عشقت تلميذتي الفاتنة

البارت 90

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 90
• غير تصيفط لميساج وهوا يحيد ديك الكارطة تاع تليفون وهرسها ورماها من شرجم...

• عند ندى لي كانت كتفيق فليث باش ينوض يفطر ويمشيو للمدرسة...

ندى حطت يدها على ضهروا كتفيق فيه : ليث فيق
ليث جرها عندوا حتا رجعت تكات عليه... هز راسوا كيشوف فيها : المرأة مكتفيقش راجلها هكا
ندى وهيا مخنزرة فيه : وصافي نوض
ليث : مالكي
ندى بالغوات : واااااا طلقني
ليث لي قفزتوا : واش جهلتي [بعد عليها وخلاها تنوض] 
ندى غير طلقها وهيا تهرب وضارت كتشوف فيه : ماينفع ليكم غا الغوات اتريكت قيمش
ليث ضارت متكي على ضهروا وهوا كيضحك : ياك الآلة انا وليت من تريكت قيمش
ندى تمات غادة خارجة من لبيت : نوض خلاص بدل حويج وهبط خلينا نفطروا باش نمشيو
ليث ناض برك فوق ناموسية وهوا حاضيها : امرك الآلة

• ناضوا دوش وخرج لبس حويجوا وهبط برك كيفطر حداها وهوا كيهضروا ويضحكوا من بعد ركبوا فالوطوا ومشاو متوجهين للمدرسة...

• قدام لباب تاع المدرسة كان واقف بالطموبيل وغادي ينزل حتا وقفتوا هضرت ندى...

ندى : دابا هوما واش عارفينا مزوجين
ليث ضار كيشوف فيها : لا ولكن غادي يعرفوا دابا
ندى : شوف صافي وخا يله نزلوا
ليث وهوا قارن حواجبوا : مالك
ندى  : دابا انا الى نجحت بشي نقطة لي مزيانة حيث انا مجتهدة غادي يصحبوا غير نتا لي تكلفني ليا بنقطة
ليث وهوا مخنزر وقارن حواجبوا : ويقول شيواحد هاد الكلام لما وريتوا وجهوا وهوا مزوق راني منتسماش ليث العمراني [قرب لوجها كيقاد ليها فشعرها] يله نزلوا

• نزلوا وشد ليها فيدها تحت الأنظار تاع كلشي لي مفاهمين والو... وصلوا للقسم وهوا مشا يشرح وهيا بركات فطاولة تاعها...

• بعد مدة سلات الحصة وخرجوا تلاميذ وليث هضر معا ندى شوية ومن بعد مشات للقسم تاعها عند أستاذة لخرى... قراتهم حتا هيا ومن بعد خرجت للاستراحة لي عندها وبركت كتهضر معا البنات وحتا حنان...

ندى : مالكي احنان
حنان : حكا سلم عليك خويا حيث راه مشا
ندى : امتا غادي يرجع تاني
حنان : هاذ المرة قالينا غادي يتعطل بزاف وبلاما نعولوا عليه يحضر العرس تاعي

• قربت ندى لحنان وعنقتها... معا لهزا لي هزات عينيها حتا كتبان لــ الأستاذة لي كدور بليث طالعة لعندوا للقسم...

ندى بعدت عليها حنان هيا حاضية دروج : حنان انا جاية