عشقت تلميذتي الفاتنة

البارت 155

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 155
معاذ : اوا طالما حنا دابا مجموعين وفرحانين بغيت نقوليكم شي حاجة
مريم : الله يسمعنا خبار لخير
معاذ : دابا ست سنين وانا بعيد عليكم على قبل باش نقدر ندير شي حاجة فحياتي ومني نجي نخطب اسماء مترفدوش ليا... ودابا بغيت نخطبها حيث بصح تعطلنا بزاف وراه معندكم حتا سبب لرفض حيت سبب لي كنتوا ممكن ترفضوني عليه راه مبقاش
صخر : مرحبا بيك اولدي غير هيا حنا عمرنا كنا غادين نرفضوك الى اذا كانت بنتي مقابلاش اما من ناحية المادية حنا مكتهمناش ولكن دابا طالما درتي بزاف تاع لحويج ومجيتيش ومشفتيش عائلتك لمدة تاع سنين على قبل باش دير مستقبل ليك وحتا لأسماء وتكون قادر انك تعيشها وانا موافق نعطيها ليك وخا هيا ترفض حيت نتا لوحيد لي ممكن تستاهلها
مريم وهيا كضحك وكتشوف فأسماء : اه حتا انا عندي نفس رأي
اسماء : اويلي والى كنت انا مموافقاش
معاذ  شاف فيها وهوا مصغر عينيه : غير رفضي دابا ماشي مشكيل
فاطمة : دابا شنو نقولوا مبروك
مريم : نقولوا مبروك الآلة
معاذ : قولوا مبروك فأقرب وبعد سيمانة غادي نديروا لحنة ولنهار لي بعدوا نديروا لعرس حيت بصح راه تعطلنا
سمية : لا تزوج بيها ليوم حسن
معاذ وهوا كيضحك : مكرهتش والله ولكن عارف مغاديش يقدكم الوقت دكشي علاش عطيتكم سيمانة

• من بعد لفرحة لي دخلت عليهم كاملين انه جوج تاع ناس لي عزاز على قلبهم رجعوا كل واحد مشا لداروا... سمية وفاطمة مشاو لدارهم وسيف وحنان كدلك

• وحتا ليث دا مراتوا ولدوا لي معارفش كيفاش يتعامل معاه حيث اولا ولدوا فشكل وزائد مزال متقبل بلي راه عندو ولد... مزال مصدوم وحتا ندى مزال ممتأكدش واش بصح هيا كينة كل شوية كيقرب منها باش يتأكد هيا واش باقا...

• في لقصر عند ليث لي يله وصل هوا ورعد وندى ونزلوا من لوطوا وتموا غادي داخلين...

ليث وهوا شاد يد ندى : دابا دار كانت كتجمع ولكن راها خاوية من لماكلة حيث من نهار مشيتي مبقيتش نعست فيها
رعد وقف قدامهم : كين انا هنا ياكوا وريوني فين جا بيتي عفاكم
ليث طلق ليها من يدها ونزل لمستوى تاع رعد : بيتك مزال ما تصوب حيث انا باش غادي نعرف واش نتا كين ولا لا ولكن كنواعدك غادي نصوب ليك بيت واعر وغادي ندير ليك فيه كاع الألعاب
رعد وهوا كيشوف فيه : اولا انا ماشي صغير باش دير ليا لعاب ولكن دير ليا فشي قنت لعاب تاع لبنات [هز صبعوا وهوا مركز ليه على تاع لبنات] باش مني نجيب نيلة تلعب بيهم حيث كيعجبوها وراه غادي نجيبها عندي وخا مخليتونيش نجيبها معايا
ليث : ولكن راها صغيرة ونتا مغاديش تقدر تحمل مسؤوليتها وهيا مزال محتاجة ماماها
رعد وهوا كينعت على راسوا بصبعوا : انا قد مسؤوليتها [نعت عليهم] غير نتوما لي قصحتوا راسكم ، واش مشتيهاش مشات معا ماماها كتبكي حيث بغاتني