عشقت تلميذتي الفاتنة

البارت 11

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 11
اسماء وهيا فرحانة ليها : اه و اخيرا تنازل و مشا يخطبها
مريم : علاش واش كانت بيناتهم شي حاجة...؟!
اسماء : لا غير كان كيبغيها و كان ديما فارع ليا راسي بيها و كان كيسحاب ليه بلي مكتبغيهش
مريم : اوا الله يكمل عليهم حتا نشوفوا و لادهم
اسماء : اوا قولي لدوك ولادك يتزوجوا باش نشوفوا ولادهم
سيف لي دخل على هدرتها : بحالا شي حد هاضر عليا وزائد الحلوفة تزوجي نتي اما حنا باقين صغار
اسماء صغرت فيه عينيها : باقي صغير..!! اه اوا 29 راك باقي صغير بزااف و خوك 31 حتا هوا باقي صغير حشومة تزوجوا دابا
مريم ضربت فجنبها باش يجي يبرك حداها : اجي ولدي سيف اجي برك حدايا
سيف مشا برك حداها وهوا معنقها من كتافها : هنا الوليدة
مريم شدت ليه يدوا : شوف ليك شي بنت او تزوج اولدي راه بغيت نشوف ولادكم قبل منموت
سيف وهوا كيضحك معاها : راك مزال تشوفي ولاد حفايدك غير هوا نهار نلقى شي وحدة غادي نجي عندك
معاذ ناض جمع الوقفة : يله نخليكم تصبحوا على خير

• توجه غادي طالع لبيتوا وخلاهم باركين بجوج....

• بلاصة لوطوا ونزلوا يدوروا فالمدينة ندى شادة فيه من جيهة و حنان من جيهة خرى...

حنان : خويا بغيت نمشي ناخد ساكي من لوطوا راه نسيتوا و فيه تليفون.... عطيني لكونطاكط نمشي نجيبوا امعاذ

معاذ مد ليها سوارت : اه هكي سيري دغيا و جي راه غادين نقطعوا شانطي و نوقفوا
حنان خدات سوارت من عندوا : وخا انا منتعطلش

• مشات حنان وهوا تم غادي كيقطع فشانطي و نسى ديك ندى لي نزلات تحزم سيورتها مني قطع دار كيلقاها باقا كتحزم....

معاذ بالغوات باش تسمعوا : وا الهبيلة نتي قطعي
ندى هزت راسها فيه وهيا كتحزم سيورتها : بلاتي

• غير سلات و هيا تمشي كتجري و نسات تشوف شانطي واش خاوي ولا لا حتا كيتسمع واحد الفران سيك...

معاذ بالغوات : ندى

• مشا كيجري عندها وهوا خيف عليها...

معاذ : واش نتي بخير
ندى وهيا كتهز ليه راسها بأه : اه اه بخير
معاذ نزل عندها و شد ليها يديها : واش طرى ليك شي حاجة
ندى : لا راه بخير اصلا مقاستنيش طموبيل
الشيفور نزل عندها كيجري باش يطمن عليها : واش نتي مزيانة ابنتي
ندى ضارت كتشوف فيه : اه مزيانة و سمحليا حيت مشفتكش و جيت قدامك
ليث لي مني شاف شنو وقع نزل عندهم : شنو واقع هنا