عشقت تلميذتي الفاتنة

البارت 133

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 133
ندى : وانا علاش رجعت قريت باش نخدم ونصرف على راسي وعلى ولدي ونعونكم ونرجع ليكم ولاو غير شوية من دكشي لي عطيتوني
لميمة حطت يدها على يد ندى : متقوليش هكاك نتي بنتي لي معطاهاش ليا الله وحنا مدرنا والو بالعكس نتي ولدك نورتوا لينا هاد دار
كمال : معاها لحق بلا بيكم كانت دار باردة وبالنسبة للخدمة راه هضرت معاك والله متحتاجي تخدمي وزيدون الى بغيتي تخدمي اجي خدمي معايا فشركة عندي علاش ماشية خدامة عند لبراني
ندى : شوف منقدرش نبرك من لخدمة حيث مغاداش نكون مرتاحة وشيحد كيصرف عليا حيث راه بصح معندكم حتا شي صفة لي تخلوني باركة معاكم وتصرفوا عليا فمن الأحسن نبقى خدامة
لميمة : بصح حنا ماشي عائلتك لحقيقية ولكن راه حنا حسبناك وحدة منا فمتبقايش تقولي بحال هكا
كمال : ان شاء الله غادي ترجع ليك ذاكرة ولكن نتمنى انك تعرفي بلي حنا عمرنا ننساوك حيث بصح عتابرناكم وحدة منا لا نتي ولا رعد
ندى حنات راسها وهيا كتحس بحزن كبير داخلها : راه قالي دكتور بلي صعيب ترجع ليك ذاكرة حيث راه مكينش شي حد كنعرفوا يعني من عائلتي وعارف عليا كلشي وغادي يبقى مرة مرة يديني لبلايص كنعرفهم وكيعجبوني وحتا طبيب راه معارف على ماضية والو يعني دوك لحصص مكنستافد منهم والو
كمال : خلينا نساو هاد الموضوع

• حاول يبدل لموضوع حيث بانت ليه غادة تبدا تبكي بحال كل مرة...

لميمة وهيا كضحك : فينوا حبيبي
رعد لي كان وراها : هنا [مشا عندها وباسها] صباح الخير احبيبتي
ندى : لا لا انا بان ليا نتي لي ولدتيه ماشي انا... انا مشيت فيقتوا كاع و مباسنيش ومقاليا والو كاع
رعد شد يدو وحطها على راسوا : اه ياربي على مغيارة اه [شاف فيها] راه كنقولك ديما متغيريش من لميمة راه نتي حبيبتي وحتا هيا حبيبتي [شاف فكمال] شي انا راه كنقولك بلي راها مغيارة
كمال وهوا كيهز ليه راسوا بأه : اه معاك الحق مغيارة
ندى شافت فيه وهيا مصغرة عينيها : ياك دابا شنو تحاميتو عليا
كمال : لا حشا
لميمة : زيدوا تاكلوا غادي يفوت عليكم لحال

• كلاو ومني سلاو مشات ندى ركبت حدا كمال باش يوصلها لخدمتها...

كمال : صافي دابا مناوياش تمشي تخدمي معايا وتخرجي من شريكة لخرى
ندى وهيا مبتاسمة ليه فوجهوا : صافي ليوم نقدم استقالتي ونجي نخدم معاك
كمال : صافي غير جي راه كاع لي فشركة عزيزة عليهم نتي

• فالمغرب عند اسماء لي كانت باركة فالبحر وهيا كتحسر على هاد الحالة لي وصلت ليها... من نهار مشا مبقات سمعت عليه حتا خبار....