عشقت تلميذتي الفاتنة

البارت 70

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 70
• داها معاذ وهوا هازها بين يديه دفع الباب باش يتحل ودخلها... حطها فوق ناموسية وحيد ليها طالون...

معاذ وهوا واقف وكيشوف فيها : واش عندك شي بوماضة ديال رجل
اسماء كبغاتش تحرجوا ولا تحرج راسوا : لا لا بلاش ماشي مشكيل
معاذ ببحة : راني هضرت واش عندك
اسماء وهيا كتنعت ليه جيهة تاع الحمام : راه فالحمام

• دخل معاذ وجاب ليها البوملضة وبرك على رجليه قدامها وبدا كيدهن ليها فديك البوماضة على رجلها...

معاذ وهوا كيشوف فيها : شوية دابا
اسماء: اه شكرا
معاذ : من الأحسن مترجعيش تلبسي هاذ طالون الى كنتي باغا تنزلي
اسماء: اه غادة نلبس واحد البلغة
معاذ : من الأحسن [ناض وقف وساس الحالة ديالوا]
اسماء : شكرا
معاذ : هانية مشي مشكيل [شاف فيها] وواش غادة تنزلي دابا
اسماء : معرفتش اجي بعدا نتا شنو كنتي كدير الفوق
معاذ : كنت كنقلب على الكوزينة كنت باغي ناخد الماء بارد حيت ملقيتش شي وحدة تجيبوا ليا
اسماء : اه وخا
معاذ : اوا مني مغداش تنزلي دابا نبقى بارك حداك ولا تجري عليا
اسماء تكاحزت عليه باش يبرك حداها : لا لا غير بقا ومنها نيت باش منملش راسي ولكن برك متبقاش واقف
معاذ برك حداها : اوا الى كنت غادي نبقا بارك حداك نصولك ومنها نيت نتعرف عليك
اسماء ببتسامة كتحس براسها فرحانة وهيا قريبة منوا وكتهضر معاه : اه مرحبا
معاذ : شحال عندك من عام
اسماء : عندي 21 ونتا
معاذ وهوا كيضحك : انا 23 كبر منك تقريبا بعامين
اسماء : اه
معاذ : اوا شنو كديري فحياتك واش مخطوبة كتعرفي شي حد عرفيني عليك
اسماء بتوتر من سؤال تاعوا : لا معندي حتا حد فحياتي وغير دار ونتا مخطوب كتعرف شي وحدة
معاذ : معنديحتا بنت فحياتي [هز عينوا كيرمقها بنظرات فشكل] ولكن يمكن راني لقيتها
اسماء نزلات راسها وولات حمرة فهمت قصدوا وعرفت بلي هاضر عليها : اه اوا الله يسهل عليك نتا وياها
معاذ وهوا كيضحك : الى رضات علينا هيا بعدا
اسماء هزت عينها كتشوف فيه : غادة ترضى عليك على شنو خاصك
معاذ شافيها وهوا مطلع حاجبوا : يعني صافي

• حدرت راسها بدون جواب... هيا متأكدة بلي هوا كيعجبها وعاجبها بكلشي فيه زينوا ورجولتوا وهضرتوا الموزونة ولكن كتمنى هاد الخطوة لي غادي دير متكونش غلط...

معاذ : سكوت علامة الرضى اولا

• لتحت عند حنان لي بقات كتسنا فأسماء تجيب ليها تلفون تاعها من الفوق ووالو مجاتش...

حنان وهوا كتدور فراسها كتحاول تقلب عليها : اويلي هادي فين تعطلت