🥂الــــعــــشــــق... او ولــــوع فــــي الــــحــــب🥂
البــــارت : 2 • كانوا باركين حدا واحد العتبة ديال الباب حتا كتنزل على وحدة منهم واحد الكورة للوجه.... ناضت هديك لي ضربتها لكورة... شدات ديك الكورة و هزات موس لي كان تاع الخضرة وخشاتوا فديك الكرة حتا تفشات....
اشرف : وعلاش اندى حشومة عليك و الله راه مشريا بالدم جوفنا ندى قربت منهم وهيا كتغوت : اوا نتا شريها بدم جوفك و جي ضربني بيها... غادي تغبر عليا وجهك و لا نجي لخويا الولاد كاملين بصوت مرتفع : حشومة عليك و الله
• ناضت كدردك عليهم وهيا كتعير وكتغوت...
ندى حبست من جرى مني بانوا ليها بعدوا : وخا على مكم غير بانو ليا مرة خرى ونوريكم
• تمات راجعة حتا كتبان ليها صحبتها كتموت عليها بضحك....
حنان و هيا متكرشخ بضحك : ناري جاتك ضربة واعرة و الله كون غير عودوها ليك ندى خنزرت فيها : غادي تسكتي و لا ندير ليك كما درت للكورة حنان و هيا كتحاول تحبس ضحك : شتي عويقة كان كيجري و يقلز ليك ضحكني و الله ولكن وخا هكاك حشومة فركعتي ليهم الكورة ندى رجعت بركت حداها : اوا هوما لي ضربوني اما كعما نفركعها ليهم حنان : سكتي نتي مني بركتي و نتي قانية عليهم و من الفوق جيبا معاك الموس [رجعات كضحك] ولكن عبرتي عليهم ندى ببتسامة إنتصار : كنت محلفة عليهم من لبارح وليوم طاحوا فيدي وفديت فيهم القديم وجديد حنان : ولكن وخا هكاك حشومة فركعتي ليهم الكورة ندى شافت فيها وهيا كتهددها بالموس : غادة تنوضي ولا نفسك كيما درت للكورة
~~~~فالقصر العمراني~~~~
• باركة مريم هيا و أسماء فجردة تاع القصر و كيشربوا فالقهوة.....
مريم بالحزن : توحشت خوك ابنتي و الله [نزلوا دموعها لي مبقاوش بغاو يتحبسوا...] اسماء حطت الكاس تاع القهوة وقربت منها كتطبطب عليها : وصافي اماما متبكيش حتا انا راه توحشتوا و الله توحشتوا بزااف ولكن شنو غادين نديروا... خاصنا نصبروا سيف : واحد سلام وعليكم... [شاف فيهم وهوا مفاهم والو] الله الله مالكم كتبكيو اسماء بالحزن : توحشنا ليث اسيف و الله سيف بالتنهيدة : اوا صافي متبكيوش... واش هدرتوا معاه و لا لا...؟! مريم : اه هدرت معاه معا صباح و قلت ليه باش يجي و يستقر هنا فبلادوا سيف : واش قالك ؟! مريم : كيف العادة يكون خير و سلمي على دار و قطع سيف قرب حداهم وبرك وهوا كيحاول يضحكهم وينسيهم غياب خوه ليث : اوا دابا أنا معجبتكمش ولا شنو... شتكم مهتمين بيه غير هوا اسماء : الله يخيلك لينا اخويا [قربت منوا وعنقتوا] مريم فتحت يديها ليهم : اجيو عندي
• مشاو عنقوها وهوما كيحاولوا يطبطبوا عليها وينسيوها غياب ولدها لكبير لي خمس سنين مشافتوا..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
