عشقت تلميذتي الفاتنة

البارت 161

🥀🔥عـــشــقـــت تــلميـــذتـي الفـــاتنــــة🔥🥀

By : oumaima mariposa

🥂الــــعــــشــــق... او ولــــوع فــــي الــــحــــب🥂

البــــارت : 161
• وسط هضرتوا سمع الباب كيدق من برى... ناض ليث فتح لباب لقاها مريم لي واقفة...

مريم : يله نزلو [شافت فمعاذ] ويله امعاذ باش تنزل معا اسماء
معاذ : اه وخا اخالتي

• نزل معاذ وأسماء وهوما مشادين وابطالنا لخرين وراهم معا عيالاتهم...

معاذ قرب لوذنها : باقي ساعات قليل وتولي تاعي اولا نقولوا باقي دقائق معدودة راه لعدول جا
اسماء وهيا مبتاسمة : وجد راسك لحبل لمشنقة
معاذ : لمشنقة انا عشتها من نهار شتك... واش مني شفتك لا بنات بقاو لا حتى حاجة
اسماء ضربتوا بشوية لكرشوا بمرفقها : ياك هيا كنتي متعود على لبنات
معاذ : لا طبعا... [بتغير لموضوع] جيتي زوينة
اسماء وهوا مخنزرة فيه : بدل لموضوع من بعد ونتفاهموا
معاذ : راه مستحيل نشوف فشي وحدة دابا
اسماء : اوا عنداك

~~~~ بعد خمس سنوات ~~~~

• عند ندى وهيا هازة فيدها بنت صغيرة تكون فعمرها عامين بنت معاذ وأسماء...

ندى : رعد سير شوف نيلة فينها راه من صباح ومماها كتقلب عليها وملقاتهاش
رعد : قلقتوها دكشي علاش مشات تخبات
ندى : راها مبغاتش تشرب دوا من عند ماماها
رعد : وياك كنقول ليكم مني تبغين تشربوا شي حاجة متعجبهاش غوتوا عليا
ندى : وخا صافي

• مشا رعد وهوا معصب منهم كيقلب على نيلة لي كانت مخبية تحت واحد طبلة صغيرة كينة فصالون...

رعد : اجي خرجي عندي انا غير رعد
نيلة خرجات نيلة وعنقتوا : عرفتي شربوني دوا بزز مني وكان حار
رعد وهوا مبادلها العناق : صافي دابا نهضر معاهم ولكن راه كان عليك تشربي دواء باش تصحاحي وتحيد منك سخانة [حط يدوا على جبهتها] شوفي مني شربتيه كعما بقات طالعة ليك سخانة
نيلة : امم وقلت ليها تعطيني شكلاط ومبغاتش
رعد : شوو [شدها من يدها] يله اجي معايا لبيتي ونعطك شكلاط

• طلعوا بجوج لبيت رعد من بعد جبد ليها بزاف تاع شكلاط وبركها فنموسية وعطاها تاكل...

• عند ندى لتحت لي باقا هازة بنت اسماء حتا بانت ليها حنان جاية لعندها وهيا كرشها لفمها...

حنان : واش قلتي لرعد يقلب على نيلة
ندى : اجي بركي راك متقلة وراه قلتها ليه ودابا صافي بلاما تقلقي عليها راه غادي يكون لقاها وبرك هوا وياها باش يحزرها
حنان مشات بركت وهيا كتنهج : فينها سجود
ندى : راها كتعوم معا ليث ياك عارفاها كتموت على شي حاجة سميتها سباحة وخا مزال صغيرة

~~~~ تلخيص بسيط لهاد خمس سنوات ~~~~

• فهاد خمس سنين ندى وليث ولدوا بنت وسماوها سجود وهيا دابا فعمرها 4 سنين اما حنان فراها حاملة فشهرها لخر وعندها ولد...

• اما أسماء و معاذ ولدوا بنت فعمرها عامين وسماوها سحر ومنساوش أدهم لي تزوج بنورة إلى عقلتوا عليها لي كانت خدامة عندوا... تزوج بيها بعد حب من طرف واحد لي دام مدة طويلة ومني بغاها حتا هوا قرر يتزوج بيها من بعد مقنعاتوا اسماء...

• كمال لي كان كيكن مشاعر لندى وقرر يبعد وانساها حيت هيا مزوجة وبعائلتها فا مني بعد تلاقة معا وحدة لي كانت يتيمة ومطلقة نساتوا فيها ومن بعد لحب ديالهم... قرروا يتزوجوا ومهموش انها كانت مطلقة حيت معاها عرف معنا الحب...

• ودابا نقدر نقول وصلنا لنهاية طبعا هوما يله عندهم لبداية... بداية حياة سعيدة وطمأنينة ضروي من بعض لمشاكل حيت لحياة هيا لمشاكل ولكن طالما كين الحب والمودة فأي مشكيل كيقدروا عليه....

🍂🥂 النـــــهـــــايـــــــــــــــــــــــــة 🥂🍂

_سلات قصتنا لي عشنا معاها بزاف ديال المغامرات ، والحب ، صبر ، تضحية ، الفراق وبزااف تاع الحويج...

_مسخيتش بيكم وربي شاهد وكنعتاذر على اي نهار كنتوا كتسناةني نحط فيهم ومحطيتش فيه... ولكن كنت ديما معاكم عند كلمتي وكنوفس بأي كلمة قلتها...

_هادي كانت اول قصة ليا فعالم القصص بيها باش حطيت رجلي هنا بيها باش نتوما عرفتوني بيها باش انا بنيت ساس ديالي رجعت حطيتها بعد طلب تاعكم ليا حيت كين لي بغا يرجع يقراها وكين لي بغا يقرا ليا اول قصة.... راه بدلت فيها بزاف تاع الحويج بحال سرد ، الكوفر ، تقديم ، شخصيات ولكن راه الأحداث لي هوما اهم حاجة بقاو كيما هوما ❤

_كنشكر كل وحدة تبعات معايا القصة من لول حتا لخر وكانت كتعطيني رأيها فكل بارت تقريبا...

_خليو ليا اراءكم للقصة واي حاجة بغيتوا تقولوها وانا غادة نقرا كلشي❤

دابا نبغي نقوليكم موعدنا في قصة اخرى بإذن الله 🤍

#فراشاتي_الحرات🦋
#جيش_ماريبوساس🥂🍂
#قبلاتي_الحارة💋

تم تغيير إسمي الكبدات من [ oumaima mariposa | أميمة ماريبوسا ] إلى [ Azorita | أزوريتا ] 🍂