🥀🔥عـــشــقـــت تــلميـــذتـي الفـــاتنــــة🔥🥀
By : oumaima mariposa
🥂الــــعــــشــــق... او ولــــوع فــــي الــــحــــب🥂
البــــارت : 20
• ركبت فاطمة لقدام وندى وحنا لور وتحركوا لدرب... بعد مدة وصلوا لدرب... حنان ومعاذ مشاو لدارهم وفاطمة وندى مشاو خداو داري من عند سمية ونزلوا لدارهم.... سخنوا لماكلة لي جابوا معاهم وبركوا كيتعشاو...
ندى وهيا ساخطة على لوضعية : داك لكنس تاني باقي مجاش غادي يشرب حتا يشرب ويجي يعرعر علينا
قاطمة خنزرت فيه : باك هداك اندى حشمي شوية
• ضربت الخبز فوق طبلة وناضت دخلت لبيت بعدما ردخت لباب... معاجباهاش هاد لعيشة تاع والو كل نهار المعيور وكل نهار كيفيقهم فنصاصات ليل بغناه والغوات تاعوا.... حيدت حويجها ومشات تخشات فبلاصتها وهيا كتفكر فهاد لعيشة تاع والو حتا نعست.... تعشاو خوتها ومشات فاطمة ضاتهم ينعسوا حداها....
فاطمة وهيا كتغطي فيهم : يله تصبحوا على خير
• قربت ليهم بجوج وباست ليهم فوق راسهم وقربت حتال لندى وباس ليتا على راسها وهيا كدعي ليها بالهداية ومشات خرجت لصالون وبركت كتسنا فحميد باش غير يجي ودخلوا ينعس قبل ميفيق دراري...
~~~~ 02:00 ~~~~
• كيف كل نهار دخل بعدما ردخ لباب على جهدوا وهوا كيغني وكيتمايل بسباب شراب... فاطمة لي كانت حاطة راسها على لحيط ومغمضة عينيها بسباب لعيا غير سمعتوا دخل وناضت كتجري عندوا....
فاطمة وهيا كتشد فيه : حميد عفاك سكت غادي تفيق دراري
حميد لي كيضحك ويتمايل : هادي نتي [شاف فيها وهوا كيضحك بجهد] نتي سباب باش هيا ماتت
فاطمة وهيا كطلب فيه : عفاك احميد بلا صداع دخل تنعس غادي تفيق دراري
• جرتوا للبيت وهيا كتحاول تسكت فيه... دخلتوا وحيدت ليه حويجوا وغطاتوا باش ينعس وبركت حداه...
فاطمة نزلت دمعة على خدها وهيا كتشوف فيه : الله يهديك احميد عيت معاك والله
~~~~ بعد اسبوعين ~~~~
• في قصر العمراني دنيا عامرة والمساعدات كيقادوا فزينة ديال الحفل وطيبات خدامين و كلشي ملاهي معا خدمتوا...
• الفوق فبيت أسماء... كانت باركة هيا ولاورا والمساعدات كيتقادوا للحفل...
لاورا لي باركة قدام لمرايا : شوفي انا بغيت شعري يكون مجموع حيت الكسوة لي غادة نلبس غادي يجي معاها غير شعر مجموع
البنت لي كتقاد ليها : وخا الآلة
اسماء كانت باركة قوق ناموسية وحاضياها : ولكن الاورا ديك الكسوة راها معيقة بزااف
لاورا بتكبر وتقة زيدة : ماشي سوقك انا عاجباني
اسماء تنهدت بضيق : اه ديري لي عجبك
أنت تقرأ
عشقت تلميذتي الفاتنة
Tajemnica / Thriller🥀🔥عـــــــشــقـــــــت تــلميـــذتـــــي الفـــاتنــــــــة🔥🥀 By : Azorita | أزوريتا 🥂الــــعــــشــــــــق... او ولــــوع فــــي الــــحــــــــب🥂 🚨ممنــــــــوع منعــــــــا باتـــــ...
