها : عارفة بلي كنبغيك ماشي كنت كنبغيك واش انا مبقيتش كنبغيك باش تقولي هكاك
اسماء: اه هدشي لي قصدت واصلا نتا علاش كنتي كتخلي سفريطات يضوروا بجنابك
معاذ : وراه كيكونوا خدامين معايا غاحتا كيقوليهم راسهم يديروا شي حاجة ولكن متخافيش ياسمين كانت قادية ليك لغراض
اسماء بتاسمت برضى : امم يعني هيا بصح معتابرها غير شي حاجة عادية
معاذ : ماشي شي حاجة عادية انا معتابرها بنتي والى كانت بنتي راه مغداش تكون شي حاجة عادية وسمعي ااسماء راه لخير كامل لي أنا فيه كيبقى جزء كبير منوا انه باباها لي كان سباب بعد الله حيت راه وخا انا رجعت فتحت شركات تاعي راسي ومخديت حتى ريال من لفلوس تاعوا ولكن كيبقى هوا لي دخلني لهاد دومين وهوا لي علمني وزيد عليها لخبرة خديتها منو ومن شركاتوا وحمد الله دكشي علاش مخاصنيش نسا لخير تاعوا وعلى الاقل نتهلا ليه غير فبنتوا فعافاك متخلينيش ندير شي حاجة معاكم وانا معاجبانيش تعاملي معاها مزيان وراه والله حتى ضريفة
اسماء : صافي كون هانية انا مغادي ندير ليها والو وكيف ما نتا غادي تعاملها بحال بنتك حتا انا غادي نعاملها بحال بنتي
معاذ وهوا مبتاسم : عارف قلبك حنين وغادة تعامليها مزيان

      ~~~~ أصبح الملك والملك الله ~~~~

• عند رعد وندى وليث لي كانوا باركين على طبلة كياكلوا فصمت حتا هضر رعد...

رعد : هاني ساليت ماكلتي واش مغادينش تديوني لعند نيلة كيف واعدتوني
ليث : حنا قد كلمتنا غادين نديوك عندها
ندى : هانتا شوف دابا انا وكاطاك غادين نمشيو نتقداو ونتا ونيلة بقاو معا جداكم ياك وتهلا فيها
رعد : انا قاد نتحمل مسؤولية نيلة غير خليها معايا
ليث وهوا كيضحك : وخا صافي غادي نخليوك تحمل مسؤولية نيلة