عشقت تلميذتي الفاتنة

البارت 43

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 43
• ناضت ندى وشدات فحنان وأسماء وهيا متوتر من ديما كتكون قوية فأي حاجة غادة تخطيها ولكن معارفاش علاش هاد المرة كتحس بغير ماشي كيف ديما فاش كتكون باغا تخطي فشي قرار خداتوا... هيا متأكدة بلي هاد القرار غير كل القرارت لي خدات فحياتها... تمات غادة عندهم وهيا حاضرة عينيها... دخلات والانظار كاملين عليها...

• هز عينيه مني سمع صوت شي طالون كيتخبط معا الأرض... هز عينوا حتا كتبان ليا أم عيون فاتنة داخلا معا صحبتها وختها... للحظة خفق قلبوا من جمالها لي كان طغا على المكان... كان باقي باغي يمتع عيونوا ولكن خرجتوا من سهوتوا مريم بصوتها...

مريم ببتسامة عريضة : اهلا اهلا ببنتي... تبارك الله جيتي كتحمقي [كحزات ودارت ليها بلاصة حداها] اجي ابنتي بركي حدايا

• مشات بركت حداها وهيا حاضرة راسها...

صخر : نختاصروا الموضوع موهيم بلاشك راكم عارفينا علاش جينا... موهيم جينا طالبين راغبين فيد بنتكم ندى لي اصلا راها بنتي حتا انا
مريم ضحكت وقالت : اه وبنتي حتا انا
فاطمة وهيا مبتاسمة : كلشي ديالكم
حميد : كلشي تاعكم
فاطمة : انا وباباها موافقين غير هيا الى وافقت معندي مندير منزيدكم انا
ليث وهوا مقاطعهم : قبل بغيت نهضر معا ندى الى كان ممكن
فاطمة : اه وخا اولدي مرحبا هنتا دخلوا للبيت وتفاهموا... [شافت فندى] ندى نوضي معاه
ندى بتلعتم : اه وخا

• ناض ليث وندى للبيت... دخلات هيا لولة وبركات فوق ناموسية اما ليث جر واحد الكرسي وقلبوا وحطوا حداها وبرك عليه...

ليث وهوا مخنزر كيف ديما : عارفة طبعا الى رفضتي اش غادي يطرى... دكشي علاش غادة نقولك اش غادي يطرى الى وافقتي... مماك مغاديش تحتاج تخدم من هنا لقدام وخوتك غادين يقراو فبلاصة مزيانة وحتا باباك غادي يكشي لمصحة باش يتعالج من الإدمان وغادي ندير ليه مشروع فاش يخرج أما نتي كلشي راه تاعك
ندى : ولكن هاذ زواج راه مجبور عليا
ليث : هانية من بعد تتقبليه

• نزلت دمعة على خدها بدون شعور منها... من طبعها مكتبينش ضعفها قدام شي حد ولكن دابا ذتحس براسها عاجزة...

ندى مسحت دمعة لي نزلات على خدها : حشومة عليك والله عائلتي شنو داروا ليك اصلا حتا دير ليهم شي حاجة خيبة

ليث سهى في عينيها لي كيحمقوه لثواني : نتي لي بيدك كلشي بغيتيهم يكونوا مزيان راه عارفة شنو ديري والى بغيتي تعدبيهم راك عارفة شنو ديري
ندى شافت فيه وعينيها كيدمعوا راسهم : حشومة عليك والله
ليث جمع الوقف وهوا متفادي يشوف فعينيها : مسحي دموعك ويله نخرجوا عندهم