ليث وهوا كيشوف فيها : راه وصلنا ندى : اه وخا انا فقت دابا
• وقفات ولكن معا ما كانت واكلة والو شداتها دوخة...شدات فالكرسي كتحاول توازن...
ليث وقف وهوا كيشوف فيها ومفاهمش مالها : مالك ندى : لا والو ليث : واش نتي بخير ندى : اه يله نزلوا ليث هز المنطوا تاعها باش يلبسوا ليها : بلاتي لبسي المنطوا تاعك راه كين البرد ندى خداتوا من عندوا : نلبسوا غير راسي
• تنهد وهوا كيحاول يصبر راسوا من تعاملها زفت لي كتعامل معاه بيه... هز المنطوا تاعوا ولبسوا حتا هوا حيث راه ليل وكين البرد...
• نزلوا وهوا شاد ليها فيدها ومشاو لواحد الاوتيل وخداو غرفة لي كانت اصلا محجوزة ليهم فاش كانوا فالمغرب... طلعوا للغرفة ودخلوا
ندى وهوا مخنزرة فيه : متقولش ليا بجوج غادي نتشاركوا غرفة وحدة ليث قرن حواجبوا وهوا كيشوف فيها : علاش شنو فيها يكما نسيتي بلي راك مرتي... مقربتش ليك رغم انه حق من حقوقي ومخليك على خاطرك ولكن نتي مناوياش ترطابي كيبان ليا ندى شافت فيه وهيا كتغوت : مخليني على خاطري لا بينة غير مني تزوجتيني بزز مني راه بينة بلي مخليني على خاطري
• ربع يديه وهوا كيشوف فيها بعينيه لي خارج منهم شرار... كيحس براسوا غير مرحب بيه فحياتها رغم دكشي لي كيحاول يدير معاها...
ليث بحدة : واش ناقصاك شي حاجة فهاد زواج باش تقولي هاد الهضرة تزوجتك بزز منك اه وخا فهمناها ولكن دابا شنو بغيتي
• سكتت وهيا كتشوف ليه فعينيه معارفاش باش تجوبوا... كتحس بلي هيا بصح غير مقصحة راسها حيت تزوج بيها بزز وصافي اما المعاملة تاعوا ليها مفيها حتا ته*ديد...
•بقات ساكتة وغير كتشوف فيه حيت بصح معارفاش شنو تقول ولا شنو دير حتا قرب ليها وهوا شاد وجهها بين يديه...
ليث وهوا كيشوف ليها فعينيها بكل حب وحنان : معندكش جواب حيت أنا بصح كنعاملك مزيان ولكن نتي مصرة انك تقنعي راسك بلي انا شخص بززعليك زواج ومخاصكش تسمحي ليه حيت هد*دك وزيد وزيد ولكن خاصك تنساي دكشي وتخلينا نعيشوا مزيانين حيت هدشي راه ممسلكناش نهائيا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
