🌹معادلة بمجهولين 🌹( مكتملة )

part 29

�"معـادلـة بـمجـهولـيـن"�

�#SaFae_El_idrissi

الجزء 29:

رضوان كيغوت:تقيصها نحو. ييك

آدم خنزر فهم بلي كيعايرو :شنو (شاف فالراجل لي معاه) فكها وحكمها مزيان عنداك تهرب

وهو قرب من رضوان شد السلاح وضربو بالجهة لورانية لوجهو تا بزق الدم

آدم:عاود شنو قلتي باش نفهمك

شوق باغا تمووت وتفك من يدين داك الجغل كتغوت جاعرة:طلق منو حسابك معايا

آدم شاف فرضوان ورجع شاف فيها:أوووه شي قصة حب هذي! ولكن عندك بحال المصير ديالي

قبل متستوعب شد الفردي ديالو وتيرا لرضوان فكرشو خلاه يغوت بجهد تا قلب شوق تهز معاه و بدات كتغوت بحال شي لبوؤة حاقدة تنترات بجهد من يدين داك الراجل بزز تعلقات فيه وجبدات الزيزوار بجهد تا تجرح فمها ودوزات عليه خلااتو طايح كيتركل آدم شافها هداك المنظر لاخر مشبح بدمو وهي فمها دايز بالدم بحال لي٧امبيغ شداتو الرعدة بعد زوج خطوات ودار بزربة كيجري هارب هي صافي زاد غضبها تبعاتو تا بان ليها غيركب فسيارتو وهي تغوت بأعلى صوت باش يسمعها

شوق:باقي نتلاقاو ونتيري لك ف�لاويك هاد المرة باش مطغاش عليا

لاحت زيزوار لي عامر بالدم ودخلات كتجري عند رضوان لقاتو فاقد وعيو والضربة دايزة بالدم بزاف حالتو كاع عمرات حيدات الكاغول تاعها وحطاتو على الجرحة كتورك عليها باش يحبس الدم وهي كضرب ليه فوجهو ولكن والو غايب عن وعيو
شافت تا عيات وناضت تنفسات مزيان وهزاتو على ظهرها بقات كتمشى بيه بالشوية كان تقييل عليها بزاف أضعاف وزنها تعدبات تا وصلاتو للوطو ركباتو للور حطات ليه الكاغول تاني على الجرحة وكضرب ليه على وجهو والو مفاقش ركبات القدام راجعة للدار وكتسمع نبضات قلبها ففمها على شكل عد عكسي ..بعد مدة تاع الطريق حرگات گاع الضواو  عافطة تا وصلات للڤيلا هبطات كتجري وكتعيط لي يعاونها بان ليها آسر جراتو من يدو تا وصلو للوطو وهو غا كيشوف شاف رضوان هكاك تصدم هزو معاها هي هازاه من جيهت كتفو وهو رجليه تا دخلو للڤيلا
شافهم جعفر تصدم قرب ليهم كيغوت

جعفر: رضوان مالو

دخلوه لبيت جعفر ليكان قريب حطوه فالسرير وشوق غي مخلوعة وهما مفاهمين والو حاطة الكاغول على الضربة ومزيرة عليها
تلفتات عندهم الدموع فعينيييها عمرهم شافو هكا تا ملامحها وااضح فيهم الحزن

جعفر: مال رضوان فين كنتو

شداتو من لڤيست ديالو كترجاه:عيط لشي طبيب عافاك مغيصبرش كتر

أيسل :أنا نعيط ليه

هزات تيليفونها كتصوني للطبيب بينما شوق رجعات عند رضوان قصوحيتها كاملة تبخرات كتبكي تا ولات كتبان ليها غا الضبابة بسبب الدموع لي ٱستولاو على عينيها

شوق:فيق عافاك متمشيش قبل متعرفني شكون أنا فيق أنا شوق ممتش غي فييق

طاحت على صدرو كتبكي بقاو هكا دقائق كيتسناو الطبيب اما شوق خلاص دازو عندها سوايع
دخل الطبيب آمرهم بالخروج ولكن شوق رفضات ولحسن حضه كيعرفها مقدرش يزيد معاها  الهضرة بدا كيداويه كانو عندهم تما آليات العمل بنجو وفتح الجرحة وبدا كيحيد ليه الرصاصة  وهي كتشوف فيه وكتحس بقلبها كيتقلع معاها تا كمل.. عطاه مسكن وعلق ليه السيروم رجعوها بحال غرفة فشي كلينيك بفضل الأدوات لي عندهم..

خرج الطبيب طمنهم ودخلو عندهم جعفر.. آسر وأيسل يطمنو عليه حتى هما وبحكم باقي غايب مبقاوش بزاف وخرجو أما شوق قربات كرسي من السرير شدات ليه يدو بيديها كتهضر معاه واليد لاخرى كدوزها على شعرو بحنية غريبة مغمورة بالألم والحب الغريب هو كذلك

#يتبع_غدا  �
توقعات