🥀🔥عـــشــقـــت تــلميـــذتـي الفـــاتنــــة🔥🥀
By : oumaima mariposa
🥂الــــعــــشــــق... او ولــــوع فــــي الــــحــــب🥂
البــــارت : 46
اسماء تبعتوا غادة معاه : وشكرا حيث عونتيني
معاذ شاف فيها ببتسامة : ماشي مشكيل
اسماء : واش نتا خو حنان لي جيتي عندنا داك نهار
معاذ وجه عينه لطريق : اه انا خوها [شاف فيها وبتاسم نصف ابتسامة] باقا عاقلا عليا
اسماء : واصلا شكون يقدر ينساك [وعات على راسها وحاولت تصحح غلطها] لا لا بغيت نقول انا مكنساش... موهيم انا اسماء
معاذ : متشرفين امدام اسماء وانا معاذ
اسماء : لا انا ماشي مدام [ضحكت وهيا هازة صبعها كأنها كتصحح ليه غلطوا] انا مادموزيل اسي معاذ
معاذ ضحك من طرقتها باش كتهضر : وخا امادموزيل اسماء• وصلها معاذ ودق لباب كيتسناه يتحل عاد باش يمشي...
معاذ وهوا كيشوف فأسماء : راهم بجوج كينين هنا
اسماء ببتسامة : اه وخا
حنان حلت لباب : سلام عليكم
معاذ : يله نخليكم [شاف فأسماء] تشرفت بمعرفتك• مشا معاذ وخلا حنان مصدومة ومفاهمة والو اما اسماء بقات متبعة ليه العين حتا ضار معا دورة...
حنان وهيا قارنة حواجبها :علاش خويا كان معاك
اسماء : خليني ندخل ومني نكونوا غادين نعود ليكم
حنان : اه دخلي دخلي
ندى لي كانت باركة فالصالون : صافي وصلتي موهيم حنا راه لبسنا وسالينا الى بغيتي نمشيو
اسماء لي كانت واقفة قدام لباب : يله زيدو نمشيو
فاطمة خرجت عندهم من الكوزينة : سلام ابنتي
اسماء مشات سلمت عليها : كديرة اخالتي لباس عليك
فاطمة : لباس ابنتي ونتي لباس عليك
اسماء بعدت عليها كتشوف فيها وهيا مبتاسمة : لباس حمد الله اخالتي• مشات ندى جرتها من يدها غادة خارجة بيها...
ندى : بسلامة افاطمة حتا نرجعوا وسوليها واش لباس عليها
اسماء وهيا جاراه ندى... ضارت كتلوح لفاطمة : بسلامة اخالتي
فاطمة وهيا كضحك ر اله ينقي طريقكم من شوك ومتديش على ديك المصطية• خرجوا لبنات من دار ومشاو لبنات للوطوا وركبوا مع اسماء...
حنان وهيا معنقة لكرسي تاع اسماء من لور : اوا عودي ليا علاش كان معاك خويا
ندى ضارت كتشوف فيهم بجوج بعدم فهم : كيفاش اش واقع
حنان وهيا كتشوف فندى : مني حليت الباب كان واقف خويا معاها وقاليها بسلامة وشير ليا حتا انا ومشا
ندى وهيا كضحك : هايهاي علاش كان معاك
اسماء وهيا كتسوق ومبتاسمة : وخا انا غادة نعود ليك على خوك تتيز
حنان : عودي لينا الآلة عودي
أنت تقرأ
عشقت تلميذتي الفاتنة
Mistero / Thriller🥀🔥عـــــــشــقـــــــت تــلميـــذتـــــي الفـــاتنــــــــة🔥🥀 By : Azorita | أزوريتا 🥂الــــعــــشــــــــق... او ولــــوع فــــي الــــحــــــــب🥂 🚨ممنــــــــوع منعــــــــا باتـــــ...