عشقت تلميذتي الفاتنة

البارت 69

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 69
• مشاو بجوج عند ليث لي كان واقف معا شي رجال كيسلم عليهم...

ليث : اهلا معاذ لباس
معاذ مد يدوا كيسلم عليه : بخير العريس
ليث : لعقوبة ليك نتا وهاد خينا لي واقف وشاف فسيف
سيف : انا عندي وقريب شوف غير معاه هوا
ليث هوا مخنزر فيه : اه ومزيان
معاذ ضار كيشوف فسيف وهوا كيضحك : وشكون هاد سعيدة الحظ
سيف عرف راسوا اش قال مني خنزر فيه ليث... بتوتر كيحاول يفكر باش يغطي على شنو قال : اه اه
ليث ضرب على كتف معاذ وهوا كيضحك : راه غير ضاحك كون كانت عندوا غادي تلقاه معانا
معاذ : اه اوا قوليا مطلعها علينا وخلاص
مريم وخيا كتشير لليث من بعيد : ليث اجي
ليث دار ليها اشارة براسوا : انا نمشي نشوفها اش بغات

• مشا عندها باش يعرف شنو باغا منوا...

ليث : نعام الواليدة
مريم : يله تعالا باش تصور معا ندى
ليث : اه وخا

• دخل ليث تصور معا ندى وبقا بارك حداها كيف قالوا ليه...

• حداهم فين باركة حنان وهيا هازة يديها باش ينشفوا واسماء لي باركة حداها وشادة تلفون فيدها...

حنان : اسماء نتي حيدتي الحنة حيت نقشتي قبل مني عفاك لما جيبي ليا تليفوني راه خليتوا كيتشارجا فلبيت الفوق
اسماء : وخا انا غادة

• خرجت اسماء من تما ومشات متوجهة للفوق... وصلت للبيت وخدات تليفون وتمات هابطة فدروج...

• يله غادة تنزل اول درجة وهيا تلوا ليها رجلها... كانت غادة طيح كون مجرتها واحد ليد... جرتها حتا ضربت معا شي صدر...

معاذ وهوا كيشوف فعينيها لي باقين مسدودين من كترت صدمة : واش نتي بخير

• غير سمعت داك صوت وهيا تحل عينيها بصدمة وهيا معرفتش مال قلبها زاد فضربتوا... واش حيت كانت غادة طيح ولا حيت هيا قريبة من شخص لي قريب لقلبها...

معاذ بعدها عليه بشوية وهوا شاد فيها من ضراعها : واش نتي بخير
اسماء دارت راسها تلوات ليها رجلها وشدت فيه : اي رجلي
معاذ كيحاول يوقفها : واش نتي بخير
اسماء وهيا كتستدعي الألم : اي اي رجلي كضرني
معاذ : واش نتي بخير
اسماء : لالا كدرني رجلي بزاف
معاذ هزها بين يديها : فين هيا الغرفة تاعك نديك ليها
اسماء تعلقات فيه وهيا كتحس بالإنتصار : راهيا لهيه [نعتت ليه على الغرفة]