عشقت تلميذتي الفاتنة

البارت 127

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 127

           ~~~~ بعد ستة سنوات ~~~~

ندى : اجي فين غادي راك غادي طيح
رعد وهوا واقف فوق البوطاجي : شوو انا بطل والابطال مكيطيحوش
ندى : اوك البطل تاعي يله نزل شوف راه لميمة كتغوت عليك باش تمشي عندها
رعد : اوك هانة نازل

• نزل رعد من فوق البوطاجي ومشا عند لميمة لي كانت واقفة قدام الكوزينة...

لميمة : ولدي حبيبي [نزلات لعندوا وهيا فاتحة ليه يديها]
رعد : ميما تاعي حبيبتي [باسها فراسها]
ندى : ياك دابا هيا ولات حبيبتك وانا
رعد ضار كيشوف فيها : هيا حبيبتي وحتا نتي حبيبتي
ندى : وخا اسيدي [ربعت يديها كأنها راها فكعانة]
رعد شد على راسوا : ناري على مغيارة

• مشا قرب منها وشدها من يدها باش تهبط لمستواه... هبطاتوا عندوا وهيا باقي كداعي انها مقلقة...

رعد باسها فراسها وشد ليها وجهها بيدياتوا صغار : شوفي انا راه كنبغيك بزاف اماماي وحتا لميمة كنبغيها فمتبقايش تغيري منها راه كنبغيكم بجوج
ندى جراتوا عندها : وحتا انا كنبغيك البعلوك
رعد جمع الوقفة وبعد منها : لا صافي جينا نحزروك ولينا بعالك مزيان الآلة

• تم غادي جيهت لبيت ديالوا وهوا موجه ليهم هضرتوا...

رعد : مباغي حد يصدعني
لميمة وهيا كضحك : علام عندك هاذ الولد... متعجرف
ندى لي حتا هيا كضحك : ويه تعجريف ماشي ليه في دم
لميمة : وباش كيعجبني انه وخا عيش فبلاد منغير بلادوا الحقيقية وعمروا نزل ليها ولكن كيهضر حسن من شي وحدين
ندى : راسوا خفيف تبارك الله وزيد عليها انه حنا كاملين فدار كنهضروا باللهجة تاع بلادنا باش يتعلم ليها وراه ضار معايا كمال بلي غادي يجيب ليه شي معلم باش يعلموا يكتب بالعربية
لميمة : ان شاء الله

• باقين كيهضروا حتا دخل كمال... مشا عند لميمة وباسها فوق راسها وقرب لندى وباسها حتى هيا فوق راسها وكلس حداها...

كمال وهيا كيضور فعينيه : فينوا حبيبي
ندى وهيا كتعيب فيه : قالك بلي مباغي حد يصدعوا 
كمال عنقها من كتافها وهوا كيضحك : هداك الولد متعجرف وبزاف
لميمة : بعدوا ليا من ولدي كلاكم حبيبي هداك
كمال : ياك دغيا فضلتيه عليا زعما انا هوا لي ولدك ماشي هوا
ندى : وحتا انا راه بنتك قبل منو هوا
لميمة : وصافي نتوما ولادي كاملين وعزاز عليا كاملين ولكن هوا كتر
ندى : اوك الآلة [ضارت كتشوف فكمال] كمال يله نمشيو بحالنا معندنا بلاصة هنا