عشقت تلميذتي الفاتنة

البارت 73

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 73
ليث وهوا شاد طريق للڤيلا : مبروك علينا امرتي
ندى وهيا كتشوف فشرجم : مبروك عليك غير نتا اما انا اصلا مكنتش باغا هاد زواج
ليث : موهيم غادين نمشيوا للدار تاعي راها قريبة مبعيداش بزااف على هنا شي ساعة ونوصلوا
ندى وهيا هازة خنافرها ومرضياش تطول معاه الحديث : اه اوا طريق سلامة

• سكتت وحطت راسها على شرجم كتفكر... باقي ضارها هدشي فراسها دابا هيا واش ترضى بأمر الواقع زعما وتعيش معاه على اساس زوجة تاعوا ولا خاصها تنكد عليه عيشتها حتا طلق منوا... ولكن علاش غادة طلق منوا متأكدة صعيب تلقى شي حد بحاولوا... بداروا وبفلوسوا زوين ومخاصوا والو... ولكن لا هوا فرض عليها شي حاجة هيا مباغاهاش يعني هدشي ممسلكش وهيا مخاصهاش تعيش طول عمرها وهوا كيتحكم فيها...

• بقات كتفكر وهيا حاطة راسها على شرجم ومن قوة تاع تفكير بدا كيضرها راسها فدكشي علاش قررت انه تحبس من تفكير وتمشي معا الموجة حتا تشوفها غين غادة توصلها...

• وصلوا فدام لڤيلا... نزل وحل عليها الباب وعونها حتا خرجات... وغير قاد ليها الكسوة تاعها وهزها بين يديه غادي طالع بيها....

ندى وهيا كتفركل بين يديه : حطني وا حطني نقدر نطلع راسي
ليث وهوا ممصوقش لتفركيلها : من عاداتنا زوج هوا لي كيهز زوجة تاعوا نهار لول
ندى وهيا مخنزرة فيه : اش هاد العادات تاع زبل مالها هيا مكروضة
ليث غمزها وهوا راسم على وجهوا نصف ابتسامة : حيت من هنا لشوية كتقرض

• فهمت قصدوا وولات حمرة... بدات كتفكر فشنو غادي يوقع من هنا لشوية نسات واش كينة شي ليلة دخلة اصلا... خرجها من تفكيرها غير هوا من حطها وسط الغرفة...

ليث وهوا كيشوف فيها : بدلي حويجك وراه دريسينغ روم راهوا ليه [نعت ليها عليه] وراه فيه حويجك وراه دوش هوا هداك وانا غادي نمشي ندوش فلبيت لاخر
ندى لي مزال مصدومة وكتفكر فشنو غادي يوقع من بعد : اه وخا شكرا

• مشا هز حويجوا وخرج من الغرفة متوجه للغرفة تانية باش يدوش ويبدل حويجوا...

ندى هزت يديها لسماء وهيا كدعي اللع : دابا انا اش غادة ندير... ياربي تيسر انا مستحيل نرفض الى هوا بغاني لفراش حيت حرام ولكن اربي انا مقادراش نخليه يقرب ليا عفاك خليه ينسا هاد ليلة وميطلب مني والو

• دخلات للدوش وهيا مزال كتفكر ومخلوعة... دوشات ونقات حالتها وخرجت للبيت...دخلت لدريسينغ روم هزات واحد لبيجامة لي لقاتها مستورة ولبستها...