عشقت تلميذتي الفاتنة

البارت 148

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 148
معاذ : فهاد المدة تلاقيت معا الاب تاع هاد لبنت... ياسمين كان فإسبانية وكانو تابعينوا شي وحدين وانا عونتوا وديتوا معايا فين كنت ساكن انا مكنتش عارفوا شكون ولكن من بعد عرفتوا بلي هوا صاحب اكبر شركات لي كينين ففرنسا وكان جا الإسبانية على قبل شي خدمة وتلقاو ليه دوك رجال... وصافي هكا تبدلت حياتي مني شافني عونتوا وشافني كنخدم وقاري من لفوق حيث كانت عندي فرنسية واسبانية وانجليزية فقاليا نصوب ليك لوراق ويله معايا لفرنسا... هدشي كلو داز فمدة لي قصيرة لي كانت تقريبا عامين ونص... من بعد مشيت معا لفرنسا وعشت معاه ووراني بزاف تاع لحويج فالخدمة وبقيت مكلف ليه بالخدمة يعني كنت انا هوا يدوا ليمنا مني دار فيا ثيقة وليت انا لي مكلف بكلشي

• سكت وبقا كيشوف فيها وفملامحها كيفاش مركزة معاه بيهم حتا نطقت...

اسماء : كمل علاش حبستي
معاذ شتت نظر تاعوا من عليها : موهيم من بعد عام ونص طاح فالفراش ومرض وكتب ليا واحد شركة فسميتي وقاليا هادي ديالك رغم انه مبغيتش ولكن قاليا هادي تاعك وطلبني نحضي ليه بنتوا او بأحرى قاليا تزوج بيها وحضيها
اسماء وهيا مخرجة فيه عينيها : ونتا تزوجتيها...؟!
معاذ وهوا كيضحك : طبعا لا... وغير خليني نكمل وغادة تفهمي
اسماء : اوك كمل
معاذ : انا رفضت حيث اولا كنبغي وحدة خرى ومنقدرش نتزوج من غيرها وتانيا هيا كانت صغيرة بزاف... فهضرت وقلت ليه منقدرش نتزوجها وانا غادي نديرها بحال بنتي...  فصافي دار ليا وكالة على قاع ممتلكات تاعوا بلي الى مات غادي نبقى مكلف بيهم حتا توصل بنتوا ل19 عام عاد ممكن انها تاخد الاملاك تاع باها... وانا بقيت خدام وديك شركة لي عطاني رجعتها فإسموا من بعد مامات من بعد تقريبا شي ربع شهور... حيث مباغيش شي حاجة ماشي تاعي وصافي جمعت فلوسي وفتحت شركة تاعي راسي وهاد الايام شريت حتا شركة هنا... اما فلوس لبنت راهم مخبين حتا تكبر وهيا راه بحال بنتي وصافي وانا اصلا [بتاسم ليها وفوجهها] ميمكنش نشوف فشي وحدة خرى
اسماء وتلاحت عليه كتعنق فيه وهيا كتبكي : صافي دابا مبقيتيش غادي تبعد عليا
معاذ : لا طبعا [بعدها عليه بشوية] خليك بعيدة مني نتزوجوا وديك ساعة قربي
اسماء رجعت لبلاصتها وهيا كضحك : صافي هانا بعدت حتا تجي ونتزوجوا
معاذ : لا مبقا والو غير نشوفوا لقضية تاع ندى ويهدى الأمر وغادي نجي نخطبك ونتزوج بيك
اسماء : ان شاء الله يله نمشيو دابا عندهم
معاذ : اه وخا

• قلب رويض وتم متاجه لقصر وهوا كيضحكوا... كان فرحان حيت كيشوف الفرحة فعينيها... عارفها تعذبت ولكن كان متأكد بلي بعد العذاب ربي كيفرج... حتا هوا تعذب بزاف فاش كان كل مرة كيتفكرها وخصوصا فاش كيبدا يقول تقدر تكون نساتوا... ولكن كانت فرحتوا كتر فاش شافها كتبكي على قبلوا...