ندى جمعت الوقفة : ماما يله انا غادة نبدل حويجي باش نمشي راه هوا هذا الحال فاطمة : اه راه هوا هذا الوقت
• مشات ندى بدلات ولبسات كسوة طويلة شوية فالكحل واصلة تحت ركبة بشوية و مع سبرديلة بيضة و خلات شعرها مطلوق و دارت شوية ديال لعكر و ماسكرة و بوماضة ديال شمس و خرجات متوجها عند حنان بعدما هزت شكارتها وسلمت على ماماها وخوتها... غير خرجت لقات حنان واقفة قدام لباب ولابسة سروال جينز و تيشورط فالوردي مع سبرديلة بيضة و شعرها مطلوق... بقاو غادين فطريق وكيتحتوا حتا وصلوا للمدرسة وطلعوا للقسم وبركوا...
حنان : كيقولوا بلي جا شي استاذ جديد هوا لي غادي يقرينا دابا ندى : اوا على الله غير ميكونش بحال ديال داك العام ميعرف يشرح وفيه الغوات من الفوق حنان : اوا حنا و زهرنا ندى : صارحة جاني صهد واش معندكش شي بانضة نجمع بيها شعري حنان : لا نسيتها فدار
• حلت شكارتها وجبدت منها قلم... هزات يدها تجمع بيه شعرها كعكة مهملة...
حنان كتنغز فيها : شوفي شوفي ندى بجهد : و الخرية راه درتي ليا هر
• تسمع سقيل وكتحس بلي الانظار كلها موجهة ليها هزات عينيها بشوية للباب حتا كيبان ليها... بقات كدور فعينيها وهيا معصبة من الموقف لي تحطت فيه....
ندى بصوت شبه مسموعة : والله لا بقات فيك احنان ليث بتخنزيرة : اش واقع هنا ؟! ندى ببتسامة صفرة : سمحلينا
• دخل ليث ووقف حدا صبورة بتخنزيرتوا المعتادة...
ليث وهوا حاط يديه على المكتب : سلام عليكم سميتي ليث العمراني عمر 31 سنة انا استاذ ديالكم جديد نتمنى هاذ العام يدوز بخير معاكم.... [هز عينوا كيشوف فيها ورجع شاف فالقسم كلوا] و منبغيش صداع حيث كيعجبني الهدوء... مفهموم
ندى : كنعتاذر ااستاذ على قبيلة ليث هز عينيه و بقا ساهي فأم عيون فاتنة [كيف سماها] لبعض تواني قلال... قال ببحة : اعتذارك مقبول ندى [فخاطرها] : ويلي على زين قبل الاعتذار و لكن غير عندك زهر من طبعي كعما كنعتاذر و لكن على ودك هانية ليث طلع فيها حاجب : واش كتسناي شي حاجة ندى : لا لا [خرجت وهيا كتهضر معا راسها] تفو قمعني المسخوط حنان لي كانت واقفة قدام لباب : شنو طرى ندى تمت غادة سابقاها : عتاذرت و قبل الاعتذار حنان وهيا مسمرة فبلاصتها ومخرجة فيها عينيها : نتي عتاذرتي ندى : جنوني لي عتاذرو حنان تبعتها كتجري : واش هذا هوا خو داك تتيز ندى : اه خوه لكبير
• جرتها من يدها ومشاو كملوا للحصص لي عندهم و رجعو للدار....
°•°•° وكــــم أهــــوى تلك العيــــون °•°•°
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
