عشقت تلميذتي الفاتنة

البارت 5

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 5
        ~~~~ فالمغرب عند بطلتنا ~~~~

• خرجات ندى من البيت ومشات عند فاطمة بعدما قادات خوتها فبلاصتهم وغطاتهم....

ندى : ماما
فاطمة ضارت شافت فيها : اجي بركي حدايا ابنتي [ضربت بيدها لحداها ضربات خفاف]

• مشات حداها وبركت وهيا حانية راسها... كتحس بالقلبها مزير عليها... عيات من هاد العيشة والغوات تاع كل ليلة...

ندى لي باقا حانية راسها للأرض : عيت اماما و الله كل نهار صداع و المشاكيل و الله الى راني صابرة غير عليك و على قبل خوتي
فاطمة تنهدت بالعمق : اوا صبر ابنتي حتا يفرج علينا ربي وصافي
ندى هزت فيها راسها وهيا كتشوف ليها فعينيها : علاش اماما مطلقيش منو و عطيه تيقار
فاطمة شاف فيها ورجعت شافت قدامها بحسرة واستسلام للواقع المر : وهانا طلقت منو فين غادين نمشيو.... [ ضارت كتشوف فيها ] راه ياكلونا ذياب ابنتي وميحنوش فينا
ندى بجدية : نكريو اماما شي الدار و نخدموا انا وياك
فاطمة تنهدت تنهيدة طويلة خارجة من لقلب وضارت كتشوف قدامها : ابنتي راك مزال معرفاش دنيا مزيان و متبقايش تقولي انك غادة تخرجي من القرايا و تخدمي انا صابرة عليه و خدامة على قبلكم ابنتي باش تقراو و تكبروا و تقدوا على راسكم... [ رجعت أنضارها ليها ] هوا ابنتي راه مزيان راه غير شراب و سكرة لي خارجة عليه
ندى نطقت بعصبية : كيفاش مزيان واش لي يجي سكران معا نصاصات ليل و يبدا يعرعر واش هاذا مزيان... حتا نتي اماما بديتي كتباني ليا كتصطاي والله
فاطمة : راه كان مزيان و كان هدشي مكيدورش بجيهتوا
ندى زادت فوتيرة تاع الغوات : نتي اصلا علاش قبلتي عليه من لول
فاطمة بحسرة... نزلات راسها لتحت وبدات تهضر : راه كانت ماما مربياني ابنتي و مقدرتش نخسر ليها خاطرها وهوا كان انسان مزيان و كان الله يعمر ليه دار ابنتي
ندى وهيا مخنزرة فيها : اه وعلاش دابا و لا هكا
فاطمة : هوا مني ماماه بغات تزوجنا كان كيبغي واحد لبنت خرى بنت جيرانا و انا مكنتش عارفة و ماماه مني عرفتوا كيبغيها قررت تزوجوا بيا ، حيت خالتك كان عندها عداوا مع ديك العائلة فحلفت لا تناسبات معاهم و باباك مني قالت ليه ماماه بلي غادي تزوج بيا مقدرش يقول لا... و تزوجني بزز منو و انا ابنتي كون كنت عارفاه كيبغيها مغديش نقبل وربي شاهد على شنو كنقول... و مني تزوجنا ديك البنت نتاحرات و باباك بقا ديما كيرد ليا اللوم بلي كون مقبلتش مكانتش غادة تموت ديك البنت لي كيبغيها
ندى شافت ليها فعينيها : واش اماما كنتي كتبغيه
فاطمة بعدت نضرها عليها : معرفتش ابنتي.... موهيم نوضي تنعسي راه الجو بارد بزااف و غادة تمرضي
ندى : اه وخا تصبحي على الخير غير انا بنسبة ليا الطلاق احسن حيت اصلا راه مكيبغيكش و حتا حنا مكيحملناش ممكن يبيعنا و ميعقلش علينا... موهيم يله  انا مشيت تصبحي على خير
فاطمة : تصبحي على خير ابنتي

• بقات باركة فاطمة و كتفكر فالهضرة ديال بنتها... بصح راه ممكن انه يبيعهم الى جاتو الفرصة حيت اصلا هيا مكيحملهاش و حتا ولادو حيت هيا لي والداهم راه مكيحملهمش.... نعلات شيطان و ناضت للبيت باش تنعس...