عشقت تلميذتي الفاتنة

البارت 83

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 83
ليث : اولا هدوك عائلتي حتا انا ومدرت معاهم والو تانيا هداك ماشي شكر كتشكر بيه زوجة زوج ديالها
ندى وهيا مخنزرة فيه : وكيفاش نشكرك
ليث نعت لحنكوا : بغيت شكر تاعي يكون هنا
ندى وهيا مخنزرة فيه : لامبغيتش واصلا انا مطلبت منك حتا حاجة باش تعاون عائلتي يعني نتا درتي هكاك انا مسوقيش فيك
ليث : امم وخا

• خدم طموبيل وتحركوا فصمت... من بعد مدة نطق بحدة...

ليث هز راسوا كيشوف فيها بنظرات جدية : بغيت نعرف حتا ايمتا غادة تبقاي هكا باش نعرف واش غير كنضيع معاك الحجرة ومستحيل تشدي معايا طريق ولا غير عناد وغادي يحيد
ندى شافت فيه بنظرات مكيحملوا حتا احساس عكس داخل ديالها لي كان كلوا توتر بسباب هاد سؤال : مفهمتش
ليث زفر بضيق وهوا كيستغفر الله : حتال ايمتا غادة تبقاي مقصة راسك يعني واش مناوية ترطابي شوية وتنساي شنو طرى
ندى وهيا مخنزرة فيه : اش غادة نسا واش منيتك مزوج بيا بته*ديد وباغيني نسا واش عقلتي كيفاش تعاملتي معايا ولا... عاملتيني بحال شي عبدة عندك وكنتي كتامرني ندير شي حويج بلاما تسولني على رأي تاعي كاع

• وقف طموبيل فجنب طريق وضار كيشوف فيها كيفاش كتهضر بغل... كان عارف بلي راها معصبة من دكشي لي طرى ولكن ماشي حتال هد درجة...

ندى حيدت صمطة وهزت صبعها فوجهوا : سمع نقولك كاع دكشي لي كدير مغاديش يشفع ليك دكشي لي درتي فلول حيت كل حرف قلتيه باقا عاقلة عليه [هزت عينيها كتشوف فيه بإشمئزاز]  حتا الإعتذار مكلفتيش راسك وعتاذرتي وجاي باغيني نسمح ليك... وحاجة خرى الى كنتي باغيني عادي هانا قدامك مستحيل نمنعك حيت كتبقى زوج ديالي وحرام عليا نمنعك غير هوا باش تطلب شي حاجة خرى لا وكدلك راه مستحيل نسمح ليك تبقى تحكم فيا من هنا للقدام

• رجعت تقادت فبلاصتها وهيا كتنفس بسرعة... معارفاش باش كتحس بالضبط ولكن كتحس براسها قوية انها فالت كاع دكشي لي هيا باغاه يسمعوا...

• هز يدوا وحطها على يدها لي كانت كترجف... مكانتش راضة ليها لبال عكسوا هوا لي كان حاضي اي حاجة كديرها وكتقولها... حس بالغلط ليدار معاها ولكن راه بصح مكانش عارف شنو ممكن يدير قبل ولكن هوا مباغيهاش تبقى هكا...

ليث هز يدها لي كان شاد وباسها : كنعتاذر على كلشي وكون مكنتش كنكن ليك شي شعور عمرني كنت غادي نقرب حتا منك ولا نحط عينيا فعينك
ندى هز عينيها كتشوف فيه بهدوء : ماشي هداك هوا الحل باش  انك تزوج بيا... جرحتيني بالكلام لي قلتي حسستيني بلي بصح لي عندهم المال والجال هوما لي يقدروا يعيشوا ويتحكموا فكلشي حسستيني ببزاف ديال الحويج...

• كان مركز فعينيها وفكل كلمة كتقولها ليه وهوا كيحس بالغلط ديالوا معاها....