عشقت تلميذتي الفاتنة

البارت 159

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 159
ندى لي حتا هيا كضحك وتشوف فيه : اش هاد تعلق كامل لي تعلقني بيها
رعد : واش سليتوا نمشيو
ليث جمع الوقفة ومد ليه يدوا : يله زيدوا نمشيو
رعد وقف وتم غادي خارج : هانة سابقكم للطوموبيل حتا تبعوني

• وقفت ندى وجرها ليث عندوا وهوما كيضحكوا بحوج على رعد...

ليث : هاد لولد علام والله
ندى دفعتوا : طلق مني خلينا نمشيو
ليث وهوا كيشوف فيها : لا مبغيتش نطلق منك
ندى : رعد شنو بغيتي
ليث : عادي وخا يجي شنو فيها [زاد جرها عندوا] هاد لمرة إلى بغيتي تكذبي عرفي كيفاش [قرب ليها وباسها] يله زيدي نمشيو نديو هداك عند نيلة ليتصطا لينا هنا
ندى : راه تصطى مفيهاش

• وصلهم ليث لقصر ومن بعد مشا هوا لشركة باش يخدم فيها ويوشف شنو ناقص...

رعد داخل كيجري : واش نيلة جات ولا مزال [كيقلب عليها بعينيه]
مريم لي كانت باركة فجردة : مزال مجاتش
رعد ضرب يديها معا بعضياتهم وهوا كيشوف فيها : اوا مشاكيل
ندى من وراه : هاهيا جات
حنان وهيا هازة بنتها وداخلة : مالكم
ندى : عطي بنتك لولدي
حنان وهيا كضحك : اويلي على عطي بنتك لولدي يكما بنتي لعبة [دارت شاف فرعد] مغداش نعطيها ليك
رعد قرب لحداهم : غادي ناخدها وبزز منك اصلا شوفي كيفاش هيا باغا تجي عندي
حنان نزلت نيلة للأرض حتا وقفات وشافت فرعد : شوف هانا غادة نخليها معاك وحضيها صافي
رعد : انا قد لمسؤولية
حنان وهيا مبتاسمة : يخليلي لي قد لمسؤولية

• شد رعد يد نيلة لي كانت كضحك وتشوف فيه مشاو دخلو لجوج لداخل...

حنان  : خالتي حضيهم عنداك يطرى ليهم شي حاجة
ندى : متخافيش كيف قالك راه قد لمسؤولية [بدات كضحك]
حنان لي حتا هيا بدات ضحك : يختي عليه [ضارت شافت فمريم] فينها اسماء واش مغاديش تنزل راه يله نساليو شرى ومزال غادين نمشيو عند نقاشة حيت راه نمرتها توضرت ليا
اسماء من وراهم : هانا هانا يله زيدوا نمشيو

• مشاو لبنات للمول وشراو كاع دكشي ديال لعريسات لأسماء وبلا شك منساوش راسهم... من بعد مشاو عند نقاشة لي دارت معاها نهار لي تجي عندهم ومن بعد دارو معا نگافة لي غادة تجي عندهم يومين نهار لحنة ونهار لعرس...

• وهكا داز نهار ندى وحنان وأسماء غير فدوران وتوجاد لنهار لحنة ونهار العرس...